話說昨晚，突然之間有好多朋友寫住咩食蟲呀，唔記得著 bra 呀，著粉紅色 T-back 呀嘅 status，我都覺得好奇怪，但以為朋友真係做出怪事或者有精神病，又或者 facebook account 俾人 hack 左亂 up 廿四，所以就 like 咗佢 status 然後問佢咩事啦，點知原來呢個喺一個遊戲，你 like 咗或者 comment 咗就中招，要揀番個答案 post 喺自己個 status 度，認真無聊之餘搞到我串哥無名火起，唔打篇文罵爆都真係訓唔著！
濫用朋友關心權
其實，本來呢啲小學雞遊戲，串哥讀書個時已經玩過，咩你要去同個女仔表白，如果個女仔應承左，就代表你贏；如果你俾人請食檸檬，就要罰俾朋友位位一舊！今時今日，中左招，就要自 post 一段無聊對白，遊戲規則就係咁簡單。有啲人會覺得：少年總有輕狂時，「玩下唧，就咩要咁認真」？
老實講，個時玩「追女仔輸左要罰錢或請食飯」呢種遊戲，事後最多都係俾個女仔覺得你利用佢既感情過橋，憎你既最多都係呢個女仔。今時今日，大家都知 facebook 幾咁深入民心，大家既生活已經唔少得呢個平台既存在！當然，facebook 入面有你既舊同學、同事、老闆、客戶、男 / 女朋友，甚至一定不能少既：真心朋友。人咃見到你既古怪 status，如果一個男仔寫住「今日唔記得帶 Bra……」云云，就梗係知你玩嘢；但喺如果寫啲中性啲既，例如：「好似鐘意左佢..點算？」又假如你呢排啱啱甩左拖，又或者「久旱未逢甘露」，朋友見到你呢個 status，自然 like 爆而且想關心下你問下邊個啦！點知你就覆佢下面呢張圖嘅訊息：
喂大佬，佛都有火啦！諗住關心下你，點知你係濫用我嘅關心係度玩我，我罵你幾句以後唔鬼理你已經算便宜左你，我真喺有諗過嚴重到同呢啲人割蓆絕交！
狼來了嘅故事聽過未？
後尾我串哥冷靜落來，諗下點解呢種咁無聊嘅遊戲，點解仲會有人玩落去？最慘既係：有啲人中左招，明知係一個局，都要繼續玩埋身邊其他人？當然，我同身邊一啲朋友了解過，佢地不外乎都係話：「都市人壓力咁大，拿呢啲無傷大雅既嘢來玩下當解下壓唧，認真你就輸鳥！」
哦，明白！原來你係為左解壓而玩我，何必？生活壓力大就可以隨隨便便玩人哋架啦咩？你細個老師無教你《狼來了》個故仔咩？你玩得人多，第日你真喺有事，人哋仲會關心你麼？所以唔係一句「玩下唧」就大哂，你係成年人，唔識批判思考架咩？人哋玩乜，明知喺玩人嘅嘢你都要照做，唉，唔識講！
其實大家出得來社會做嘢，都知道工作只有愈來愈忙，朋友只有愈來愈少。Facebook 上面你 add 嘅人，有幾多個朋友會喺你寫 status 個時都 like like 你？而呢班人入面，又有幾多個只喺「花生友」？有幾多個先喺真心想關心你嘅？呢種 facebook plank，你 post 出來「花生友」自然樂此不疲同你玩落去，但你既「真心」朋友呢？想關心你，點知原來你玩佢既！好呀，咁唔睇重段關係，算囉！
拿，就喺咁啦！你諗住「玩下唧」，撞著個性格認真兼拿個心出來同你做 friend 既老死，一段大好友誼就咁玩完！幾無謂哩……
所以呢，都係個句啦：玩緊既，唔該收手啦，因為呢個真喺一個好無聊兼傷害人嘅遊戲。如果你仲要堅持玩落去？都喺個句：
如果要我串哥貼上面呢堆 status 嘅，交已絕，係咁！
分享到 :
最新影片
樓主你可以唔理依種甘既遊戲，個人認為，你可以唔尊重依個遊戲，但係你唔可以唔尊人，人地會回比你，係因為當你係朋友先比你玩。 如果樓主只係一種自我心中又或者係連少少事都會絕交既心態。唔好意思本人亦冇興趣同你做朋友。 係咁。
點解無端端要參與呢個遊戲？有冇問過人一唔一齊玩？
你可以選擇唔玩。你既選擇都係批判思考既一種。
如果睇過一套電影，你話睇既時候我劇透比你知，你有咩感覺?
