上星期試玩 VEGA A920 都講過日版 LG G3 即 isai FL LGL24 好抵玩，但誓估唔到佢最近售價跌到 $2,000 以下，先唔論佢樣唔樣衰，究竟純實用角度又抵唔抵玩呢？（以下有更多資料。）
isai FL LGL24 其實都賣了一段日子，只是售價越跌越急才人氣急升，雖然大家都稱佢為「日版 G3」，但機身設計其實跟正印 G3 好唔同。首先，LGL24 外學膠感比較重，機背雖保留背鍵設計，但實際只有音量加減，電源就移至機旁，故此操作習慣會有點分別。其次，機背依然可拆蓋，但最大分別是不能更換電池，內裡只能擺放 1 張 Nano-SIM。雖然冇得換電吸引力大減，但換來的是擁有 IP67 防水設計，這也是機頂 MicroSD 卡槽設膠塞的原因，而且外殼還有搶眼桃紅及藍色選擇。
▲ 手感跟正印 G3 差唔多，只是外殼膠感較重。
▲ 背鍵只剩下音量加減，而電源就改到機旁。
▲ 雖然背蓋可以拆開，但裡面只能擺放 SIM 卡，而機頂膠塞內就可插入 MicroSD。
講到底 LGL24 抵玩係規格，因為兩千唔洗就可享有 G3 同級的 5.5 吋 2K IPS 屏無及頂級 Qualcomm Snapdragon 801 處理器，雖然同正印比只有 2GB RAM（港版都有 2GB/16GB 版本），但儲存空間仍維持 32GB，加埋可擴充 MicroSD 設計，安裝再多 App 及 Game 都一定夠用。其次，LGL24 擁有 G3 相同的 1,300 萬像素主鏡頭，旁邊一樣有鐳射對焦系統，因此拍攝感覺跟 G3 差唔多。此外，它能對應香港 4G LTE 網絡及內建 3,000mAh 電池，論規格其實跟正印真係差無幾。
▲ 搭載 Qualcomm Snapdragon 801 處理器，於 Antutu 可錄得約 39,000 分，成績跟 G3 幾乎冇分別。
▲ 雖然好多日本手機都冇中文介面，但這部 LGL24 就係例外。
▲ 雖然 ICON 跟 LG 有少少分別，但用落就感覺就差唔多。
▲ 拍攝介面跟 G3 相同，對焦反應一樣快，而夜間拍攝雜訊相對較明顯。
雖然個樣小編 比較鍾意正印 LG G3，但不能否認 LGL24 這個價錢有 2K 芒、Snapdragon 801 仲要防水，暫時市面真係搵唔到第二部，只要唔太在意外表，純實用角度睇 LGL24 這個價錢真係冇輸的理由。
售價：$1,950 起
查詢：吉之田（9142 1374）
