很多購買了 iPhone 5 的用家，也會覺得它的屏幕只是拉長了、解像度比例改變了（由 960 x 640 改變為 1,136 x 640）而已，點距既然仍然是 326ppi，質素應該沒大變吧。其實 Apple 在記招中也表示 iPhone 5 的屏幕，色彩飽和度比上代高出了 44%，不過這一點似乎較少人留意。究竟這個提升對於屏幕質素有何改善？有外國網站就將 iPhone 5 及 4 的屏幕均放在顯微鏡頭觀看，究竟兩者有何不同？（注意：iPhone 4 與 4S 使用的 Retina 屏幕是一樣的）
比較程式圖示。
比較像素。
從第一張相可以看到，iPhone 5 的像素似乎比 iPhone 4 的更接近玻璃屏幕表面，該網站負責人表示這應是與 Apple 將 iPhone 5 的屏幕觸控感應器內建在屏幕內而非舖在屏幕表面有關，這令用家觸控時，手指與屏幕顯示內容的距離進一步拉近，變得更像直接觸碰在上一樣。至於從第二張比較圖，大家更可以看到雖然 iPhone 5 及 iPhone 4 的像素大細是一樣的，但 iPhone 5 像素所顯示出來的顏色飽和度，確實比 iPhone 4 高出不少，當中藍色像素顯示出來的分別最為明顯。除了顏色以外，iPhone 5 的每一點像素的邊位亦似乎比 iPhone 4 更為 sharp cut 及清晰，這亦應是為何用家覺得 iPhone 5 屏幕顯示比 iPhone 4 / 4S 來得清晰的主因。
相信透過這份報告，大家對於 iPhone 5 的屏幕質素，應該有極大信心了吧。
來源：Jonesblog
分享到 :
最新影片
LCD經過20年進化，到今次iPhone 5採用Sharp IGZO面版，真係有明顯改進。
我細心比較過，iPhone5比4既顏色準好多，最正係個畫面係好貼玻璃面，反光減少左，光度亦高好多，響日光直射下，完全無問題。
android 友點解唔出聲? 三叔班marketing 去左邊?
三叔一出黎會好柒
繼續恥笑Pentile，繼續恥笑味精mon
自己做開Display，質素都差過人咁多，三叔無哂面啦，唔怪得之靜左一排
暫時好似得iphone5係用sRGB標準做手機mon?叫得sRGB更係準架啦…
如只計色準，iPad 3比iP5更準喎，雖則iPad 3唔係用IGZO。
IP5都99%sRGB, new iPad 都唔可能差太遠.
唔怪得之權威機構都評定iPhone 5既mon係有史以來最好，唯一一部取得A級既手機
咁你咪買 IP5 囉，反正 IP5 係點都大把人買架啦
又係你條能樣