在高登討論區中，有一位 10 多年的 IT 人分享第一日入職的辛酸，看到小編替他難過..以下是他的分享文章 :
我是做了 IT 行業已經第 14 個年頭, 都快 35歲了, 我有 CS Degree, 已outdate的 .NET 2.0的MCAD, MCSA for Server 2003.但我未想比長江後浪走, 最近考了OCP for Java, PMP, 原本打算找一份Manager級的工作, 叫價28K.
但找了個多月都沒有回音, 最後唯有找一份次等的SA工作…都有26K, 生活還算有一個保障.
今天第一日上班, 報到時, HR的妹妹叫我去房坐, 影印我的學歷証明. (對, 是上班第一天才影印…)
我由手提包拿出一堆曾經令我引以為傲的証書.
HR妹妹一張一張地看…見到我的會考成績單, 彷如發現新大陸…
我在想: (妹妹, 你係咪上年岩岩DSE畢業?)
之後再一張一張睇,見到我的outdate MCAD,MCSA, 她提起她的小手, 放在另一個位置.
Fine, 意料中事.
到PMP那張, 她問我: (呢張係咩黎?)
我答佢:( ….Project….嗯….PMP…)
之後佢用同一手勢，放在一邊, 連帶話: ( 呢o的唔需要喇)
呢一刻我深深覺得, IT的專業為何物,
她帶我去我的坐位, 是一個沒有partition, 有如自修室, 跟其他人面對面的工作台.
台上有一部15吋的Dell Mon, 感覺彷如隔世…回到2000年用Windows 98的感覺.
但keyboard跟mouse是filand牌子,在黃金商場賣$40一Set那種.
而且不是全新, 那隻Mouse的Scroll, 用手指滑動的時候, 有如一隻倉鼠玩的轉盤在海中心飄浮的感覺.
Keyboard上, 暗裡藏有不少薯片餅乾碎.
整套電腦似是由仁愛堂等福利部門捐贈出來的.
但順行開機, 進入令人懷念的Window XP, 這個時候,我才明白其實Windows 8.1都不錯.
但…What? 右下角打個大交差, 沒有網絡連線?
問問那位Support大哥, 他說公司是行DHCP,不用set IP的.
那我檢查一下Lan線什麼, 完全沒有問題.
如是者, 我9:30開始, 捐台底, 又捐返上來試試load網頁,ping下gateway ,玩足半個鐘.
Support大哥終於肯放下佢部iphone, 幫我睇睇.
最後佢話條Lan線,夾左什麼Cross cable什麼什麼, 我network方面真係唔熟, 因為Lan線我都是$20一條買的.
什麼RJ45,自己夾頭, 從未需要我做過.
上到網, 開始download Visual Studio express版的ISO.
執執個windows, 較返輸入法,安返7zip, notepad++等等, 大家都應該明我講乜.
兵荒馬亂之際 , Programmer大哥問我:( 呀俊(偽名) 你settle好喇可?)
我望望個VS ISO download進度…33%, 124KB/s , 剩餘時間 54分鐘…
我答佢: (….嗯…差唔多…)
呢個時候Programmer大哥話 🙁 拿, 我俾個project你睇住先…你去share drive…. XXXXXX)
佢再問: ( 你有冇用過node.js ?)
我: ( 冇 )
佢: (咁呀,, 你睇住document先, 你上search “node.js document” )
佢仲要一隻一隻英文字讀出黎, 驚我唔識串”document”….咁我照住佢打…..
呢個時候..佢突然..
佢: ( 呀….俊 , 你俾隻mouse我)
咁我俾佢, 以為有咩野要搞.
佢熄左我個IE9 , 起start menu開chrome, 重新search一次…
佢話: ( IE9 好多野唔support, 用chrome…)
我心諗 ,我用firefox 3時, 你仲睇爆旋陀螺喇細佬.
我見你咁心急, desktop見到乜就用住先喇.
唔講我仲以為自己做junior programmer…
一直都沒有人跟我說話….無他既,一個三十幾歲既中年人, 竟然跟自己爭飯食.
起佢地心目中我係死人霸生地既死老鬼….自己不受歡迎…
到12:45pm時,我驚覺office好似冇乜人,,,原來12:30am已經放lunch….
沒人提我,沒有什麼welcome lunch…我出office時已經1:00pm…
唯有去附近7-11, 買一盒星洲炒米,,,一包維他奶….起7-11企起度食…
但求1:30pm前返到公司…..
又乾又韌既炒米, 每一啖放入口, 都有心如刀割….
虎落平阳被犬欺…每一口米粉, 都是我今早受的屈辱才有得食….
為生活…我可以忍…
十年前, 我讀CS Degree要求係AL 至少兩個A, 今日, 曉自己沖涼就讀得.
如果我當日不是做 IT, 而係做地產或金融業, 我而家不會起度出post.
我深圳無雙奉勸大家, 千奇不要做 IT.
你今天熱腔熱誠寫 Android 寫 IOS App, 咁十年後呢?
你有信心你一定夠運做到 Management grade 嗎?
還是同我一樣三十幾歲, 用腦過多,頭髮都開始地中海, 但仲要寫 code, 同時被新一代後生仔奚落?
網民回應:
袁祟煥:
「巴打算好彩，我識人渣住cs master 30歲都係搵緊20k」
來留名的:
「 it一入職， 人地嫌你冇經驗壓你價
跟住做落去加番你小小人工等你唔好走
等你帶起一兩個新人， 直情人工都唔洗加
到你頂唔順轉工，人地又話請個新仔都唔洗一皮，又壓你價
如此無限 loop, 好多it仔都係咁」
鷹牌花旗參茶:
「做IT行到最後都係要sell橋比老細
識唔識講野有無business sense決定左你爬到幾高
利申：曾經有個無料到但talk得既IT manager，收幾皮野淨係開會9up」
ForceX:
「我都99年3大 cs 畢業
那時勁好景， 個個同學一畢業都20k
不過當年讀完先知唔鍾意it
剩係鍾意打機
所以去政府機構做15k
十五年過去
見好多同學光晒頭
仲係挨緊25k, 甚至失緊業
我就挨到政府該職系頂薪50k
真係覺得it 唔做得」
原文 :
http://forum1.hkgolden.com/view.aspx?message=5502099
