今日 iPhone 5s 及 5c 正式發售，四間電訊商包括 3、SmarTone、one2free 及 1010 都有推出新 iPhone 上台月費計劃，但未講邊間抵買之前，今次所有 Plan 都有共通點，就係刪去無限數據服務，想知更多詳情就要留意。
無限 Plan 不再！
每逢新 iPhone 推出，好多人都會上台機順便開個無限 Plan 方便上網，但今次 iPhone 5s 同 5c 推出，四間電訊商包括 3、SmarTone、one2free 及 1010 都取消無限數據計劃，或許你會講這是大趨勢，但如果價錢比 iPhone 5 時貴又無限，大家又會點睇呢？ 首先，沒有無限Plan 首個問題是上網流量有上限，萬一用過指定流量電訊商就會收取額外費用，平均 100MB 要多收 $28，即時有封頂機制都可能要付 $898，對於大家多年來習慣使用無限數據來說是非常危險。其次，以往唔少人都會上台「劏機」賺取無限 Plan，現在即使成功「劏機」亦要面對「爆流量」的風險，用都用得擔驚受怕。
月費貴過 iPhone 5
今次 iPhone 5s 除了取消無限，另一個焦點是價錢比 iPhone 5 昂貴，以 one2free 為例 iPhone 5 月費由 $157 到 $419 不等，但今次 iPhone 5s 則由 $187 到 $447，平均加幅約 $30，而且其他電訊商都有類似情況。換句話今次 iPhone 5s 上台計劃「無無限，又加價」，唔知睇完有無打擊大家上台出機的意欲呢？
▲ 取消無限 Plan 後 SmarTone 的 iPhone 5s 月費計畫 ，最大數據計畫為 5GB，並設「先通知 後購買」機制。
▲ 取消無限 Plan 後 3HK 的 iPhone 5s 月費計畫，最大數據計畫為 5GB，特設封頂上限為 $898 。
▲ 取消無限 Plan 後 1010 的 iPhone 5s 月費計畫，最大數據計畫為 5GB，其後數據每 100MB /$28 或 1GB $99 (只適用於 $387 & $467 計劃)。
▲ 取消無限 Plan 後 one2dree 的 iPhone 5s 月費計畫，最大數據計畫為 5GB，其後數據每 100MB /$28 或 1GB $99 (只適用於 $367 & $447 計劃)。
Leave a Comment