唔洗急！其他台都買到紅米

今日最大單 IT 新聞，莫過於紅米終於有台上，有心買嘅朋友終於唔洗「輪米」。串哥今日身邊都有唔少朋友問我 PCCW 呢個台上唔上得過，話想出紅米，或者甚至第日係呢個台出小米 3 好唔好。不過我就同大家講：唔洗急！淡定有錢剩！因為我收到風，想上台出紅米或者小米 3，PCCW 係第一間，但肯定唔係唯一一間，傳聞佢「老豆」個台 3HK 好快都會宣佈有得出，近日仲會有公佈！

至於呢單消息堅唔堅？消息來源就話堅過石堅！不過我串哥成日都話：一日未成事，一日都仲可以有變數。大家就放長雙眼，睇下過幾多日仲會唔會有其他台可以出呢部性價比超高既雙卡雙待手機啦。