好多人以為駭客要 hack 入別人電腦或系統，要好高科技或者好貴的技術，而一般人又覺得自己唔係咁重要，應該都無乜野好俾人 hack。如果你咁諗，就錯了！剛在上週末於美國華盛頓舉行的 ShmooCon 駭客大會中，有講者就展示用成本少於 20 蚊美金（約 HK$156）的器材，就可以透過 USB 駭入別人的電腦，十分危險！
據研發 TURNIPSCHOOL 這個裝置的 Michael Ossman 表示，這款裝置只有 4 層 PCB 版、內置晶片的 USB Hub、德州儀器（Texes Instrument）的內置射頻收發器及一個 3D 打印的塑膠模組，成本極低。但他們認為未來在功能上，已經可以做到透過 USB 連接目標裝置進行監控及植入病毒。據該研發小組表示，他們亦已開展一個名為 Daisho 的項目，它是針對 USB 3.0 端子 hacking 的計劃，利用一個擁有高兼容性的電路板及一個平價 Field-Programmable gate array（FPGA），操控 USB 3.0 的監控工作。
所以話呢，其實對於駭客來講，hacking 裝置其實一啲都唔貴，所以大家為了保障個人私隱著想，都係記住用正版軟件，同埋一定要係裝置（無論係電腦、電話定係平板）安裝防護軟件啦。
來源：arstechnica
分享到 :
最新影片
