唔賣廣告了! 所以各位 unwire 讀者唔好問我邊部好或者我用緊邊一部。其實我都唔係好識，不過 bowl 做了一些功課，主要有以下幾點：
1. 是否有大量的 nuts / 配料位
麵包機當然不單只做白麵包，如果你愛食大量 nuts 、提子乾或其他配料的話，配料位大一點是好的。
2.預設時間
如果你喜歡起身早餐前聞到新鮮的麵包味，一定要選一些有預設時間功能的機，不過夏天要注意一些雞蛋或有奶的材料不宜放得太久，而且最好臨訓前先好放材料，避免變壞呀嗎。
3.攪拌力
麵包機有平有貴，到底分別在那？我 bowl 覺得第 3 第 4 點是重點，有些平機聽朋友講在攪麵粉時不夠力，特別是製作濕度高沾性強的湯種麵包，平機可能打半個鐘都未得，要人手加時，如果是預設時間的話好多時會製作失敗
4.溫度控制
攪拌後，麵粉發酵好壞成味道關鍵，一般平機因馬達的隔熱做得不好，麵粉吸收了馬達的熱力；再加上天氣熱機身散熱慢，讓麵粉太快發酵讓味道變酸。
5.參考《選擇》月刊
Bowl 同大家一樣需然知道咗平貴機有以上四點的分別，但實在不知道那一台比較好，一是有咁貴買咁貴(一分錢一分貨定律)，二是參考去年的《選擇》月刊 （要付費)
1. 奶同雞蛋都要解凍先要解凍到室溫，太凍會影響發酵質素。
2. 我係用呢隻日清麵粉, 759/AEON有得買, 整出黎會鬆軟啲
3. 試過用烘培店其他麵粉 食落個麵包勁鞋口..
1. 焗盤中間用黎攪材料的扇葉, 我會事先落材料之前用筷子搽D牛油, 咁焗好個包既時候, 佢唔會因為卡住D 粉而蚊唔番出黎
2. 如果打到中途發現側邊有粉仲未撈得勻, 可以暫停部機打開蓋, 用匙羹幫手撈番落個麵團到, 跟住start番部機再攪
3. 材料跟次序落材料入個焗盤, 一般係先放所有液體-> 固體-> 酵母 *
4. 注意材料既係直接順序倒入去就得, 千祈唔好手多自己又攪下佢
5. 我用下圖呢款酵母, 試過用百佳買既理想牌, 完全發唔起…個包硬過石頭.. 做過資料搜集都係呢個better 或者試下用金燕牌
6. 緊記酵母唔可以接觸鹽, 同埋用完盡快封實擺落冰格
1 . 朱古力粒要買高溶點嘅朱古力, 如果唔係好易溶晒。秘訣:朱古力粒放入冰格儲存, 臨到要用既最後一秒先拎出黎
2. 憑自己技巧諗下點樣落朱古力粒放入去而又唔會溶, 千祈唔好只放在麵團面..如果唔係入面會無朱古力粒
3. 室溫都會有機會影響發酵，如果當日天氣太凍，你可以於麵團發酵時放塊濕布喺機面，就會發得高大好多架嗱 (我後來經過實試真係成功咗!)
4. 包「出爐」時可放上蒸爐架放包上去吹乾,用碟的話個底會焗住D 熱, 到時個包會濕晒唔好味
5. 收包既時候 只要調轉個焗盤左右搖下就會慢慢跌出黎, 跟住攤凍30分鐘先好切呀, 如果唔係熱包好難切又會切得唔好
6.切可以選用有狗牙既刀, 慢慢前後鋸下鋸下就得, 12蚊店好似有把幾好, 我自己呢把就喺第二到買
總結: 其實今次個包發得唔夠高, 唔夠好… 我自己估計可能係因為室溫問題, 我最成功果次係天氣暖D既時侯整..又可能因為牛奶同雞蛋解凍得唔夠, 所以大家整麵包, 最緊要有耐性, 經過一次又一次嘅試驗, 好快就會成功！
