上星期 Apple 發佈會中 iPad Air 2 都算是全場焦點，新機更輕更薄，又有齊最強配置，絕對係一步到位的 Tablet。由於 unwire 公司個個人都 8 8 掛掛，倒不如一齊黎試齊兩部 iPad Air 2 / mini 3 的金色真機，想知佢同上代 Air 有咩分別就唔好錯過喇！
攞完部 iPad Air 2 / iPad Mini 3 返黎，全部同事都立即入晒會議室朝拜下蘋果新產品。未攞起玩之前，大家都係度討論 iPad 新的「金色」，檯上都放滿歷代金色機一齊俾意見，比較之下天恩同女同事都覺得 iPhone 5s 的金色最靚，Edward 同小編 就覺得比較深色。
Bowl : 「硬係覺得新的金色有 D 娘娘地」
Denise ：「係咪因為深色咗? 好似話比全世界人聽我用緊金色咁」
Docas 及 艾露貓齊聲道：「好似真係 iPhone 5 果種金色靚啲，有無人有金色 iPhone 5? 」
（此時天恩飛奔出去，攞部金色 iPhone 5S 入黎)
天恩 : 「而家咁對比下 iPhone 果真金真係好淺，就咁睇似銀色多」
Yandroid：「iPad 隻金色好 Ugly！比我買我唔會買呢隻金色，情願買灰色」
天恩：「我又鍾意銀色多過灰，但都係同你一樣唔會買金色」
Edward ：「我又唔係咁睇喎，我覺得深色靚 D 」
小編 : 「係，我都覺得呢隻金實在啲」
▲Yandroid ：「我都係鍾意呢種金色多，比較自然無咁誇，比我買我唔會買呢隻金色，情願買灰色」
▲Edward ：「我又唔係咁睇喎，我覺得深色靚 D 」
▲ 天恩 : 「而家咁對比下 iPhone 果真金真係好淺，就咁睇似銀色多」
一講手感大家焦點都是 Air 2，除了 Edward 同艾露貓未試過上代 Air 先覺得 Air 2 輕之外，其他同事都一致唔覺輕咗。Air 2 機身真係好薄，但除了驚訝幾秒，大家之後都無乜特別感覺，情況同琴日拿回 Xperia Z3 Tablet Compact 完全唔同。
Bowl : 「嘩！咁重點用呀」
Denise ：「明明薄咗，但點解屋企部 Air 差唔多重嘅？」
Dorcas：「呢個尺寸黎講比想像中輕！始終大芒好用啲」
艾露貓同 Yandroid：「拎完琴日部 Sony 今日完全唔想拎起啲 iPad」
天恩 : 「Air 2 真係幾薄喎，但好似無乜特別」
Edward ：「輕過我部 iPad 4 好多！ 」
小編 : 「你唔好攞 N 年前嘅機黎講喇！不過，我都覺得 Air 2 同上代相比完全無新鮮感 」
▲ 艾露貓：「兩部機都重過琴日部 Sony Tablet。」
▲天恩：「拿上手部 Mini 3 好似仲重過部 Air 2 嘅？」，Edward：「冇呢個可能！除非有！」
今次 iPad Air 用了新設計的屏幕，聞說冇之前咁反光，顏色又靚咗！同事們都覺得 Air 2 屏幕顏色比之前更「實」，而且防反光效果都幾明顯，反射影像明顯較朦，而 Mini 3 就好似都係少少偏色。
Bowl : 「好似同之前差唔多啫，有咩特別？」
Denise ：「顏色好似無變，但感覺冇之前咁反光」
Edward：「Air 2 啲色明顯比 Mini 3 準啲」
小編 : 「Mini 3 啲色同 Mini 2 差唔多，都係有少少偏」
天恩 : 「個芒真係無之前咁反光！唔知係太陽底有無分別呢？」
（Edward：依家夜晚喇！點試）
Docas 及 艾露貓：「睇唔出有咩分別，都係 Retina 啫，但好似真係無咁反光」
Yandroid：「靚都冇用，咁鬼大部點用！」
▲ 小編 ：「防反光真係有啲料到喎！」
▲ Dorcus：「好似真係冇咁反光喎」Yandroid：「車！咁大部幾靚都冇用！」
▲ 天恩：「Air 2 個芒真係冇咁反光，顏色仲好似好靚啲」
今次 iPad Air 用了新設計的屏幕，聞說冇之前咁反光，顏色又靚咗！同事們都覺得 Air 2 屏幕顏色比之前更「實」，而且防反光效果都幾明顯，反射影像明顯較朦，而 Mini 3 就好似都係少少偏色。
Bowl : 「靚啲？等我試過！又真係靚啲喎（我個樣）」
Denise 同 Dorcas：「等我地試下自拍先」
（小編 ：點解無人試個主鏡頭，佢先係主角！）
Edward：「拎比我試下！點解同 iPhone 5s 比咁朦嘅？好似有層霧」
（天恩 :一睇就知你未抹鏡頭喇！）
天恩：同 iPhone 6 Plus 比較 Air 2 個鏡頭好似 Noise 重啲
小編 ：Air 2 個鏡頭好似同 5s 同級，係差少少。
Yandroid：「下？ iPad 要黎影相架咩？」
艾露貓：「我都係鍾意琴日部 Sony 多啲！」
▲ Bowl ：「鏡頭靚啲？等我試下先！」
▲ Bowl ：「真係靚啲喎！越睇越靚！」(天恩 : 算吧啦你)
▲ Edward：「點解部 iPhone 6 Plus 影得比 Air 2 清咁多？」天恩：「唔睇都知手指 hi 矇左個鏡頭啦，咪玩啦」(清潔後 , Edward :「係喎」)
▲ Edward 同天恩：「睇下小編 啲頭髮 iPhone 6 Plus 雜迅明顯比 Air 2 少啲！」小編 ：「點解多咗隻手指嘅？」
今次 iPad Air 2 及 iPad Mini 3 重點是加入 Touch ID 功能，令 iPad 終於可以好似 iPhone 一樣用指紋登入。不過由於時間有限，暫時只有小編 自己試玩。設定上 iPad 跟 iPhone 的步驟相同，但唔知係咪心理影響，總覺得 Air 2 用 Touch ID 解鎖好似比 iPhone 6 快少少，而在手指稍濕情況下辨認能力一樣咁高，這點跟 iPhone 6 / 6 Plus 情況相同。