哦，咁可否話我知點樣分辨到你幾時係玩，幾時係認真有煩惱？
認真有煩惱既話唔需要分。 Facebook 近年已經淪為發洩網民情緒，不論開心或者唔開既地方。又或者係一個令人記得你係邊個既地方。
佢有煩惱，佢自然會搵傾訴對象，而唔係病態地起Facebook其中努力得到人地既認同。 請尊重每一個人既意願。
補充 ： 如果你唔同意我既觀點，唔緊要。
但請你唔好以偏蓋全，並唔係所有依種遊戲既設計者都會利用人地關心去設計遊戲。依一件係個別事件，作為另一個遊戲設計者既本人，本無此心，遊戲內清楚看出沒有此意圖而純粹娛樂。
希望 A 先生及樓主串哥請勿以個別負面事件而排斥或不尊重其他遊戲及其設計者。因為你對人對事既不尊重，可以造成網絡欺凌，更加有機會打擊到遊戲設計者的自尊心，推動力，令其失去自信心或因而消沉。
亦請尊重我們以幾十分鐘的時間及創意設計遊戲去換你們每人幾分鐘的歡樂。 不喜歡的話。 請你忽略，但不要踐踏我們這種人。
還請閣下留意，作為一個遊戲的玩家，絕對有權讚美或批評該遊戲；不論閣下有沒有參與設計這個所謂「個別事件」的遊戲，作為同類型遊戲的設計人，你絕對需要接納各種／各方不同意見，並加以檢討；而不是在這裡一而再，再而三地以尊重二字所為盾牌，將負面的意見或批評都貶為「對人對事不尊重」的表現。我不明白作為設計師的你點解會有「不喜歡的話。 請你忽略」的想法；須知道，這款遊戲的已經有不少Facebook用戶參與，不是一句「唔鐘意就唔好理」就可以清楚地將所有同此遊戲有關的status忽略；對於未睇過「內幕」(即like完之後先收到的inbox message)的人，更加不會有能力分辨出status的真假。
續上
inbox message提及「願賭服輸」四字，問題在於一開始並沒有提及這個遊戲是一場賭局，更沒有提及以什麼作為籌碼，在不知道的情況下給予一個like或一個關心的回覆就叫做「賭輸左」，會不會有點「良心當狗肺」的感覺，樓主為什麼會生氣也不是不能理解，對嗎？
好吧，就當我不喜歡這遊戲，經我的批判思考後決定要忽略要唔玩，但我已經「中伏」了，那我在朋友眼中不就是成為了一個「願賭卻不服輸」的人嗎？
希望係我諗多左啦，但亦都希望你可以諗多D，接納不同意見，有助你改善/設計遊戲。期待你創作出更有趣的遊戲
回覆 Andy 先生 :
樓主生氣，我能夠理解，但是並未到達需要利用Unwire發表意見評論的地步。 說白了，就是小事化大，此事做法不敢苟同。
本人亦無意罵戰只求平反。
你如果選擇不參與，你的朋友依然會”迫” 或 ” 諷刺” 你”輸不起”
的話，你可以一句 ” 認真就輸了 ” 就塘塞過去。你是你自己，太在乎朋友的想法，你會好累。
但謝謝你對此發表的意見。 請期待本人將來的創作。
亦還請閣下留意，你們作為一個有獨立思考能力的人，不論成年人或是年輕人，我發言因為感到不受尊重，而不是將此作為盾牌推卸對遊戲的評論及意見，而樓上我已經提及過，”中伏”者有權利選擇不參與遊戲，Andy先生，你也明白什麼 ” 今日我同警察講我既志願係做一個正義既超人” 又或者 ” 今日起電梯裡面放左個好響既屁，全部人都望住我” ”我今日冇帶Bra，心口涼涼地”
此類近況是以幽默性質還是以經過事件後要求評論的性質吧。既然讚好或是回覆了文章後，你會收到 Inbox的訊息，收到後怎麼會分辦不到?
