數碼港雖然係香港 I.T 公司集中地，但是只要去過的朋友都知道入面咁多年以來都係「冇啖好食」，相比科學園實在失色不少，令到唔少係入面返工的 I.T 人叫苦連天。不過今日 unwire 讀者 Billy & Terry 報料，香港有唔少分店、OL、潮人、學生追捧既 Pepper Lunch 今日正式進駐 CyberPort，各位係數碼港返工的 unwire 讀者今日食左未先？
數碼港飲食史上第二單大事
unwire.hk 讀者 Billy & Terry 指出咁多年黎數碼港真係冇咩平野好食，而今次 Pepper Lunch 開張算得上係數碼港搵食史入面的第二件大事
咁第一件係咩？咪就係 2012 年尾先至出現既老麥囉！而家數碼港最抵食既就只得數碼港商場 4 棲美食廣場的滋味一方(茶記)，$28 蚊起有交易。而老麥既套餐最平既就 $21 起。
多一間餐廳，肯定可以為數碼港返工既朋友提供多一個選擇。可能大家都知道，數碼港商場三樓本身有間越南餐廳係上個月都執埋，暫時仲未知黎緊會唔會做返食肆，好食 D 既餐廳真係買少見少。
▲就 Terry 提供的相片可見，第一日開張既 Pepper Lunch 寫明 9月4 至 5 日呢兩日營業時間只係會做午市( 而且更加係超短既 11:30 至 15:00 )，想去試食的朋友就要留意啦，應該 11 點鐘去排隊有得食掛？
試業一開即排
Pepper Lunch 今日開幕好明顯吸引左好多 CyberPort 返工既朋友黎試食，睇黎大家都對呢間新食肆好有期待呢！不過今日排隊條龍實在太長，好多人黎睇睇之後都係決定唔排，睇黎大家都係等過一排少Ｄ人先再試食啦！
▲第一日 Pepper Lunch 排隊條長龍真係唔講得笑，唔想食 Lunch 食到遲到，最好都係第日早Ｄ黎排隊好過。
▲就咁睇餐牌既價錢似乎同其他分店差不多，雖然唔係平，但係總好過日日都食老麥又或者茶記吧～
分享到 :
最新影片
