Panasonic 上星期推出一門三傑相機，除了全場矚目 LX100，同場還有迷你無反 GM5，承繼上代 GM1 迷你設計，但這次卻加入 EVF 及 Hotshoe 設計，配合自家「餅鏡」體積比 LX100 更輕便呢！（以下有更多資料。）
GM1 完美版！
去年 GM1 好多人都驚訝它的「迷你」設計，但可惜冇得加外置閃光燈是最大遺憾。不過相隔一年 Panasonic 就決定滿足晒大家的願望，全因今次 GM5 重點是加入 Hotshoe 及 EVF 設計，但體積及重量都跟 GM1 差不多，配搭 12-32mm 套裝鏡頭拿起依舊很輕巧，感覺好像拎住有皮革面的「傻瓜機」。
▲ 機身跟 GM1 一樣咁細，拿起好像拿起「DC 仔」，完全冇負擔可言。
▲ 由於 GM5 沒有內置閃光燈，因此隨機會跟一支外置閃光燈。
規格微改 EVF 質素普通
GM5 規格大至跟 GM1 相同，它們均採用 1,600 萬像素 MOS 感光元件，但 GM5 性能會稍高一點，連拍會提高至 5.8fps（GM1 為 5fps）；影片拍攝亦升級可拍 1080p 60p/50p（GM1 為 50i/60i）。雖然規格看似十完十美，但其實 GM5 屏幕會比 GM1 像素低少少，睇落感覺普通。而新增的EVF（LVF）可輕鬆收看原來屏幕的畫面，但感覺稍為睇細，而且四角都有少少朦朧，相比之下小編 還是喜歡用屏幕多一點。
▲ EVF 畫面比較細，而且邊緣比較朦朧。
入門機反應 ISO-6400 極限
小編 自己無玩過 GM1，但 GM5 作為後繼機估計反應都唔會慢吧！可是試完感覺只是普通，感覺固然比 LX100 慢，但實際感覺只有約 EPL-7 級數。相片方面，小編 約略試過 ISO-6400 設定已是極限，暗位雜訊已開始粗糙，但僅配合 12-32mm 鏡頭來說都算不錯。
▲ ISO-6400 設定下，相片暗位雜訊開始粗糙。
▲ GM5 最高可支援 ISO-25600 感光度。
小編 ：最輕便「玩樂」無反
當年購入 E-M10 時小編 都曾經考慮 GM-1，可是冇 Hotshoe 就令我打消念頭。現在 GM5 要有的功能全都有，日常拍攝已經非常足夠，但用於工作反應仍是差少少。至於關鍵，現在暫時定價仍未公佈，如果價錢跟 GM1 推出時差唔多都值得考慮。
