買完年花搭免費車番屋企！Uber 再次賣大包

2015-02-12

Uber 昨日推出兩程免費的士俾大家坐，就算坐唔到今日都入 $200 credit 俾大家任用所有 Uber 車。原來以為已經「The end」，點知 jetso 陸續有來。今日 Uber 更宣佈，由即日起取消 UberTAXI 預約費用（原來需要每場付 $15 或 $30 不等）直至另行通知為止。此外，由 2 月 13 日 11:00 開始至 2 月 18 日 23:59，每位用戶每日可以坐一程 Uber 貨 VAN，每程最多免費 $200！咁行完花市買完年花，就唔洗再同人迫地鐵啦。

要留意的是，如果叫車後取消，需要繳付 $20 取消費。其實 UberTAXI 車數理論上係比 UberVAN 多，但昨日都咁少人搭到，UberVAN 雖則可以用嘅日子有幾日，但要 call 到，除咗大家要俾啲「毅力」不停禁手機之外，相信都要番啲運氣啦。