如果你的婚禮 big day 一生人一次的大日子，攝影師整天失踪，你會如何抓狂 ? 也許這位網友會告訴你那天的感受 ，以下是他在論壇上的留言 :
話說我屋企有人擺酒，經朋友介紹，搵左個攝影師今日(11/10)黎幫手影大合照。
講好左友情價$1500蚊，佢問可唔可以落住一半訂俾佢，我話可以，經銀行戶口過左$800蚊俾佢，過左兩日，佢問可唔可以過埋尾數俾佢，因為佢差幾百蚊買電話，我開始有d驚，但都冇佢咁好氣，既然係朋友，就過埋俾佢。
去到前日，我打去問佢有冇問題，佢話ok冇問題，我仲問佢夠唔夠鏡用，駛唔駛幫佢借，佢話最好有支24-105。好，我幫佢借左。
到尋日，佢打俾我話部機係Canon整緊未拎得，問我借唔借到機，我話應該唔得，但盡量試下，佢話放心，佢周圍借緊。兩個鐘頭後佢打俾我話借到喇，我終於放心。再過一個鐘點後，佢話要租機差$800蚊按金，問我可唔可以過住俾佢先，我真係火都黎埋，但極力忍住，話冇。我話試下再幫佢借，搵左另一個朋友幫手，講完件事俾佢知，佢話on9，租機邊駛俾按金，然後佢俾$600租左機。
好喇，到今日約左9點鐘得，但打俾佢去左留言，facebook都block埋我……
有網友看到以上留言後，覺得 $1,500 影 big day 實在太便宜，一點都不可信，應該「預咗」有這個結果，不過另一邊有網友支持他，因為不是價錢的問題，是交易承諾的問題，大家又點睇？ 有讀者有類似經歷嗎？
來源 : hkgolden
