iPhone 5 推出了已有數天，有不少幸運的用家已經在第一天購買到自己的心頭好。究竟他們覺得這部全新 iPhone 使用起來如何？小編就專訪了玩了智能手機多年的專家 Francis Fong 及 Ryan Ra，究竟他們對 iPhone 5 有何感受？
專家：Francis Fong
身份：香港資訊科技商會會長
玩智能手機年資：十年以上
購買 iPhone 5 型號：黑色 64GB
我用了 iPhone 5 數天，覺得不算大驚喜，新機確實是快了、順了，而且終於支援 4G LTE，雖然暫時只有 SmarTone 可以在 iPhone 5 上用到 4G，但未來各網絡商亦應能支援。而且今時今日，3G 網絡已接近飽和狀態，而且用家太多，還用 iPhone 5 用 3G 上網，手機效能再快也沒有用；反而 4G 算是新路（雖然 SmarTone 用的並非新路，只是舊頻譜 refarm），用家相對 3G 網絡來說較少，上網自然更加爽。暫時用了 iPhone 5 數天，SmarTone 4G 配合 iPhone 5 上網速度算是不錯，而且入屋（即是進入室內環境使用）表現也十分好，算是發揮了 iPhone 5 本身的其中一項優勢。
不過我發現了一個現象，就是我身邊會買或已買了 iPhone 5 的朋友，十居其九以往也是 iPhone 用家，循例 upgrade 而已。反而很少已經在使用 Android 手機，尤其是使用大過 4 吋屏幕 Android 手機的用家轉會，始終 Android 手機無論是甚麼品牌，屏幕大細也有很多選擇，說到比 4 吋大的，由 4.3 吋到 5.5 吋（將會於週末推出的 Galaxy Note II）也有，而且大「芒」對於雙眼來說，睇網頁、文件、甚至打機也舒適得多。既然已習慣用大「芒」，又怎會走回頭路用比很多 Android 手機屏幕細的 iPhone 5 呢？而且 iPhone 5 在功能上與過往數代相比沒有大變，新採用的 Apple Maps 地圖更是致命傷，影響了用家的使用體驗（至少在香港使用而言），所以整體感覺只是一般。
專家：Ryan Ra
身份：網誌《講•鏟•片》網主
玩智能手機年資：10 年以上
購買 iPhone 5 型號：黑色 64GB
作為由 iPhone 2G 用到今日的 iPhone 用家，用了 iPhone 5 數天，感覺有幾點：首先是電量去得很快，尤其是睇片或者用 HSPA+ 上網時尤甚（由於 Ryan 是使用 CSL 1010 的，所以在 iPhone 5 上暫時未能使用 4G，需要 4 至 6 星期後才能體驗得到）。其次是打中文不夠方便，因為每打完一個中文字不是按空白鍵，而是要拍 Enter 鍵，感覺不太好。另外 iPhone 5 機身似乎熱得好快，如果用來播片，不消一會機背就會變暖，幸好最嚴重的時候也不是熱燙燙「辣手」的感覺，否則就真的麻煩了。
不過 iPhone 5 也有可取之處，首先效能上確實很快很爽，尤其是分享功能，可以輕鬆將相片、網頁等分享至社交網站，甚至將相片透過照片串流分享給朋友欣賞，十分方便。其次是藍牙鍵盤、有線鍵盤等週邊也可以順利接駁使用，雖然是預期之內的結果，但至少肯定我擁有的舊週邊在新機上仍然用得到，不用買過一套新的，十分體貼。唯一是仍然不能接駁滑鼠，希望未來可以透過 firmware 更新支援得到吧。
以上就是兩位 iPhone 老用家對於 iPhone 5 的感受，不知道在我們的讀者中，又有多少已在使用 iPhone 5？不妨又在此分享及討論一下大家的感受吧！
番外篇：iPhone 5 買家感受
其實在 iPhone 5 開賣當天，我們也即場訪問了幾位購買 iPhone 5 用家的感受及購買原因，現在就為大家送上吧。
何先生購買了 2 部 16GB 黑色 iPhone 5，他認為今次 Apple 安排很好，至少不用排隊排至出天橋，但如果在門口排隊位可以有多些指示哪裡是隊頭哪裡是隊尾，會比較好一點。
鄭小姐購買了 2 部黑色 16GB iPhone 5，他表示 1 部是自用，另一部是為家人購買的，他以往是用 iPhone 4S，今次買 iPhone 5 的原因是效能快了，用起來爽了，所以才會升級。
陳先生也是購買了 2 部黑色 16GB iPhone 5，他表示以往是使用 Android 手機及舊款 Symbian Nokia 手機，曾經有用過 iPhone，現在因此當中的軟件好用，所以重投 iPhone 懷抱。他表示初步打算自用，但如價錢合適也會放售。
分享到 :
最新影片
唯一所謂最大好處 “分享功能”, android 老早已經整合哂, 更方便了…
玩智能手機年資：10 年以上？？？
iPhone 第一代 2007年 先出世…
就算畀你玩埋第一代 Palm 手機 (2002年)，都係岩岩十年…
吹水、造假都唔好咁過份喎…
第一部智能手機 爱立信 R380sc在2000年推出
If both of the above users have never used Android or other systems, I don’t think their comments are useful for comparison of smartphones.