如果這個白痴遊戲係你設計的話,我X 你老母!不X知所謂無聊當有趣.
玩還玩,玩之前你有冇問過人丫?冇.識唔識尊重人?
我X 完你,嗱,你唔鍾意可以唔俾我屌.請你尊重我X 你的權利.
ok，唔該哂
先別由你界定facebook的性質及用法
你可以選擇不認同，但此為大方向。
大方向？你自己認為嘅方向就係大方向？
咩叫願賭服輸
我根本冇去賭 服咩輸
係關心你先理你Dstatus姐,你而家唔係佢朋友緊係咁講啦,如果唔關心你你死左都唔關佢事啦,佢係驚你講得多搞到失去左信任先咁講,絕交只係想話比你知你咁做好幼稚,為你好,想你收手
其實facebook玩玩下大家又開始轉移去whatsapp到
呢啲遊戲 不過係大家無聊之作
你like左中左伏 人地腥比你 你有權吾轉post
何必介懷呢？
網路上好多野單靠文字傳達 未必能完全表達到發言者嘅意思
樓主你將一切睇得太認真
呢啲玩笑同日常嘅惡作劇有何差異？點獨又吾見你指責埋日常嘅惡作劇呢？
YHC講得好啱。
請尊重我們以幾十分鐘的時間及創意設計遊戲去換你們每人幾分鐘的歡樂。 不喜歡的話。 請你忽略，但不要踐踏我們這種人。
亦都請你尊重下我地個FB wall,我地無權去選擇你個所謂的遊戲出唔出現係個wall度,換句話講你強姦緊人地個wall而人地係無得選擇唔睇, 同埋點解要人地去選擇? 點解你要攪一D無聊野浪費人地的思考時間? 創意就要尊重? 你柯篤屎出黎放上頭出旺角自拍都好有創意,你post出黎之後你可唔可以叫人尊重你? 要人尊重你,你有冇尊重過被你強姦同出賣的人? 當年商台森美攪「我最想強姦的女藝人」投票都好有創意,點解最後佢要出黎道歉, 呢個世界有D野玩得過左火位就要認,唔係一味話自己有創意就大晒.不知所謂.
無人要求你選擇。 你大可以報警投訴我們強姦你。
至於什麼尊重被強姦或出賣此點，樓主失實地以誇張手法表達了。
Facebook 有舉報功能。 如不滿意。 可舉報。
無論點的投訴，本人無興趣。
而且這不叫過火位，注意一下言辭。
過火位是在旺角街頭拉人玩，而且不放行。
這叫過火？我們這種亦不是網絡欺凌。
本人覺得樓主這種無建設的批評純粹為求發洩自己的不滿情緒。
我看不到意見兩字。
如果你不尊重有創意的人。 到內地可能更適合你。
那邊沒有設計及自由思想可言。
批評都唔俾，咁河蟹，你垃圾設計師就無自由思想。
大陸無政治自由，但有好多有talent嘅設計師。
設計呢D垃圾facebook games就代表好有talent？
香港有自由不代表你個”game”唔係垃圾㗎
FB hit得起嘅就係因為佢夾硬要你睇人啲嘢, 如果你覺得係強姦, 其實你應該唔好用, 因為就算冇呢個柒game, 都會迫你睇好多你唔想睇嘅嘢, 例如乜乜乜就like or share, 殘殺動物, 人口失蹤, 今晚食乜餸….甚至一堆廣告。而另一方面你又有冇諗過, 你post嘅嘢都可能有人唔鐘意睇, 但一樣強姦咗人個wall, 咁點計先？人哋見倒你post啲嘢唔高興就小你, 你會點先？呢個係fb嘅設計, 有利必有弊, 要嘈就嘈fb啦
創意? 我覺得好無聊，仲要send inbox msg 比人，已經超出你響自己個wall 自言自語。不如你留個電話，等我每晚半夜三更叫你起身小便好唔好? 橫掂你都未瞓。
u are such a bak chi jai… -.-
你最叻， 好未？ 提醒佢小便喺創意， 唔好踐踏呢份關心 ，你唔急咪唔好去囉 。
哦。小便真係可以作為創作靈感之一。 謝謝提醒
你覺得無聊，就不要理會。 我提及過這是批判思考的一種，批評我們能接受，但不代表我們是沙包。
你Like別人的狀態， Like 的意思是讚好。 你既說這是超出自言自語。
你不選擇Like ，又何以會發生此事 ?
