還記得年前Smartone 在 iReserve 大行其道的時候推出 iPhone 4s/5 儲值卡計劃，由於當時兩款新機有價有市，既可以炒機又可以炒卡(儲值卡) 絕對係雙料娛樂，即使拿來自用亦幾時都咁抵。來到今日，Smartone 再為 iPhone 5s/5c 推出儲值卡套裝，同樣地和 iPhone 5 的組合價收多 $200 便可以跟機獲得一張面價 $600 的4G LTE 儲值卡，最平 $4,888 / $5,788 (iPhone 5c/5s 16GB) 就有交易，不過除左冇金色機揀外，今次更加冇左 $298 月費封頂價，即是說沒有了無限數據，用幾多都要逐 MB 計！
今次的 Smartone iPhone 5s/5c 儲值卡計劃收費和之前大同小異，面值 $600 的儲值卡附有 $200 通話儲值額及 $400 數據額，即是說以本地通話計 $0.1/分鐘可講 2,000 分鐘本地電話，而其餘的 $400 會先扣除 $38 月費(包每月 80MB 本地數據流量，而額外數額收 $2/MB），而和之前的 iPhone 5 儲值卡最大的分別是沒有了每月 $298 的封頂價，即使用家用幾多就要比幾多。先勿論劏機有沒有水位，即使 SIM 卡是自用亦唔算抵，倒不如用返數碼通面值 $48 / $80，每月用 $24 便可以全日任用的極速寬頻及語音儲值卡(下圖）仲抵!
source: smartone
