由 HTC 代工的 Google Nexus 9，Google 一早宣佈會在聽日（11 月 5 日）開始付運，而今日小編亦從 HTC HK 手中借得此機。在為大家帶來評測前，可能有不少讀者會問：今次 Nexus 9 會否像以往的 Nexus 機款一樣，除了在 Google Play Store 購買外，也可以從零售店買得到？今日 HTC 方面就回答大家：是！不過，兩個地方買就有唔同的地方。究竟有咩唔同？以下 Edward 就同大家講講啦。
一）保養期不同
Google Play Store 購買：本地保養 12 個月 + 自攜維修
零售商店購買：HTC HK 提供 12 + 3 個月全國保修及免費維修速遞服務（需要寄回盒入的保修卡或於 HTC 網頁進行登記）
二）客戶服務對待不同
Google Play Store 購買：先由 Google 熱線電話接聽，Google 方面會盡量嘗試為用家解決問題，如果解決不到就會轉介到 HTC HK 聯絡用家
零售商店購買：由 HTC HK 直接提供熱線電話售後服務
三）發貨時候
Google Play Store 購買：最快聽日（11 月 5 日）開始付運，而且會送貨到屋企 / 辦公室，唔洗落街買
零售商店購買：HTC HK 需要時間舖貨，預計最快本週末，最遲下星期初才能在零售店購買得到
總結：唔急零售店買更著數！
Edward 覺得，雖然 Google Play Store 能有機會較早發貨，讓大家「早買早享受」，但如果能等一星期，待零售店有現貨賣才入手，不但保養期更長，服務亦更體貼，也是全權由 HTC HK 負責售後服務。所以對於「唔想煩」的用家，當然揀在零售店買仲好啦！另外值得一提的是，如果大家想入手 4G LTE 版，HTC 表示會在稍後推出，預計一個月後左右。想隨時隨地上網的用家，可能要再等一會兒了，就當作聖誕禮物啦！
分享到 :
最新影片
