筆者細個聽校長、哥哥、Sam、梅姐等，長大後聽「新」一派、梁漢文、李克勤，以前「聽歌」佔筆者生活比重很高，直到「Twins」的出現後就開始脫離了「聽歌」行列…
黃金時代的改變
以往就算你唔聽電台，電視台音樂節目及街上 CD 舖都會重覆 LOOP 住 HIT 歌轟炸你，聽歌是「全民運動」，流行歌是迫進你耳朵、迫進你生活中。
要我說樂壇的分水嶺的話，我會是指「Twins」。自「老翻」出現後，香港傳統唱片收入大減，商戶力求改變，以往歌星需要經過長久的訓練，必需能歌善舞，台上要有台風、一舉手一投足就散發著星味。
新產品新巿場
香港人最叻做生意，見到收入唔掂一定係諗計改變，所以筆者覺得當時音樂商人又開始了一套新的經營模式。商人不再去花時間去訓練歌手，亦沒花精神去尋找動人旋律或絕世的填詞，因為在回報不明朗的因素下，這個投資期實在太長，風險很高。
新模式大概是，新人快快推出新唱片提升人氣，不怕你把唱片老翻沒人來買，歌手亦可以在廣告或其他活動上賺錢。 公司一輪新人炮彈，這個紅不起? ok fine！我們還有別的，總有一兩個可以「撞」o岩你口味!
也許一開始這種模式是冒險的，沒人會估計到歌迷能否接受這種「快餐式」音樂，但結果是，雖然舊歌迷未必接受，但成功又抓取了年青新一代的心，他們不計較甚麼走音甩咀，你有漂亮的臉孔我就支持，開創了新巿場。
舊歌長伴我心間
筆者自那年起已經沒有再用心聽歌，電視的音樂節目也越攪越 Hae，況且手機及社交網可打發時間，聽歌時間變得越來越少，我明白既然自己沒有用心去「聽」新歌，就沒多資格再批評現今香港流行歌曲了。
玩生活‧樂科技 的 unwire.hk ，當然要討論一下科技! 筆者覺得聽歌分 2 派、一是「音質派」，第二是「方便隨手派」。音質派點買耳機耳擴，點RIP HD 歌源我們不在這裡討論了，我相信大部份人都是「方便隨手派」，究竟今時今日想聽香港流行曲，有咩聽歌 App 好用? 我天恩個人是選 KKBOX ，不是因為他多新歌，反為是它舊歌齊全可隨時回味。
今天 PCCW 發佈全新的 MOOV 聽歌 APP，筆者當然會問＂舊歌齊唔齊先？＂，這個未有時間去試，但在於APP 創意上有兩點我幾欣賞，呢類 APP 除左歌庫之外仲有咩可以鬥呢?
第一個天恩覺得幾得意係 LyricSnap 功能，可以將 D 歌詞節錄，再加下相攪下顏色，變成「有意境」的相片，非常適合大文豪或多愁善感的人貼上 FB 舒發。字唔多講，各位 unwire 讀者睇片就明
另一個就係搵音樂人去幫你選歌，當你唔知「有乜好聽」的時候，就由其他人幫你啦。但筆者都係鍾意 KKBOX 的一點耹，我會鎖定 2000 年前的廣東歌 Random 播，好似時光倒流去聽電台咁。
所謂百貨應百客，好似筆者呢類怪人只聽舊歌又唔太去用心試聽新歌的人，可能只佔巿場上的少部份而已，無謂認真!
