被喻為 iPhone 發佈以來最大的改變的 iOS 7，除了採用全新的清新介面，同時亦配合 10 大新功能，從 Safari 到 Siri 姐都有改進。而這個 7 彩的 iOS 7 將會支持iPhone4，所以 iPhone 4、iPhone 4S、iPhone 5 都可以更新，iPad 2、3、4 和 iPad mini 都可使用，但 iPod touch 則只有第五代才能更新了。iOS 7 開發者預覽版會在今天推出，正式更新版本則預定在秋天。
1. Control Center
iOS 7 終於有與 Android 一樣的 Control Center，可以直接調整各項設定，如屏幕亮度、開關 WiFi 及藍牙和飛航模式等，在鎖機畫面中都可使用。
2. 所有 Apps 都有Multi-tasking
加入新的 Multi Task 介面，支援包括第三方在內的所有 Apps。只要按 Home 鍵兩次，就能看到你近來開過的 Apps，也能掃走來關掉。
3. 全屏幕 Safari
Safari 將可以使用全螢幕瀏覽，搜尋時會支援自動輸入。Tag 方面也有重大改進，提供新的分頁顯示方式，效果十分 3D！而且完全不限 Tags 的數量，即是你喜歡開幾多分頁都得，不想要時掃走便可。
4. AirDrop 檔案分享
加進新的 AirDrop 功能，兩部裝置只要在同一個網路內，便可將想要發送的檔案（如照片、錄音）拖進去，然後大家便能下載分享，完全不需使用 NFC。AirDrop 是 iOS 用家期待了很久的功能，不過只支援 iPhone 5、iPad 4、iPad mini 和 iPod touch 5 等新款機。
5. 相機與 「Moment」 相簿
相機及拍攝介面也有重大更新，而且可以簡單地掃一下來轉換拍攝模式，也可加上各種濾鏡。相簿方面可以按事件來幫你排列照片，也可使用 Moment 技術能夠自動識別你的圖片何時何地拍攝 ，並自動地進行排列，還可以「放大」到一整年的照片都能擠在一起讓你看。相片可以上載至 AirDrop、iCloud、Twitter、Facebook 等，最厲害是可以分享到别人的 Photo Streams 內。
6. Siri 轉新聲！
Siri 換了新聲！雖然都是怪怪的，但你可以隨意轉換成 Siri 哥或者 Siri 姐，而且會有「樣子」，變成一條聲波。指令方面可以叫 Siri 幫你更改設定，例如開藍牙、調較屏幕光暗等。
7. iOS In The Car
與各大車廠的車用系統結合的新功能，把 iOS 的 Homescreen 放在你車上的屏幕中。這很大程度上要靠 Siri 執行，可以打電話、導航、播歌等。
8. App 自行 Update
App Store 方面，Apps 將會自動 Update。除了將有年齡顯示功能外，還可根據地點來找 Apps。
9. 免費的 iTunes Radio
iOS 7 推出了與 Spotify 相類似的 iTunes Radio 音樂 Streaming 服務。 ITunes Radio 現時將配以有廣告的免費形式提供使用，如果你有 iTunes Match 帳號則可使用無廣告版本。初期會連接逾 200 個電台，現在僅限於美國境內使用，稍後會有更多城市加入。
10. Activation Lock
如果小偷試圖關掉「Find My iPhone」時，便需要輸入你的 iCloud 密碼，不然小偷便不可能再次啟動你的 iPhone。
Apple 官網：www.apple.com/ios/ios7/features/
分享到 :
最新影片
不是太驚喜，但都有點新鮮感；Control Center 是期待已久; AirDrop 在 iPhone/iPad 上比較實用。
換過個界面 加多幾個software 就叫系統版本升級 蘋果真係技窮了
老實講，以你高見又點先叫software upgrade呢？
老實講，1 2 3 4 5 7 8 都係抄 Android 的，10 亦有大量 user apps 可以達到同樣效果，於其他 OS 並不是什麼新鮮既東西。6 同 9 又有何地方值得 wow 之處？而關於 AirDrop 筆者話 “兩部裝置只要在同一個網路內，便可將想要發送的檔案…完全不需使用 NFC”，文法上無問題，但邏輯上比較可取係 “只要有 NFC，分享檔案根本不需要登入到同一個網絡，任何兩部裝置也可做到”
