【出機攻略】$0 機價出 Note 3 上台邊間最抵？

Samsung 新旗艦機 Galaxy Note 3 昨日正式發售，想買機當然唔少得 $0 機價上台，想知咁多間電訊商邊間最抵，小編的出機攻略希望可以幫到你。 邊間 $0 機價出機最平？

今次 Galxay Note 3 所有電訊商都有推上台計劃，月費由 $298 到 $479 不等，除了中國移動 (CMHK) 有無限 Plan，其餘普遍只有 5GB 作流動數據標準，超過上限就要額外付費。至於最平 $0 價上台，暫時以 3 香港的 $298 計劃最便宜，合約期總金額只須 $9688 (每月 $346) 就可買到 Note 3，但要留意該合約期為 29 個月，而且數據只有 1GB。

▲ $0 機價上台 3 香港的 $298 計劃最便宜，但要留意合約期為 29 個月及數據只有 1GB。

5GB 數據 $0 機價出機邊間最平？

如考慮 5GB 數據計劃，五間電訊商中以 PCCW-HKT 的 $389 計劃最平，合約期為 24個月，合約期總金額只須 $10536 (每月 $439)，攜號碼轉台還可額外回贈 1 個月正價月費 ($389)，加上無限通話分鐘，條件稍佔了上風。

▲ PCCW-HKT 的 $389 計劃是 5GB 中最便宜，轉台及信用卡繳費還有月費回贈等優惠。

邊間贈品最多？

雖然 Note 3 是人氣機種，但贈品豐富程度比 Xperia Z Ultra LTE + 少得多，一般只有 S View Cover 保護套或外置充電等，而廣告中一同出現的 Galaxy Gear，暫時只有 3 HK 及 PCCW-HKT 最貴的計劃才贈送，其次 1010 及 one2free 都可以半價換購。如果要選 3 香港 $448 計劃是贈品價值應該最高，有 Galaxy Gear 、S View Cover 保護套、Liquidpel watersafe 防水塗層及原廠電池充電套裝，合約期為 29 個月，合約期總金額須 $13904 (每月 $479.4)，是一眾計劃中最貴。