你還不明白? 我覺得無聊，因為你將我的like當成你無聊遊戲的一部分。
你不惡作劇，你不send Inbox msg給別人–inbox msg 和 wall 的分別你知道嗎? 又何以會發生此事?
還有，起初你以為無傷大雅的事，慢慢會變質的，如果你的朋友(認同fb為無聊發洩大方向的friend)將這精神發揚光大，作些以為更出位好玩的status，終有一天出事的。
fb可以推動茱莉花革命，可以不是無聊的，你寫有用的status，我一樣會like，你分享輕鬆幽默的事情，我也會like，你聲明是個接龍式遊戲，回覆或like等如參加，我會考慮是否參與，如果你叫這想法是serious，我寧願如此。如你是這遊戲的創作者，我會unfriend像你這樣濫用網絡自由的人，就讓你的志同道合朋友一起發洩，如果一天在網絡上吃了虧(如被詐騙，放毒)，請別埋怨，一切源自why so serious 這你自以為是的「大方向」。
unfriend 就 unfriend .。 我又不是始作俑者。
我所創作的是你提及 回覆或like等參加類的創作。
而不是原作者，弄清楚。 我只是不滿有人不尊重創作此點。
要別人尊重閣下的創作，請先學懂「尊重」的意義，例如尊重其他人的生活方式及感受。
你覺得無聊，就不要理會。 我提及過這是批判思考的一種。 。 。
批判性思考由你來提及由你來define lol.
你玩晒你?你係邊個?
沙包?你個designer腦裝沙咩，D games 咁 rubbish
請不要以疑似本人身份複制及重覆本人的文字。 於此我有優先版權。
注 : 本人為 1樓設計者
咁你就唔好匿名啦,打個代號都懶.
我喜歡，匿名就是我的代號。
真係好好笑﹐有人竟然連玩耍同玩弄都唔識分
問題係呢類tag究竟係玩耍﹐定玩弄
你玩弄完人﹐再話玩下咋嘛﹐無咩大不了
fine﹐我識呢條友的話我會記住
到關鍵時刻我一定會一鋪玩死你。
如果你喜歡，我接受
咩人睇咩嘢，一個咁簡單嘅遊戲，無聊咪米玩囉，乃咗一次嘢之後我都冇再玩，你咁爆一定係你內在有嘢要宣洩，問題唔係外在，喺你自己裡面。
另一點係，如果照你嘅concept，每一樣嘢都可以睇得好 serious㗎喎，就以你呢篇文章為例: 每個人都有權選擇做自己喜歡嘅嘢，只係一件咁簡單嘅事，你就因你個人嘅不滿而作出遣責，如果比你操生殺大權，我哋咪要打靶？
每件事物都有無限咁多面，但絕大部份人只係揀咗其中嘅一面嚟睇就當成唯一，睇多幾面啦，世界會更好。
呢個作者成日亂鬼咁嗡，無人品，佢再係unwire到，我地罷上
請問你何德何能，以什麼大條道理要求別人罷上，幼稚。
要接受別人的批評才能成長。
注 : 我為 1樓 設計者。
lol , 好毒, d阿叔可以因為啲咁on9既野咁多感慨 ,想像一下佢既人生 , 睇嚟佢生活圈子都幾垃圾先會出現依啲事, losers
Pui lam henry on99 無論點
Pui lam henry is a wanker.
