終於介紹完 2 部手機，下一位主角將會是 Samsung 新的佩帶式裝置 Gear S，它跟之前的 Gear Fit 一樣用曲面Super AMOLED 屏幕，不知實際睇落去感覺如何呢？
今晚 Samsung 推出 4 件新產品中，老實說小編 起初覺得最冇特別係 Gear S，因為不久之前先試完 Gear Live，轉過頭今晚又有新錶。不過，發佈完看到實物後，小編 第一個感覺是「咁似 Gear Fit 嘅？」。這個曲面 Super-AMOLED 屏幕放大至 2 吋後，睇時間終於唔洗再像 Gear Fit 打側看，屏幕畫面清楚銳利，而且操作都比以往都簡單（包括：Gear Live）。
手感方面，佩帶時唔覺重，膠錶帶感覺跟之前 Gear Live 差不多，雖然屏幕大睇野方便，但佩帶後預期說它是錶，我覺得說成「手鐲」會更貼切，因為小編 帶後都覺有點大。
▲ 錶的介面感覺幾高貴，而且畫面睇落都算銳利。
▲ 向下拉是 App Drawer，可以收看錶內程式。
▲ 可以一次過睇晒所有訊息。