由於 iPhone 5 首輪開售地區，中國大陸並不在列，所以令到打算炒賣 iPhone 5 圖利的炒家已經蠢蠢欲動。有內地零售商更已經開始自行「預售」，以大約 7000 人民幣發售 16GB 版本。炒家預計，經港幣轉換後，回收價「似乎」最少有 $7,000，賬面盈利為 $1,400。看來真正的用家，除非上台出機，否則又要挨幾個月沒有新機用的日子。
有炒家更表示，首輪只要於 9 月 14 日網上訂購成功就可入手兩台，9 月 20 日預訂或即晚去排隊買多兩台，如果本身沒有合約在身的話，又可以上台出機買多台。以一部最少淨執 $1,400 計，完成以上大計的話第一個月就可以淨執過萬。
不過該名炒家提醒大家要量力而為，因為市場存在很多不明朗因素，首先是聯通已表明會在 3 個月內引入 iPhone 5 到中國。另一方面，炒賣大莊家依然未有明確表示會不限量收機，最重要是如果貨源充足，又會出現連鎖店「走後門」的情況，令一般用家根本放不到機，屆時一籮蟹貨。炒機是搵快錢的方法，但當中亦存在風險，而且影響市場生態，請大家三思。
分享到 :
最新影片
唉…作為一個有良心既網站…就咪咁大大聲話比人知炒機賺錢啦…
LAST一句”炒機是搵快錢的方法，但當中亦存在風險，而且影響市場生態，請大家三思。”
叫人三思又要POST出黎…自相矛盾
炒樓，炒股果d算唔算有良心？
我矛頭係指既然佢UP得出
影響市場生態, 就咪鬼係網站到開POST講炒機, 而且樓下有朋友都指出, ”
一個資訊科網唔應該POST 呢D野”.
我唔係評論緊炒機有冇良心, 請對題作答
你啱!
炒機比炒樓更有良心,無機又唔洗死
正義的朋友, UNWIRE 唔寫, D人就唔炒? 冇141 男人唔叫雞?
咁多時間去吊左CY先啦, D樓咁撚貴, 你又唔去嘈
有個人初當只係比緊一個人打﹐有幾個人好似”你”咁不單只唔報警﹐仲走埋去伸多兩腳﹐跟住講﹐我唔埋去踢佢兩腳就等於佢唔洗比人打﹖
“你”係咪其中一個賤精﹖
一個資訊科網唔應該POST 呢D野囉
賣晒廣告
垃Q圾 串哥
一個死性不改嘅網站﹐助長少風。Apple 都話明用抽籤形式﹐網售預訂方式很大機會和上次發售iPad 一樣﹐每日都放少少貨。何來叫做真正用家要挨貴機﹖想助長炒風都用下腦。
修正”助長炒風”
我又唔多覺呢個係資訊網站, 呢個站乜Q都講, 遲早連4級都講埋
其實你地唔鍾意呢個話題，可以選擇唔睇，我唔明鬧乜Q ？
講事實又有人唔鍾意. = =”
近年來，Apple的產品也不是很火紅了吧~
如此炒機，小心燒到手。。。