Street Fighter 街霸好多人都玩過，都用 joystick chok 出波，雖然曾經出過手機版，但一按出波實在太無聊，唔太 hit 得起。日前 Capcom 日本就在 Android 推出了 Street Fighter Puzzle Spirits，以類似寶石方塊的形式來對戰，消珠出波動拳，都幾得意。
遊戲中有紅、藍、綠三種氣（寶石），具有相剋屬性，可以按對戰對手腳底的氣來辨別。遊戲玩法和傳統的寶石方塊有點相似，不過消除的氣 後不是消失，而時變成更高 LV 的氣，當同等的氣消除達 LV3 後，就會進入 Combo 模式，帶來更高的傷害和使各種技能。但不是亂按一通消除就好，因為要看準合成高 LV 的氣掉落的位置，同色的要相鄰才能作進一步消除，要花點時間來熟習。
遊戲開始時可以選擇隆、Ken、春麗和櫻花開局，各人的能力都有所不同；完成對戰會提升等級和能力，往後會可以取得各種街霸人物。此外完成戰鬥可以獲得不同角色的必殺技能，但心水清都知好嘢都要扭蛋先有，遊戲的開局教學算短，完成第一個版圖就可以首抽，有興趣刷首抽可以試下。
遊戲Play Store 下載（日本帳號）：
https://play.google.com/store/apps/details?id=jp.co.capcom.android.sfpuzzle&hl=ja
日本遊戲下載教學：
http://check.unwire.hk/2013/12/05/jp-appstore-ac/headline/
