自從 Apple 推出了 iPhone 6 及 6 Plus 後，令 iPhone 終於變大芒，搞到小編身邊都有唔少本來用 Android 手機的朋友轉投 iPhone 懷抱，而且日對夜對。但熒幕總會發出藍光，如果係比較暗的地方玩手機，始終對雙眼有傷害。Armorz 最近就推出濾藍光的 Stealth Extreme Lite 的 iPhone 6 / 6 Plus 玻璃貼，如果想保護 iPhone 熒幕及雙眼，不妨考慮。
可防藍光同時不再「黃黔黔」
唔少「低頭族」成日拿住手機玩，但係又唔想傷眼的用家，都會考慮購買可過濾藍光的玻璃貼，但係市面唔少可過濾藍光的玻璃貼，都會有偏黃色的情況，如果購買黑色 iPhone 的用家，最多也是瀏覽熒幕時出現偏黃情況；但如果白色或金色 iPhone 用家，唔止熒幕偏黃，就連白色機身都變得「黃黔黔」，咁就真係唔太好睇。
Armorz 今次推出的 Stealth Extreme Lite，就再無呢個問題，大家以後就唔驚部 iPhone 變得再黃黔黔啦。
傳統的防藍光玻璃貼，會有偏黃色情況，整到機身好似黃黔黔咁。
就連熒幕顯示都會變得黃黃地。
但 Armorz 的 Stealth Extreme Lite 就不會有偏黃情況，所以貼上亦不會影響機身顏色。
當然亦不會令熒幕顯示變黃啦。
薄身硬淨防刮花
呢款保護貼屬於 Lite 系列，亦即是較薄身的玻璃貼系列，所以即使貼在 iPhone 6 / 6 Plus 的大熒幕上，亦不會影響使用時的手感。此外，不要以為薄就會減弱防護性能，因為它仍有高達 8H 級別的硬度，就算唔用手機套，直接將手機同埋鎖匙等硬物放在褲袋，都唔驚刮花熒幕。當然，玻璃貼的好處係，萬一不慎 iPhone 跌在硬地，都無咁容易直接跌碎 iPhone 熒幕本身。
貼身只有 0.1mm 厚，就算連同貼合劑層都係 0.2mm，十分薄，所以用起來都唔會影響手感。
擁有 8H 級別硬度，就算俾硬物刮在玻璃貼上都無咁容易被刮花，當然亦不會刮花 iPhone 熒幕本身。
售價：$268（for iPhone 6）；$298（iPhone 6 Plus）
查詢：Legend Distribution（2123 8200）
Leave a Comment