有冇發覺新一代爸爸媽媽很喜歡帶 BB 車出街，但帶住 BB 車唔方便搭巴士，往往要改搭的士十分重皮。有冇想過可以將單車與 BB 車二合為一？自己踩車既環保，又能夠達到慳錢和修身的效果。
有單車公司設計了可變身 BB 車的單車 Taga， 單車採用 3 輪設計，前面設有兒童乘坐，附有安全帶的安全椅，父母則在後面踩。三輪設計有助平衡，BB 亦可坐得更舒服和安全。當進入室內時，只需約 20 秒就可變身成為 BB 車，BB 安全椅底下有收納空間，讓父母可擺放尿片、奶樽等物品。
Taga 兩用車有一系列的配件，例如雨擋、雙人座位和購物箱，當孩子長大後，單車可以變成購物車。基本版售價 1,495 美元（約 11,603 港元）。
來源：Taga Bikes