串哥因為生意關係都不時會上華強北，不過今晚 (9.22) 10:00 點仍人頭湧湧真係第一次見。店舖都關門了，大批炒家仲係場外買賣。以下有更多資料 :
以往炒瘋狂的日子，頂多都是八點就人去摟空，現在不單十點仍人頭湧湧，其中更有不少極年青的香港人。串哥感覺好像回到多年前的聯交所，有人寫牌叫價亦有人寫幾多「收盤」，各人自己舉牌尋找適當的買賣對象。
串哥現場碰到幾個先達朋友，問佢地咁夜仲係華強做咩?
佢地話今年輸好多，而家務求快D散晒 D 貨先，睇定D再算，點知越講越火，講到爆晒粗:
「香港班人都痴 X 線，尤其 D 網站報紙亂教人上黎大陸放機，而家攪到太多人上黎亂開價，上面班人見到你成班傻仔咁，個個散收收一部兩部，仲唔壓你價咩？」
「以前交收好有規則，香港大批上落先會有好議價能力。而家師奶學生上黎攪串個party，佢地收機有咁低得咁低，反為人地大陸D舖幾咁團結，賣機價唔點郁，簡單 D 講就係無啦啦執多左你香港人錢。」
「最 X X 的是班人上黎好多比公安扣查，貪果少少連本都無埋，損人不利己。成日話我地 ST9，大佬我地有風險嫁，你地比人扣起機唔出聲，執到錢就周圍唱好似好易賺，我地比人一扣就成批貨玩完。」
「今年好多行家話太亂唔再玩啦，睇定 D 先啦，之後大貨 + 日美水 + 10 月 AOS 貨一返，班老散又亂咁黎的話，我地真係雞毛鴨血，攪成今日咁唔好怨我地，係班香港新手同傳媒亂咁吹攪成呢個田地，下次 iPhone 唔好預我喇！香港人無得救， 乜都懶醒叻唔切，實情比人玩番轉頭蠢X過隻豬，網上吹乜就信乜。聯手壓價? 笑爆咀，先達入面搶客搶到傻仲各懷鬼胎，咁X齊心壓你價? 我就唔使上黎放機咁辛苦啦」
串哥見佢地講到好勞氣，都借D意話下次再傾閃人..