其實呢， 認真你就輸了， 唔洗認真gei…
樓主本身都係小學雞 唔好同人地講咁大個人為左小小ge遊戲扯哂火作編文出黎 幼稚 。。冇人拿支槍指住你叫你玩
問題係…我LIKE 左之後先知道你玩我…..
玩完我之後仲要話我願賭服輸~~~~~~~
點解我LIKE 你變左我輸啊！
why you care so much about the word “輸”? dont be too serious man…. there is no win or lose, it’s jus for laugh.
你可以對其說 認真你就輸了，輸的不是我。
是不是要我覺你說話思考?
請不要那麼幼稚地捉字蚤。 而且這個無論點的字蚤。
令人對現今青年的心智及情緒控制能力感到絕望。
匿名的出現令人對現今設計者的心智及情緒文字運用能力感到絕望。
“你可以對其說 認真你就輸了，輸的不是我。”
為什麼我可以我可以要你教?
匿名的出現令人對現今設計者的心智及文字運用能力感到絕望。
“你可以對其說 認真你就輸了，輸的不是我。”
為什麼我可以說什麼要你教?
大型電子產品連鎖店主管，”放工後遊手好閒”，各大網上討論遊走。”憤青(佬)一名”，見到 IT 不平事就出聲炮轟，毫不留情。
其實呢，呢件係好小事黎，咪以為有得放上unwire呢個平台，就將佢無限放大啦～
除了”我有少少鐘意左佢”, 仲有咩STATUE你會咁真心認真關心?
“我想比人打屁股, 我食左蟲, 我今日著T-BLACK” 你都會好耐心慰問? 正常老死見到呢d statue 都只會大笑三聲然後齊齊中伏。
咁講返”我有少少鐘意左佢”，先唔講in box tag你,
人地有感情煩惱久旱逢甘露你就第一時間仆過去熱切關注仲要like爆，企圖或意圖在公開平台逼佢講邊位，老老豆豆咁叫八卦唔叫關心。
八卦不成不甘心而已，咩係關心咩係八卦，搞清楚尐好尐。
你估個個都一定八卦？我見到之後，會心微笑左一上，但冇留言甚至無 like 等個朋友更新近況。但當知道係假的時候，真係會失望的，唔關八卦事。當你真係重視一個朋友，你就會有呢種感覺。雖然唔會怪佢，亦唔可以話係一種錯，只不過對身邊朋友來講，可能會帶來負面的結果。好似之前揀 D 「我覺得自己真係好型」或者情境題呢類認叻的 status 大家鬧哄哄唔會有咩問題，但如果可能會利用到朋友的關心，就要小心 D。
這個有點，原本的設計者對於 ” 我鐘意左佢…點算 ” 這等出界的選擇特別多，易引起別人誤會。 我同意。
“人地有感情煩惱久旱逢甘露你就第一時間仆過去熱切關注仲要like爆’ 我是like爆, like的是他/她敢公開說出來, 完全沒想過要在這樣的公開地方逼供, 請不要以已度人。
“人地有感情煩惱久旱逢甘露你就第一時間仆過去熱切關注仲要like爆’ 我是like爆, like的是他/她敢公開說出來, 完全沒想過要在這樣的公開地方逼供, 請不要以已度人。
話時話，如果把小學雞status遊戲及向女仔表白食檸檬就位位一百的遊戲相比，我覺得status真係無傷大雅，反正一睇都覺得有些奇怪，但係玩弄異性感情，其實可能造成真正傷害，罪大惡極，而作者居然反過來說，小事化大，大事又化無，認真有問題。
真係唔明點解咁多人，人身攻擊作者。人地有權玩，唔通佢就無權嬲？甚至有人話佢的關心係一種八卦心態。
你估個個都一定八卦？我都見到朋友留「好似有少少鍾意佢」，當時會心微笑左一上，但冇留言甚至無 like
等個朋友更新近況。但當知道係假的時候，真係會失望的，唔關八卦事。當你真係重視一個朋友，你就會有呢種感覺。
