早前 Samsung 已在香港推出採用金屬機邊的中階手機 GALAXY A3 及 A5，不過規格就似乎低咗啲。今日 Samsung 就宣佈推出此系列的旗艦機款 A7，有齊八核心處理器、2GB RAM、1080p 5.5 吋 Super AMOLED 熒幕等規格，亦自然有金屬機邊，售價亦只係 $3,698，都算抵玩，預計會在大年三十，即是 2 月 18 日開售，首批會有黑、白、金三色選擇。
另外，Samsung 今日亦發佈了入門的 GALAXY E7，熒幕尺寸與 A7 一樣但就只有 720p 解像度，規格亦較低，只採用四核心 CPU、2GB RAM 等規格，亦沒有了 A7 的金屬機邊。但售價就較便宜，只是 $2,898。它的發售日期更早，會在 2 月 13 日（本星期五）率先推出白色版，而藍色版本就會在 2 月底才開售。
