各位 unwire 讀者好！又係我 Bowl 呀 ~ 踏入 12 月，第一時間當然係諗起聖誕節啦 ~ 唔知各位諗好晒聖誕禮物未呢？無頭緒都唔緊要，因為我已經一早準備好 ~ 今次就等我阿 Bowl 同大家分享下聖誕禮物指南啦！
今年聖誕我要準備四樣禮物比唔同親戚朋友，第一係我好姊妹、第二係我阿哥、第三係我細妹，至於最後係邊個？就賣個關子先！其實送乜野禮物- 我真係諗到好頭痛! 我想份禮物每個人都用得著，夠實用就唔會得個擺字…最好有一間舖頭選擇又多，又可以比到多d idea 比我，唔使煩嘛! hehe =)
▲今日我嚟到尖沙咀 The One 8樓一間手機潮物精品店，入面除左耳機外，仲有其他隨身gadget 如電池、電腦背囊、手機保護殼、喇叭等等，有好多野睇啊!
▲首先我一嚟就睇中咗呢對 Shure SRH144 耳機，炭灰色外型又幾sharp！
▲店入面仲有試聽區，可以比客人拎上手試聽，搵吓有無嗰對 Shure 先！
▲搵到呀！而且拎起上嚟好鬼輕！原來得 150 gram。
▲雖然我平時都只係用手機聽歌，唔係乜野金耳朵，
▲呢個耳機仲可以摺埋放入袋，拎出街就更方便啦！舒舒服服聲又甜，我決定買佢比我好姊妹！佢鐘意型格炭灰色呢。
▲睇完 Shure SRH 144 其實隔離我仲睇到個外表差唔多、銀灰色嘅 Shure SRH 145m+，唔知有咩分別呢？等我試埋先。
▲呢對 Shure SRH 145m+ 睇盒說明係封閉式耳機，戴落比 SRH144更加隔音，而聽落呢，低音更加有力，應該比較適合聽 pop music，而且佢有埋三鍵式線控，拎埋”made for iPhone” 認證，可以講埋電話呢！
▲我阿哥好鍾意低音，而且仲用 iPhone6，呢個 SRH 145m+ 就啱晒佢啦！同對 Shure SRH 144 仲好似一對咁，順便幫埋佢地綴合都唔錯啊。
▲之後就要搵對比我細妹嘞，佢話過想要對入耳耳機，唔想再用手機原裝喎！睇下有乜細細對，啱女仔戴嘅先！
▲係度就比我發現咗呢對 EOps NOISEZERO iXi 2.0，有紅同藍兩款。
▲說明話佢有 Narrow Sound Tube 細小直徑耳內導管設計，可以減少耳塞喺耳道不舒服嘅情況。咁就啱晒我耳仔細嘅阿妹啦！
▲原來呢個系列係由周柏豪代言，我拎起隻demo，
▲我本身其實比較少用入耳式耳機，不過呢款 iXi 2.0 設計到同時支援兩款戴法，掛耳又得，順戴又得，戴得都幾舒服。我見隻demo 用矽膠塞，原來隨機仲送多一對美國Comply Ts-100 耳綿，鐘意重d低音又得，鍾意少d音染又得。靚仔店員話呢隻個單元用左一款特強磁鐵，動態更好，細節又清晰。
登登登櫈~ 咁最後一份禮物係買比邊個嘅呢？咪就係我自己囉！
▲咁我究竟揀邊種耳機好呢？你估唔估到先！
▲睇咗咁多對耳機，其實我自己想要嘅，係藍牙優先呢！畢竟我成日去跑步，有條線扯住扯住，都幾麻煩 (所以咪就嚟斷囉….)。
▲所以我就揀左呢對 Philips SHB5800，佢支援以NFC 完成藍牙配對，好鬼方便。加上我呢排操緊渣馬，呢對耳機方便在有耳扣作為固定，唔怕跌出嚟，亦有基本防汗機能(IPX2)，咁就 fit 晒我啦! 在基本黑白色之外，我就揀左呢對紅色聖誕特別版，好鬼鍾意呀
▲睇完我嘅介紹，希望對你都有幫助啦！今次係咁多，我去買花花紙包禮物先，下次再同大家分享！Bye Bye ^_^ /
建議零售價:$450
建議零售價:$550
建議零售價:$649
建議零售價:$499
產品查詢:
Shure: Winner Smart 2618 7388
EOps、Philips: 永利達國際 2407 1118
場地提供: Echoboomer @ THE ONE
