平常最多人用來睇戲煲劇的裝置，除了電視，手機、平板肯定是主流。不過這些流動裝置熒幕就算再大，也不過是 10 吋左右，如果要成班朋友一齊睇，要迫埋一齊睇就唔太方便啦。CooLux 最近推出的 Q6 隨身投影機，用無線功能就可以接駁手機平板睇戲、打機、甚至玩 APP 都得！加上夠光就算開燈用都無問題，以後要隨時開戲都無問題啦。
Q6 最特別的地方，就是支援無線功能，如果接駁電腦或其他影音產品，可以使用 DLNA；如果接駁 iPhone、iPad 就可以用 AirPlay；而接駁 Android 手機、平板就可以使用 Miracast，基本上是「通殺」。而且小編測試過，無論是使用 Android 手機還是 iPad 接駁 Q6，流暢度均十分高，感覺就像在手機、平板或電腦本身的熒幕上使用一樣。
▲Q6 以 AirPlay 接駁 iPad，就可以無線將 iPad 熒幕投射到白牆上，打機唔洗局限在手機或者平板的小熒幕上，自然更爽。
除了支援無線傳輸功能外，Q6 本身的投射功能，燈膽亮度高達 140 流明，在這類不用火牛，單靠內置充電池推動的袋裝投射機來講，已經算幾高。小編測試過，在全黑的房間內，自然有最好的投射效果；但就算房間燈火通明，將畫面投射在白牆上，同樣有頗高清晰度的效果，這樣睇戲時就唔洗關燈睇壞眼，就算工作時要拿出街 present，唔洗關燈都做到，確實方便得多。加上它採用了 DLP 顯示技術及亮度動態調整技術，照度均勻度超過 90%，對比度高有 1000：1，加上擁有 20,000 小時的超長壽命，自然既耐用又有投射質素保證啦。
▲關燈情況下欣賞影片，自然有最佳效果。
▲就算開燈睇，效果一樣唔差。
除了夠光外，Q6 的投射功能也算不錯，不但可以自選投射熒幕比例是 4：3 還是 16：9，而且最短 30cm 已可投射出 15 吋的熒幕；而僅需 2.5 米距離，已可投射出 80 吋的熒幕，在這種微型投射機來說，已是十分不錯的投射比例。另外，Q6 亦支援手動物理調焦，可以使用機側的滾輪自行微調清晰度，使用時就更方便。
▲小小的投射燈膽，已可投射出最大 80 吋熒幕，認真誇張。
▲機側有滾輪可調較投射清晰度。
既然說得是流動投射機，Q6 自然十分輕薄，它的表面面積與一部大芒智能手機差不多，重量亦只有 190g，外攜使用時就算放於褲袋或手袋都無問題，而拿在手上時不但可以單手牢握，就算只用 3 隻手指都可以輕鬆托起機身，可見它的便攜度確實頗高。加上它內建了喇叭，而且音量十分大，就算直出影片音效，100 平方呎房內所有人都可以清晰聽到，可說是真正的便攜投射機。但如此細小的機身，大家就不要太執著於音質了，真要有較佳音質，還是建議透過它內建的 3.5mm 耳機插孔，將音效輸出至外置喇叭會比較好。
▲Q6 超輕身，就算女仔都可以幾隻手指輕輕托起機身無負擔。
▲端子十分齊全。
Q6 投射解像度為 854 x 480，但內建 microSD 卡槽及 USB 端子，可以直讀 USB 或記憶卡中最高 1080p 解像度的影片。此外，操控亦十分簡單，只要按動機面的方向鍵，就可以操控音量、上一首或下一首等。
▲內建 microSD 記憶卡插槽及 USB 端子，支援直讀 USB 或記憶卡內檔案。
▲操控介面全位於機面，而且十分直覺式，很容易上手。
既然說得上是流動投射機，Q6 自然內建了電池，讓大家可以飛甩火牛，真正無線隨時隨地睇戲或投射手機、平板熒幕。它內建了 5,000mAh 容量電池，配合低功耗 RGB-LED 光源，光引擎只需要 3W 的超低功耗，令它每次充滿電，最長可能連續投射 120 至 150 分鐘的畫面，要睇完一套 2 小時的電影，電量絕對綽綽有餘。加上投射機機底設有一個小機座，隨機亦附送一個較高身的腳架，可以對應投射距離作支撐機身使用，十分體貼哩！
▲內建 5,000mAh 容量電池，最長可以連續播放 150 分鐘的影片。
▲機底有個小機座，可以座高 Q6 方便投射畫面。
▲隨機亦會附送一個小三腳腳架，可以方便作更遠距離及更大熒幕投射。
售價：$2,698
查詢：Everbest（2541 2982）
[divider]
除了 Q6 外，CooLux 同場亦發佈了最新的頂級迷你 DLP 投影機 X3S，它最特別的地方是支援 3D 影像投影功能，只要接駁了能輸出 3D 影像的裝置，例如：3D Blu-ray 播放器、PS3 / PS4、甚至電腦等，它就可以將相關影像投射出來，十分方便。而且它亦十分輕巧，方便外攜使用。
售價：$4,288
查詢：Everbest（2541 2982）