雖說「餵奶」聽起來好似係媽咪的工作，不過即使係爸爸返左成日工回到家中見到可愛又得意既 bb 大家都一定想抱抱或者錫啖佢，而其實雖然爸爸唔可以好似媽咪咁樣埋身餵，但係其實餵奶對於爸爸同 bb 黎講，亦絕對算得上係每日忙碌之間難得的「親子時間」呢，今次小弟就和大家分享一下餵爸爸奶的一些心得同趣事!
工作所需．機不離手
身為一個 I.T 人,我估唔少讀者都同小弟一樣手機不離手、食飽飯就對住電腦上網、睇 youtube、去淘寶又或者繼續工作。但係初生 bb 每 2 至 3 個鐘就要食奶，再加埋食完又要掃風、又要換片、洗奶樽，明明好似係悠閒的一晚，事實上晚晚都攪到仲忙過返工，有時攰都真係會由心而發。相信唔少慣左一心多用的朋友都會一邊睇電視一邊餵，而由於小兄唔多睇電視(除非睇波啦!)，因為基本上晚晚都係對住電腦，找好料報導給 unwire 讀者。究竟點樣可以一邊餵奶，一邊仲可以無障礙咁使用電腦呢? 答案: 是沒有的。試想想，閣下一隻手抱 b，一隻手攞奶樽，仲點樣可以揸 Mouse 同埋用鍵盤打字呢? 莫講話想係 google 打 keyword 不能，甚至只係想 scroll 落下一頁睇新聞都有點難度。當然筆者知道雙手抱 B 最安全，但如果不寫稿讓 unwire 瀏覽量少了又影響收入，所謂手停口停，BB 奶粉錢貴，將來還有無限多的支出，真係世界難撈! 「搵食啫」。
係手機玩 facebook 、睇下youtube、新聞已經係餵奶時最大的娛樂了。
手機難應付複雜工序
當然可能好多人睇到呢度會話: 超! 用手機咪解決到問題囉。係既，若果閣下隻手夠大可以輕鬆一手掌握熱賣的大芒手機的話，大家在餵奶的時候就可以享有一些娛樂。不過小弟手細又嫌手機上網慢，最終都係選擇繼續用電腦! 尤其是 unwire 的稿件 system 根本不可能用在手機使用，所以小弟使用了以下的神兵！一款係淘寶網稱之為「掌中寶」的 Mini Keyboard 迷你無線鍵盤，而且亦都只係百零蚊有交易。這樣便可以單手同時操控滑鼠和鍵盤，問題完滿解決? 梗係冇咁易!
雖然 Mini keyboard 可以單手使用，不過要按反方向靠邊的按鍵仍然相當困難，大家就不要指望可以正常工作了。
避免使用長方形版本
說真的，Mini Keyboard 的而易確可以幫我繼續進行有限度工作，在漫長的餵奶時間中可以解悶（ b 女閒閒地都要食成個鐘，心情好唔嘆奶的話都要半個鐘以上），勉強還可以上吓網，睇吓 youtube、新聞或者追下劇集。不過大家別以為可以安枕無憂，始終這類產品還是設計讓用戶雙手操作，單手使用的話，基本上你很難可以用左手按右邊的按鍵／右手按左邊鍵），某程度只可以靈活地操控中間的Trackball 滑鼠…(當然還要花一點時間適應啦！)。所以，建議大家買呢類產品的時間盡量唔好選擇長方形的，因為你單手拿起使用沒有可能按到所有按鍵，所以 Mini Keyboard 按鍵越集中，體積越細越好，這樣單手操作便可能會就手一點了。
唔係所有 mini keyboard 都可以單手用的，圖中的鍵盤便需要雙手同時操作，體積再細都冇用。
注意正確的手法
最後，就是要提醒一下大家餵奶同埋拿起鍵盤的先後次序了，因為一攪錯你就隨時會錯失拿起鍵盤的機會（其實亦沒有如此嚴重啦！）其實在單手抱起 bb ，拿起奶樽之前，大家就要用空出的手拿起鍵盤放到抱 b 的手上面，否則當拿起了奶樽一放左入口，就要等到 bb 脫嘴回氣的時間先可以有空攞起 Mini Keyboard 了，小弟一天之中還是會有一兩次忘記次序呢！嫌麻煩？ 都係攞起手機睇下 facebook、youtube 消磨時間，否則大家都係乖乖專心快快手手餵奶休息吧啦!
分享到 :
最新影片
