嗚嗚～ 今日要返學啦，小編皓藍都要回到校園繼續上學啦。 喺 unwire 實習既三個月當然令到我對潮流科技既認識更加多啦，所以返學之前就為各位讀者們講下有咩好 gadgets 推介。以下有更多資料及相片：
一般手錶都可以做到報時，鬧鐘功能，但可以話你知有來電，WhatsApp 的就一定要是近期流行的 smart watch 先做到。 COOKOO 2 Connected Watch 比其他 smart watch 的不同之處就係錶面保持返經典既跳針表面，用家自己可以選擇開或關掉智能手錶功能。另外一個有趣的地方就係 COOKOO 2 Connected Watch 係用乾電，所以善忘哥們得救了，唔洗成日提自己叉電。
售價 : $ 998
話說大家睇到呢幅相個陣會唔會覺得有 D 奇怪？ 點解個耳機完全無帶喺耳仔入面？AfterShokz 呢款耳機係採用耳傳導技術，只要帶在耳骨就可以聽到音樂。開放式同防汗設計方便做運動的用家可以耳聽八方！（四方來自四周環境，另外個四方來自耳機傳來的音樂）AfterShokz 耳機除咗聽歌重有通話功能，上堂如果想聽個電話就可以帶個耳機神不知鬼不覺咁聽，如果老師問你：「做咩上堂講電話？」；你咪答：「無啊，無戴入個耳仔度點會聽到。」（設計對白）
AfterShokz BLUEZ 2 採用 BLUEZ 專利的 OpenFit 設計，以骨傳導技術將聲音信號直接傳遞給顱骨，通過骨骼進入聽覺神經。開放雙耳不影響正常聽覺，可以一邊聽音樂同時與其他人交流之餘，更能於使用耳機時對周圍的交通情況或聲音作出反應。由於骨傳導耳機不用佩戴在耳朵裏面，減低因長時間封閉耳道而滋生細菌的機會，亦不會因長時間佩戴而令耳朵不適。
售價 : $ 799
咁緊係有特別先介紹既！ TUNEWEAR TUNEMAX BARREL 6000 PLUS 呢款充電器除咗可以叉電之外重具備 LED 電燈功能， 一物二用。雖然宜家有應用程式將你個手機搖身一變，變成一個電筒。不過，好野唔怕多，一陣電話無電都有個充電器幫你充電都重照到野阿嗎！
TUNEWEAR TUNEMAX BARREL 6000 PLUS 電池容量達 6000mAh，以2.1A 輸出，可為智能手機和平板電腦充電，大約可充滿 2 次手機電源。具備電筒功能的流動電源來說不算太重，大約 131g。佢重有好多顏色選擇，包括珍珠黑，珍珠白，珍珠粉红，珍珠淺綠。
售價 : $ 399
呢排香港好多人都中意自拍拍拍，自拍神器，自拍神棍，自拍唔知咩。呢個藍牙 shuttr 唔只拍得，重好睇得同用得。Muku Shuttr 兼容 iOS 同 Android 手機作業系統，甚至平板電腦都可以使用。只係得 6mm 厚度，相當小巧，方便攜帶出門。簡直係旅行居家必備良器！
▲ Muku Shuttr 會隨機附送 3.5 mm 插頭坐檯支架、電話繩及絨布袋，而且有黑、白兩色選擇。
售價 : $ 259
好多靚聲既耳機都無內置 mic，但 a-JAYS FIVE 秉承「重溝通，愛音樂」既信念，當然會比大家聽歌同音樂溝通之於，都會同朋友溝通啦！a-JAYS FIVE 除咗有內涵外，包裝真係好唔錯。全套配套都會服侍周到，有 5 個不同尺碼耳膠選擇，亦會同時送贈貫徹 JAYS 風格既型格耳機盒。
當中 iOS 版本已經通過蘋果認証，對應 iPod、iPhone 及 iPad。播放或暫停音樂、改變音量、歌曲切換及語音支援等，Android 用家在 Google Play 可以免費下載驅動程式 “JAYS Headset Control”，配合不同風格的歌曲。
售價 : $ 699
▲ 各位讀者準備好開學未啊！？
產品查詢：2553 1151（Towervision）
