Hej！當你想去買隻 Game，你會去屋邨商場？HMV？旺角？無論去邊度買，價錢上落都不會相距太遠。不過在北歐要做 Gamer，就要精打細算格好價，否則價格相差可能超過 100 元。
筆者並非瘋狂電玩迷，家中 Xbox 360 只用來玩《GTA》、《Sleeping Dogs》、《FIFA》和當作運動 Keep Fit 的 Kinect 遊戲。本應趁著北歐沉悶的日常生活，打多些機，但買 Game 卻是一件頭痛的事。以去年的《Sleeping Dogs》為例，因為 25% 銷售稅的緣故，遊戲碟的售價本身已經比很多地區高，而且不同店舖的售價可以相距甚遠，最後剛好趁有電器店開業大減價，筆者才捨得入手。
今年下半年，面對 3 款筆者最愛的遊戲：9 月推出的《GTA V》和《FIFA 14》， 11 月推出的《Watch_Dogs》。要盡早玩到新 Game，就要到 Game 舖預訂，以《GTA V》價格為例，大型連鎖店 GameStop 賣 699 克朗（約 811 港元），但小店預訂價只要 499 克朗（約 579 港元）。為了替荷包著想，筆者還想過不如請朋友以空郵從香港寄給我。（有讀者可以幫忙嗎？）
幸好，瑞典流行網絡購物和價格透明度高，只要以格價 App 查一下，多數可以解決。如果不介意多等幾天，從英國 Amazon 訂平貨則只要 42 英鎊（約 491 港元），還免郵費呢！在時間和稿費有限的情況下，現在剩下的問題就是同月推出的《GTA V》和《FIFA 14》，應該先買邊一隻？
Hej då！下週再談！
分享到 :
最新影片
Do they feel surprised to see a chinese guy in the store? You don’t belong there …
你2年前喺我寫北歐生活嘅文章已經係咁嘅回應？2年後又係咁？你厭唔厭？你自己覺得生存唔到，或者你自己唔喜歡一個地方，會唔會係你自己有問題？
我絕對唔覺得有任何奇怪嘅目光或對待，亦同大家相處得非常好。
至於我係咪belong there，與你何干？當一個人心裡面充滿住不滿甚至仇恨，久久不散，就連呢個世界都唔適合你，返火星啦！放下啦！
唐小姐係咪想要香港代購服務? 本人可以代勞呢!! 超認真的!
感激感激！但已經解決了。我決定去game店預訂GTA V，至於FIFA，可以等一陣。