由 unwire 讀者 Henry 提供的多張 IFC Apple Store iReserve 出機相片，可見較早時間已有數十人排隊等開門，而現場的買家亦都乖乖排隊秩序良好，排隊的都係比較後生的年青人，和其他地方見到大部份是中年大叔大嬸或者南亞裔人士的情況比較不同，唔知道今次開賣的時間，Apple Store 內的同事係咪又要圍住一班想快D攞機走人的買家「WOW」呢!? 早上到場的大部份都是已預約的買家，店內參觀並柩產品的顧客並不算多。 大家都好有秩序排隊比錢取機，可見當中大部份都是本地的年輕人。 讀者手上的便是最新的太空灰色 iPhone 5S! 用來裝機的當然係印有銀灰色大 LOGO 的純白 Apple 膠袋啦!