睇到”玩智能手機年資有10年以上”..我都已經唔知可以講咩好..sosad
[如果覺得iPhone面世之前戈d叫智能手機而唔係PDA or something else ge話我無野好講]
就係這些人先一定爭做乜乜會長，因為他平日所有精神時間，都係用於如何爭贏會長個名， 而唔係用係iPhone上面。
任何野都有起步階段啦！唔通你話以前嘅286,386,唔係電腦咩！
生果唔係神，一部出了幾代的產品成熟度己經好高，睇唔出無左教主既生果有邊個夠勇氣大改呢個不論點都大賣會生金蛋既電話，個人覺得生果行ip條路越來越似game壇大哥square enix出ff咁，越來越無誠意同勇氣，加個s就當新機又賣多一年……不過只要有人比錢買相信生果應該都會咁行落去……看看現在生果裡面有工程師有勇氣提出改ios對左幾年果四行docks同界面嗎？敢大改ip個外型嗎？相信只要一日有人買佢一日都唔會改！！教主在世的話還多少有點希望！！現在生果好像在食老本咁，但佢地又真係大把貨在手任食！幾時會見到生果有全新既產的出場呢？唔係果條搵笨既30pin線吧？
Great comment!!
其實,我想問一問你，你是否Apple要像三星一樣在外觀和各方面有重大改變才叫進取？你知唔知Apple嘅理念係咩呢其實？相信你都係屬於只追求硬件數字上級數，而並非整體系統帶來嘅一致性那種人…..
http://en.wikipedia.org/wiki/Smartphone
“The first Symbian phone the touchscreen Ericsson R380 Smartphone was released in 2000 and was the first device to be marketed as a ‘smartphone’.”
Windows CE 2001出，Nokia 9210就係2000年出既，唔止10年啦，仲早既都有。
當年黎講真係smartphone喎，比起而家當然唔smart啦。
但大突破係要數2007年iPhone推出，當年最威既WM 6.5，要用幼膠筆指住係幼幼既scroll bar黎推上推落，無apps(個d煩到嘔既唔好話有)，個browser係有等於無… 但iPhone到今年第5年，大家都覺得iPhone不再創新。
好大原因係普羅大眾睇iPhone只係睇表面，改4行icon有幾難？加d widget響桌面又有幾難？但點解要咁改呢？改5吋、6吋mon有幾難？相反黎講空間更多更容易做，舊電仲可以加大一陪，即是想要iPhone改到好似部三星咁？？
三星抄佢抄足99%，但係d人反而想Apple跟隨其他smartphone行…真好笑，咁個d人點解唔直接用三星而想Apple出大mon呢？
真係好慶幸Apple堅持自已宗指，否則Apple唔會咁成功。
仲有，創新，乜野係創新？唔通Apple要年年都有革命性產品推出先叫Apple？
點解無人要求3星創新？唔通大家覺得改改個膠身，加支筆，加大個mon就叫創新？
Apple應該堅持自己宗旨,不要抄人家三年前已有嘅四吋mon.
Apple 不能出大mon主要因為個os太食電(Apple所有產品都有嘅問題),若再加個大mon,肯定用不到三個鐘.
好好享受你的四吋mon同Apple map吧,要花咁多錢買三年前嘅科技難怪市佔率得番17%,Android phone已佔68%.緊記,勿用Google Map,去書局買定本地圖,一定比Apple map可靠!
唔係呀，乜都唔識既你？資料全部錯既。
Apple map係差我一早知，所以我無up ios 6。
而且我有Galaxy tab，係有google map既。
用最貴嘅價錢,買部問題多多嘅四吋機,買左嘅人當然死撐自己唔喺傻仔.
v125,我嘅資料是最近最update,你個四吋小學雞最好買番本地圖至好出街,不要用google map,一於死撐apple map,apple map 喺一眾apple 高層拿出來sell部垃圾嘅一大特點.iphone只hk炒得起,因為大陸人至愛.
你d料唔係唔update，係錯！仲要全部都錯，無一樣係正確，點樣錯我都費事教精你！細路仔講野無d禮貌，得閒就睇多d書，學多d野啦，講多錯多只會比人睇少。
“何先生購買了 2 部 16GB 黑色 iPhone 5…”
errrr… but he is holding a white iPhone?
呢度網D工作人員好求其, 連首頁遊SLIDESHOW BANNER都可以出錯, 第4BANNER下低果幾粒制係禁唔到, 冇計, 5張SLIDE, 每張連返LINK咁煩, 心散既人係好易出錯, 你講既又係一個好例子…
Everything has its life cycle.
iPhone 5 的可取之處, 藍牙鍵盤、有線鍵盤等週邊也可以順利接駁使用……
佢呢句算點呀….有邊個會低能到駁keyboard去iphone…….
同埋呢個feature應該同個os有關咋喎, 同部機有咩關係….
鄭小姐購買了 2 部黑色 16GB iPhone 5，”他”表示 1 部是自用，另一部是為家人購買的，”他”以往是用 iPhone 4S，今次買 iPhone 5 的原因是效能快了，用起來爽了，所以才會升級。?變性了? 性別錯了~會好大問題~
這個 “他” 不分男女… 都可以被使用. 這個 “她”, 可只能被形用為女性的代名詞.
您如此愛捉他人語病, 難不成, 這將會令您心裡覺得很快樂, 很自信嗎?
(變性了? 性別錯了~會好大問題~)
— 變性了? (請問代名詞在哪兒了呢?)
— 性別錯了 (請問代名詞在哪兒了呢?)
— ~會好大問題~ (這不是普通話吧~)
玩了智能手機多年的專家 Francis Fong 及 Ryan Ra , 可以有幾”多年”? 膠