雖然果迷普遍都很忠心，但近來一些調查都指不少人都轉了去 Android 的大芒陣營。iPhone 5c 和 5s 的屏幕沒變大，不過就換上 7 彩和金色等，不知合不合你心水？每次有新 Gadget 都會發佈意見的 903 DJ 梁文禮，看完發佈就在 FB 上表示：「應該好多人重投蘋果懷抱！！」
雖然禮禮在回應上說 5c 膠味重，但他的粉絲們看來都很滿意今次的 iPhone，還有從 iPhone 轉去 Android 的用家說今次會重投蘋果懷抱。不知各位轉過會的讀者，又會否回頭吃 Apple？
分享到 :
最新影片
蘋果再唔出大mon… 一個朝代好快終結…
現有ipad和iphone,根本不想iphone尺寸太大, 一個從android跳iphone5的人跳過,過不回以前追android機,天天刷機的生活,哈
純粹出大mon有幾難,但係要考慮好多,apps嘅重新開發, 之前申請落來嘅專利,使用體驗等等..朝代終結? 如果人地出乜,apple跟住出乜,咁就真係終結..
IPAD mini就是跟著市場，先有Android tablet出了小號的，所以蘋果才跟著出IPAD mini！“真係人地出乜,apple跟住出乜,咁就真係終結..“
大家就等著IPhone 6出大mon啦。
我就放長雙眼睇下係咪真係好快終結…
(我發覺呢度好多預言家）
用咗Android機，轉番iPhone會覺得d function 好低能超唔就手
Agree
無錯，單講我自己，經常講電話時同時check email,再開app改文件,,再send WhatsApp回覆，全部同步做，幾方便!
咁你都真係好忙 同時做咁多野 佩服！
最討厭大芒，又大又不就手，連褲袋都要硬塞先入，又不是老人家老眼昏花，堅持電話就要細芒
呢個喺因果的問題,講左麥自己參透下….
我都有同感！！
手提電話就係手提電話，整到咁大部做乜？
冇咁大個頭唔好戴咁大頂帽，冇咁大隻手就唔好拎咁大部電話！
我成日問D人點解要咁大個MON？佢地話方便睇片煲劇
你一日有幾多個鐘係拎住部電話睇片煲劇？（其實我百思不得其解點解係條街度都要煲劇）睇得投入D？？？
敢你唔用nokia..
咁又唔使極端到咁呀？？我唔會用電話煲劇唔代表唔會用黎做第二d野wor,只係人地講我知點解用大mon後我既想法而已，我鍾意用細芒唔代表我要用Nokia 黑白機wor ; D
我都從來唔煲劇，但我睇email睇文件睇網頁大mon係有好處，android可以有不同size的mon選擇，3至6吋都有，但ip得一個size,fans只能說憎大mon來維護apple設計，我唔信ip出大mon後fans會唔買!
其他人我唔知，我自己由頭到尾都係講緊電話就應該係電話既SIZE，我唔鍾意大MON同APPLE D機MON細係兩回事，（唔LIKE大MON原因上面講左唔再講多次）點解一定要有關係？？難道你地憎細MON我就可以話你地維護緊你地用緊既牌子？？
咁APPLE得一個SIZE 我諗其中一個原因係因為方便APPS開發吧？如果太多唔同SIZE 整APPS 個D人都真係有D吃力，所以好多APPS都係I PHONE 有先，之後ANDRIOD先有。
講真，MON大定細呢樣野，就算之後發展到幾大都總會有個極限啦！拎部電視機出街好唔好？要大既用I PAD啦～ 大佬！咩叫手提電話？….你隻手方便地提得起先叫手提電話囉～
手機電話應該係咩size呢？水壼喺手提，startab 亦係手提，兩個size差好遠喎。再講，3.5或4吋芒android有大把選擇丫，點解你唔考慮下？所以唔係芒幾大嘅問題
我覺得IOS 適合自己多D所以唔用ANDRIOD 唔得咩？
所以我唔用ANDRIOD 絕對唔關MON幾大事，我亦都冇講過自己唔LIKE ANDRIOD機，只係唔LIKE 用大MON，這亦是我的個人喜好和選擇，回應人前請睇清楚人地講咩先回啦！唔好扭曲別人的意思
成塊空殼膠切菜板+姨媽巾咁大既電話真係多阿叔師奶mk做fans ，去到中環你自然留意到果啲機好少正常人用
我淨係知iphone年代十個有九個人揸iphone，之後就係android天下，中環有幾多人仲用iphone我唔知，但iphone口喺美國嘅巿場佔有率已經輸咗比android, 而今次iphone發報會後apple股價仲大跌。你咁有信心，唔啱你而家趁低吸納apple股份丫
有提電話就手提電話，做咩要有相機？做咩要聽倒歌？做咩要上倒網？Ericsson 3xx年代啲機襯晒你
如果我唔係想部電話 影到相，聽到歌，同上到網，我就唔會用智能手機啦！ 我覺得手提電話就係唔需要咁大部，需要你認同嗎？你唔認同我唔會迫你，你有你用大MON自由，我好尊重每個人用任何電話，電話係個人既野，你鍾意拎住羅咁大部電話出街我吹你唔脹
冇享受過大芒嘅人係唔會明大芒有幾爽，先會愚昧地以為大芒係for老眼昏花嘅人，先會以為大芒袋唔倒入褲袋….
最曾333 我機明明係親生仔 2家冇啦啦變左野仔(4.2.1)
轉去A公會
別人我不知道，但是以我來說，5c 有吸引到我。
算把啦果粉死忠，咩大芒唔方便。其實新聞都有報導Apple暗地裡測試大芒Iphone既消息，如果最後Apple 出4.8寸我唔信你會唔用，用返3.5?
至少我會轉用(我係理智Android用家，上一部手機係S2級數，仲未有interest換機)
到左ip出大mon後，班fans又會改口話ip大mon係與時並進，之係咪一樣照買一樣照讚，講到低心理關口護主啫!我依家用note1睇email,睇文件不知幾方便，一手揸到，點用番4吋?
講到護主邊及得你地班三星死忠…..
口話人地護主，自己又何嘗唔係
其實自己用緊既野當然覺得係最好架啦！唔係又點會買～
果粉係個井底，以為android機得三星一個牌子
有咩牌子係有NOTE 1呀～？醒目
睇清楚我答緊個個人係用咩機先啦
今日的Nokia , 明日的iphone
傻仔，這只是你自己一廂情願的看法。我本身無論IPhone或Android手機都能掌握，新的IPhone5s/5c還不至于有這能力讓我重投入IPhone陣營。只買讓我覺得有“價值”的產品，就如我只買蘋果電腦而不買PC。
「應該好多人重投蘋果懷抱！！」真無知。
大mon的確喺有新鮮感，但本人用咗幾個月4.7寸160g重嘅機，隻手經常覺得「攰」。