最近 iMac 都出了 5K Retina 搞到 Desktop 仲用 1080p 屏幕好似好「Out」咁，想平平地升級 4K 顯示器體驗下「超高清」？不久之前 Asus 出過一款 28 吋 PB287Q，賣點就係擁有 4K 解像度，而且備有垂直升降底座，唔知功能上會否適合你呢？（以下有更多資料。）
要注意有些 4K 顯示器是供專業圖像工作者使用，對於動態大的畫面可能反應時間不夠快而出現殘影或窒格的問題。如果你想打機的話，可以考慮這款 PB287Q ，尺寸比 27 吋顯示器大少少，但提供 3,840 x 2,160 解像度，基本上睇下桌面 Icon 就可分辨出 4K 跟 1080p 的分別。它擁有 10bit 顏色顯示及最高 1 億：1 對比度，而且具 1ms GTG 反應時間，小編 試過打機睇片不會有殘影問題。
▲ 28 吋 3,840 x 2,160 解像度可完整顯示兩版網頁，而且細字仍然非常清楚。
▲ 收看 4K 影片效果細節非常銳利。
▲ 操作面版設於顯示器機背，要試用一段時間才習慣。
▲ 機內附設 Splendid 場景模式，另外顏色設定亦可進行微調。
▲ 特設 PIP / PBP 模式，可讓兩個輸入同時顯示。
PB287Q 提供多款輸入介面，包括 1 組 Display Port 及 2 組 HDMI，另外還有音效輸入輸出，沒有 DVI 固然唔太方便，但大家如果駁電腦就務必要用 Display Port，因為它輸 4K 時才有 60Hz，相反 HDMI 就只有 30Hz，若要駁電腦打機就記得要駁 Display Port 了。
用得 28 吋顯示器，屏幕高度可能比較講究，而 PB287Q 「抵讚」之處是提供可活動式底座，支援升降、垂直顯示及水平轉動，能配合用家桌面來調較適合可視角度，令收看感覺更舒服自然。
▲ 底座設計可垂直升降，配埋 Macbook Pro Retina 一齊用，感覺成個世界都高清了。（潛台詞：小編 要 $6,000 買 Asus 顯示器 蛇妻憂心……XD）（同一件衫．．．）
▲ 同時支援 90 度垂直顯示。
售價：$4,999
查詢：ASUS (3582 4770)
