小弟一向自認係超鐘意睇波，當然我講嘅係足球啦！仲記得讀大學個時，一有啲咩大賽，例如：世界盃、歐洲國家盃，朋友之間嘅話題肯定只有一個：「今晚去邊個屋企睇波先？」無計，當年睇波唯有靠收費電視，又或者要成班 friend 去 K 房睇。但去到今時今日智能裝置盛行嘅日子，有一部平板，再加個 4G 網絡，就邊度都睇到波啦！
免費電視任你睇
最近某間免費電視台就透過三個高清數碼電視台，加上手機 / 平板 Apps 直播喺巴西舉行緊嘅洲際國家盃，一眾熱愛足球嘅球迷，又可以係各歐洲聯賽賽季結束後繼續捱夜，欣賞自己心愛球員同埋國家隊嘅精彩演出。事實上，今次播洲際國家盃，係免費電視台可以睇哂所有場數，甚至下年暑假播巴西世界盃，都可以係免費電視台睇到成 22 場（以往由於俾其他收費電視台 bid 咗，所以係免費電視台最多都係睇到 4 場）。就算唔係電視旁邊，都可以透過 Apps 或者上網睇到直播，雖然唔係睇到哂，但都叫做進步咗好多。加上而家各台嘅 4G 網絡覆蓋又已經算好好，對於「波痴」嘅小編來講，真係好方便！
Apps 無高清真落後
不過進步還進步，係廿一世紀嘅「smart」年代，小編仍然有一樣嘢好不滿嘅，就係點解我開電視，就睇到高清到爆嘅球賽，但係一落到手機、平板，就只係俾「低清」版本俾我？事實係技術上，以今時今日嘅 4G 網絡速度，點解我拿住好「smart」嘅手機同埋平板，就要「硬食」低清質素嘅畫面？當然有人會話：「唓！網絡商而家好多都唔俾真正嘅無限數據服務俾你，俾你睇到高清球賽，咪又係盞你嘅數據用量快啲用完，最後咪又係俾人限速或者限量用，無謂啦！」
嗱嗱嗱，一件事還一件事！網絡商慢慢唔俾無限數據上網服務俾我哋用係一回事，但你唔俾我用 Wi-Fi 係無電視嘅房入面，瞓係床度睇波架？就算要用 4G 網絡係街度睇，我諗都唔係個個人都會場場都係街度睇掛！我覺得有個選擇，我呢一刻唔用都好，但有日我想用個時，起碼有多個選擇。而家要係手機、平板喺街度睇高清足球，搞到我要買某一個指定品牌嘅手機先至可以做到，而我無用個個品牌嘅手機，我就唯有忍受低清足球比賽，我覺得好唔公平囉！
時刻監察用量就得
其實有人話用 4G 流量好快用完，我覺得只要大家時刻睇住自己用左幾多，自然就住來用就可以。最簡單嘅方法，就係可以用 Android 手機入面嘅「數據使用」功能，睇住呢個月用咗幾多用量。當然，如果大家覺得咁睇法唔夠準確，又或者你喺用緊 iPhone、iPad 或者其他 OS 嘅手機，不妨喺 download 軟件嘅商店度搵搵自己網絡商嘅 apps，download 落來，時刻 check 住自己用咗幾多 data，咁就唔洗擔心用 4G 睇波用爆 data 啦！
分享到 :
最新影片
請搞清楚，播22場唔關邊個bid到事，而係FIFA份合約的要求。如果係認真的就改返，唔好俾無記誤導。thx
可能大家誤會左, 我唔係話電視台進步左, 而係以前睇得4場, 而家可以睇22場係進步左. 無疑無線只係跟足指引, 上屆有線無跟指引而做, 但站在球迷角度來看, 確實係可以係免費電視台睇多左場數.
至於有否做 research 云云, 小弟是球迷已有廿多年, 我相信以我自身經驗已是一個 research, 當然小弟為求精準, 亦有事前上網找過資料, 詳列如下 (取材自 wikipedia):
電視直播權[編輯]
主條目：2010年世界盃賽事播放權列表和2010年世界盃澳門電視轉播權爭議
國際足總於2004年開始向全球的電視台提出邀請，競投2010年及2014年世界盃賽事的直播權。然而國際足總在標書上作出新規定，倘若收費電視頻道投得世界盃賽事直播權，則必須將其中22場賽事(包括揭幕賽、14場分組賽、十六強賽、八強賽及四強賽各2場及冠軍戰)於免費電視頻道播出，以增加球賽之普及性。但收費電視頻道仍可決定分組賽、十六強賽、八強賽供免費電視頻道直播之場次。[39]
香港轉播權爭議[編輯]
主條目：2010年世界盃香港電視轉播權爭議
而在香港，轉播權則存在爭議。該區得標者有線電視(當地的一間收費電視公司，其營商手法曾多次受到抨撃)疑為求壟斷及其他商業考量，只打算把揭幕賽、四強賽及冠軍戰安排在旗下的有線一台播映，並同時開出苛刻條件讓兩間免費電視台〔無線電視及亞洲電視〕轉播。但收看該頻道須繳付10元的一次性服務費，因此被當地的監管機構視作收費頻道。此做法令人質疑有線違反了國際足總有關揭幕賽、四強賽及冠軍戰均須在免費電視頻道播放的規定。最後有線在輿論壓力下，以10元象徵式收費讓無線及亞視轉播有關賽事，但須完整轉播(即連同有線標誌、廣告、評述等完整轉播)。由於有關賽事被安排在兩台之數碼頻道播放，不少沒購置解碼器的民眾因此無法收看。
在四強賽前，無線電視曾試圖以第三聲道加插自家評述，但有線電視威脅會中途停止訊號，最終放棄有關做法。此外，由於有關業者拒絕發放精華片段，當地媒體只能以圖片顯示，甚至自製動畫模擬，為多年首見。香港亦是兩岸四地中，唯一不能循免費途徑收看賽事(國際足總規定的四場除外)的地區。
htc one 獨享嘅 mytv HD晨早已被 cracked左，可安裝在大部機上，google一下吧！ AXT上
但並非從 Play Store 下載得到, 對於一般用家來講始終唔方便, 不是嗎? 你當然可以是專家, 從不同地方找到這些 crack 檔, 但一般用家相信不會像你般專業吧, 對不?
我用HTC ONE+mytv HD睇係勁清，其實係做到手機高清，不過暫時HTC獨加，所以無記無放mytv HD之嘛
其實你地寫文之前有無做過 research?
htc one 獨享嘅 mytv HD晨早已被 cracked左，可安裝在大部機上，google一下吧！
但並非從 Play Store 下載得到, 對於一般用家來講始終唔方便, 不是嗎?
Note 2 都高清左很久了 MyTV HD, 上網睇到直播,清到無朋友