結論係，我同意 UNJJABLE，這個根本係平平無奇既 software 升級
呀…airdrop好似同時開啟藍芽同wifi就得…唔洗真係連入去router…自然就會搵到對方…所以佢的確比NFC方便更好用…
不過無可否認，佢好多改進地方係抄Android。
我有同時使用兩個人OS，只能講兩邊陣營，每次嘅更新都各有各好處。
IOS嘅好處在於佢嘅整合性，用戶唔洗煩太多。以裝app為例，喺Android，雖然因為自由度好高，又有檔案管理嘅功能，但係每次裝完App，當我想移除嘅時候，佢都可能會剩低一啲我唔想用嘅folder或者檔案，要我自己入檔案管理處去處理。如果唔想咁煩，就可能要裝一啲app去幫自己唔洗咁煩…
其次，就係Apple嘅生態系，如果你本身有用Mac機的話，Mac OS同IOS嘅整合，都係非常方便好用。喺Android那邊，就要自己在PC找相應的software去配合了。
兩邊方向唔同，Android自由度大，Apple則着重穩定性同安全性，如果你本身主力係用Android的話，唔洗太在意佢嘅發佈。
其實APPLE出IPHONE3果時個方向都已經係咁~可以比第三方開發APPS~從中選一些最有用既APPS加入IOS~這並不新奇~但重點是~官方加入到新IOS後~該功能會比第三方開發的APPS更快,資源用得更少而且來得美觀~
你要明白~APPLE的動作有50%是要從越獄了的人(JB左)手上抓回客戶~從而令APPS開發的大廠商回巢~促進APPS的發展~才是IPHONE的最大特色~!
ANDROID 的功能是轉得快~加得快~比IPHONE有得早~但WWDC大會上提到~ANDROID的系統並不統一~這點在APPS開發上其實是一個極大的阻礙~而IOS 主張統一系統~IPHONE就汰舊留新~試在APPS廠商方面想~這點是比ANDROID更容易控制更容易做APPS做得更好的一點~
不過今次大會上不算有突破~而大眾是想要突破而不是改進……
十分同意你所言，畢竟iOS挪用別人創意當新野咁sell都唔係第一次
個界面明顯似HTC One X和MiUI…而没加入NFC的理論只是不可理喻的強辯，舉個例子，現時地鐵廣告牌有某部份加入NFC晶片方便我們查閱資訊，但那些廣告牌可以加入AirDrog嗎？受限於成本，答案當然是不可以
安卓何嘗唔係一開始抄蘋果
加左落去又話抄
唔加落去又話唔肯變
唉
睇見啲相第一個反應係乜咁似 Android -_-“
多謝某些人的正面回應！其實我條問題既意思係，識得彈好容易，就甘睇，用都未用就落結論話人技窮有點兒武斷啫
成個界面落左咁多功夫, 點可能話”換個界面”技窮
咁姐係冇野升級到架啦BO, 老實講samsung個d咩 S health/ S voice./ S translator 全部都係其他人既app抄出黎啦, apple個d系統性d既改變咪好囉 講到好似換個界面好易咁, 幾多software….出面有邊個app/ phone有ios咁穩定?
硬件未更新，功能上想有幾多可革命
你這句說得好，看完整個 wwdc，包括
ios7，osx10，macbook air，及 那新的 Mac Pro （很吸引）
可以看到apple 這次的大改變
我想，ios7 beta 後，9月 份很可能同全新的 iphone6 一起出 ！
那時候真的很大機會有意想不到的驚喜。
咩野都係假，最緊要出多條 line, iphoneXL. mon 5″
醫生話長期看細 mon. 老花會提早出現。
先唔好話抄人呢筆，就連個UI本身都好唔consistent, 一時白一時黑，一時opaque一時透明,唔三唔四
應該係推出左同 Pandora 類似既服務
查實睇真啲 真係唔錯㗎 到時候佢出你又咪會upgrade 依家彈咁多又咪齋up
你用過先講啦, 我用左2天, 基本上這是我用過的最好的界面 ( 未計穩定性地比較 andriod/wp/bb Z10也很但可惜BB UI難看超膠機 ) safari 直頭 perfect 如果iPhone 6是4.3-4.5的“ mon, gs5 就真係一定技窮了 ( 膠機, 5.5″, $5500? 玩具界面? )