小編 ：「相機、平機？兩頭唔到岸」- Nubia Z5S mini LTE

轉眼就到聖誕節，又係時候走去影下聖誕燈飾，即使大家唔會帶相機，但都會用手機拍下來。最近 Nubia 有部 Z5S mini LTE 就聲稱相機可媲美 DSLR 級數，但售價只是兩千頭，究竟實際效果如何就等小編 試玩一下。（以下有更多資料。）

扮相機介面！影相「麻麻地」

Z5S mini LTE 只係一部中價手機，但配備 1,300 萬像素 Exmor RS 感光元件及 F2.2 光圈鏡頭，單單規格已拍得住貴價手機，可更利害是拍攝介面，因為拍攝畫面竟然備有水平儀，小編 感覺同自己的 E-M10 有幾分似。它備有 3 種拍攝模式，其中包括 Auto 及多了 Time Lapse 的 Fun 模式，而最後的 Pro 就是手動設定，雖然不至於可調光圈快門，但有水平儀、可調 ISO 等選項。不過，我試拍時發現反應很一般，平均 1 秒才對到焦，而且相片亦唔見得非常突出，特別是「油畫」問題比較嚴重。

▲ 擁有 1,300 萬像素 Exmor RS 感光元件及 F2.2 光圈鏡頭。

▲ 很少有手機拍攝介面會加入水平儀設計，而且對焦及測光點亦可以更改。

▲ Pro 模式手動可調整 ISO、曝光及構圖線等功能。

▲ 兩張相片都係用 ISO 100 進行拍攝，驟眼睇幾「Sharp」，但在電腦放大後「油畫」問題都頗為嚴重。

平機都有 ac WiFi

除了主打相機， Z5S mini LTE 也是一部平價 LTE 手機，它配備 4.7 吋 720p IGZO 屏幕，機身比「紅米」輕薄，而機內搭載 Qualcomm Snapdragon 400、 2GB RAM 及 16GB 儲存空間，雖然操作很順暢，但版本是較舊的 Android 4.3。網絡支援上，它僅支持本地 FDD-LTE 制式，但值得留意是它居然有 802.11ac WiFi 制式，作為平價機是有點驚喜。

▲ 搭載 Qualcomm Snapdragon 400 及 2GB RAM，於 Antutu 可錄得約 18,190 分，成績跟 Zenfone 5 LTE 等差唔多。

▲ 雖然 Nubia 用的是自家操作介面，但唔知點解小編 覺得同「紅米 Note 」很似。

▲ 跟 紅米 Note 4G 比較之下可看到 Z5S mini LTE 相當薄。

▲ 雖然未能換電，但裡面仍可插入 Micro SIM 及 MicroSD 記憶卡。

▲ 4.7 吋屏幕機身拿起又輕又薄，單手操作完全不成問題。

小編 ：相機、平機？兩頭唔到岸

nubia Z5S mini LTE 擁有超強相機規格及操作介面，但可惜對焦及相片質素未能追上，令原本想打造的「平價 4G 拍攝手機」形象無法實踐，而且定價 $2,345，平又唔算平，相機又唔算「超班」，如果售價可便宜一點，買來當平價手機都尚可考慮。

售價：$2,345
查詢電話：ZTE(HK) （3759 0622）