今日 Samsung 發表全新 Galaxy A5 及 A3 兩部新機，雖然佢地只係中價機，但機身反而金屬製，除了外表唔同咗，究竟佢仲有咩特別之處呢？（以下有更多資料）
金屬機向來都唔平，但 Samsung 這次推出的 Galaxy A5 反而改為金屬製，邊框感覺有點似 Note 4，但拿起感覺好薄頗輕，而且機背都係金屬製，質感跟以往 Samsung 機完全唔同。此外，Galaxy A5 亦一改 Samsung 機多年傳統，設計竟然冇得拆蓋換電，取而代之 SIM 及 MicroSD 卡槽都放在旁邊，更換時須用針頂出，而且它亦好似 Mate 7 咁 MicroSD 卡槽可放入 Nano SIM，但缺點是雙 SIM 時就冇得插 MicroSD。
▲ 拿起感覺有點似 Note 4，但更輕更薄，而且 5 吋屏幕單手操作亦更輕鬆。
▲邊框僅 6.7mm 厚，雖然唔算超薄，但手感好唔錯。
▲ 機背都係金屬製成，估此手感有別之前 Samsung 手機。
▲ Galaxy A3 / A5 不能再拆蓋換電，內建電池為 2,300mAh，卡槽都搬到機身旁邊，其中 MicroSD 卡槽可選擇放入記憶卡或 Nano SIM。
除了金屬機身，Galaxy A5 另一賣點係有唔錯的自拍功能，前鏡頭有 500 萬像素，除了支持 Note 4 有的 Wide Selfie 外，還加入聲控及手勢快門功能，前者都係講下 Shoot、Cheese 等字眼，而後者在鏡頭前張開手就會自動倒數，方法跟 LG G3 有點相似。此外，自拍模式仲有「美顏」功能，除了美白，還可瘦臉及加大眼睛，女士們一定至愛。
▲上圖是原圖，下圖是用了輕度「美顏」模式拍攝，效果都算明顯，而且有十級任意調整。
▲ 跟 Note 4 擁有 Wide Selfie 模式，想一班人自拍都冇問題。
▲ 主鏡頭的拍攝選項跟其他 Samsung 手機差唔多。
▲ 主鏡頭為 1,300 萬像素，對焦反應都幾快，相片雜訊低，但細節有少少「油畫」。
▲ 主鏡頭設計凸出機身。
【評測】Samsung Galaxy A55 外形 手感 屏幕 相機 效能開箱評測 受保護的文章：Draft: 2024 年買新電視要考慮什麼？7 大必知選購重點 Samsung 推 One UI 6.1 更新 S22 也可用 Galaxy AI
Galaxy A5 只係一部中價機，配置上它擁有 5 吋 720p Super-AMOLED 屏幕、Qualcomm Snapdragon 410 及 2GB RAM，性能實際比 Snapdragon 400 高少少，於 Antutu 大約有 22,000分。不過，值得一提是屏幕質素都唔低，顏色冇特別偏色，而且對比度相當高，感覺拍得住 Note 4 / S5 但只有 720p，而小編 最 Like 係屏幕有調色及灰階畫面，要來睇電子書就更省電。最後，此機支援雙卡雙待及 5 模 17 頻．當中已包括 TD-LTE 及 TD-SCDMA 內地 3G / 4G 制式，因此中港兩地使用都冇問題。
▲ 僅搭載 Qualcomm Snapdragon 410 及 2GB RAM，於 Antutu 可錄得約 22,000 分，成績跟「平價手機」高少少。
▲ 雖然只有 720p，但這個 Super AMOLED 屏幕顏色跟 Note 4 接近，相比小編 自己的 Galaxy K Zoom 感覺差得遠。
▲ 可以調整畫面顏色。
▲ 小編 最 Like 的灰楷模式，要來睇書非常好！
▲ 支持雙卡雙待功能，但缺點是用雙卡就冇 MicroSD。
▲ 另一款 Galaxy A3 設計其實跟 A5 很似，只是屏幕縮細至 4.5 吋 (960 x 540)，規格改為 1GB RAM 及 800 萬像素主鏡頭。
Galaxy A 目標係年輕用家，金屬機身提高不少印象分，個樣有其實似 Galaxy J，雖然配置唔算好強，但功能傾向比較實用，特別是自拍有明顯改善，這點值得一讚。不過，定價 $3,298 絕對唔叫「抵玩」，小編 只能說價錢比預計便宜，因此考慮得都是很著重外表的用家。
售價：$3,298 (A5)、$2,498 (A3)
查詢：Samsung （3698 4698）
【評測】Samsung Galaxy A55 外形 手感 屏幕 相機 效能開箱評測 受保護的文章：Draft: 2024 年買新電視要考慮什麼？7 大必知選購重點 Samsung 推 One UI 6.1 更新 S22 也可用 Galaxy AI