雖然唔會怪佢，亦唔可以話係一種錯，只不過
對身邊朋友來講，可能會帶來負面的結果。好似之前揀 D 「我覺得自己真係好型」或者情境題呢類認叻的 status
大家鬧哄哄唔會有咩問題，但如果可能會利用到朋友的關心，就要小心 D。
問題重心從來就唔係遊戲本身，而係玩的人沒有留意自己的 staus 會令「真心朋友」失望。有幾多人睇得明作者講話「真心朋友」？如果我未拍拖之前留左呢一句，我包保我一定比幾位有男有女的好朋友鬧爆小爆。定係大家身邊已經冇人會為你的一個留言而在意？
Why so serious? Chill out hong kongers
總括而言，我已無興趣回覆個別無法控制自己情緒的人。
有論點的人我都能理解，能同意。
再表明一次。我不是本遊戲原創者。
我所創作的是你們有選擇參與與否的遊戲。
但你們所提供的意見，我接受了。
另外，出言不遜的人，也請給自己尊重。因為你的發言表現著個人的潛人格。
我亦無意浪費過多的時間於罵戰上。
你邊度有接受人地提供的意見啫
design games大晒 ar ma
意見唔岩叫人返大陸
D小學 designer影衰香港design界
仲潛人格添
有論點的人我都能理解，能同意。
你智障點可以理解正常人論點
串哥, 我撐你! 請繼續激烈開火!
我真係好憎呢個”遊戲”,事前唔同我講明就逼人玩
如果將個STATUS改成:”我好唔開心,我想自殺”,人地睇倒留言俾你先知你整估人,人地會點睇你,如果繼續由得呢D事發展落去,到最後人人係FB POST咩都冇人信,咁仲用FB黎做咩?
呢類遊戲確是無聊但有興趣的人他會參與其中，要想到同朋友絕交及那麼的嚴重性?? 如果這些說話是玩人又會令人心靈受到傷害時你又會怎樣處理呢這個事件呢? 今次你的討論有否過度偏激? 有否想過你朋友為何要玩此遊戲呢?? 大家成年人喜歡的就看不喜歡的就算。
其實我也想知道玩這遊戲的原因何在? 請賜教
Edward:大家成年人喜歡的就看不喜歡的就算。
咁樣你個白痴仔不喜歡又響呢度post?
同意作者所講”真心朋友會感到關心被濫用”。 講真, 大部份人在fb出status都是為了得到別人回應/關心, 不然你把心情寫在日記也可以, 根本不用公開。而作為朋友, 看到你記下自己的生活點滴, 給予一個like或回應也是很正常, 能讓寫status者感受到: 哪怕再無聊的事, 原來朋友亦不會不聞不問。 偏偏竟會有人利用這種關心, 創作出這一類無意義的遊戲(我個人認為比之前流傳的100問更無意義, 100問尚且可以讓別人更了解你, 這次呢? 我知道你穿t-back又怎樣? 而這個status還是假的!) 重點還是那句”願賭服輸”, 我從來沒有”願”過, 只是關心被利用了一把, 之後還被要求變成同黨去利用其他朋友對我的關心? 哈, 除了冷笑, 真的笑不出來。 (但另外我也想說…作者舉的追女仔的例也不恰當, 我認為對那個被玩女生的傷害跟被真心關心的”朋友”跣, 兩者威力其實相差不大, 總之牽涉到”人與人的感情”的遊戲一不小心就會過火, 請慎重)
樓主我完全認同你，這種無聊又白痴的所謂遊戲系微信朋友圈都有出現，我就出於關心朋友的心態去問候，點知原來係一個白痴遊戲要我post段很白痴的上朋友圈，就因為太白痴我絕對不會post，咁樣俾人話我耍賴皮。。。但問題係我從來無話要玩任何遊戲又何來耍賴皮呢？就因為這些無聊白痴遊戲搞到我同我朋友成個星期無哂野講，宜家見到佢post咩我都廢事理，點知係唔係又系度玩咖，我話知你話要跳樓又好，廢事一陣又係一個白痴遊戲