不論是手機、平板或相機等數碼產品，一個有系統及易記得名字確實會較為方便。Nokia 日前發布的 Lumia 920 及 820 手機，依然以數字作型號，只會令用家產生混亂。 例如 Lumia 800 先推出，然後再到 Lumia 900 及 710，日前再加入 Lumia 920 及 820，究竟他們的定位如何？相信只有熟悉 Nokia 手機的用家才會知道。雖然過去十多年 Nokia 的做法也是如此，但往時手機沒有太多功能，但到了智能手機年代這套命名法則似乎不太適用。雖然 Lumia 已經是型號的一部分，但只代表是 Windows Phone 手機，甚至乎 Nokia 內部也可能會使用 L800、L920 等簡化名字，一般用家更加難以知道分別。
小編認為，雖然數字是易記，但當有十款八款手機均是數字時，就會不清楚各分別。Samsung 在部分系列上可能會較為鮮名，如 Galaxy S 系列就是旗艦級產品，Note 就是大尺寸，而 Windows 平台將會使用 ATIV，不過就只限這兩款產品比較容易記，其他如 Galaxy W、Y、Z 很多人也不知道分別，Sony 也是一大堆 Xperia T、V、J，究竟又有何不同？當 A-Z 完全用盡了難道要 AA-ZZ 再開始吧？HTC 雖然也不是以數字作為型號，但除了 One 系列外其他型號也有一大堆代號名字，也難以令人知道其不同之處。所以為產品命名確是一大學問，但至少有一兩款熱門及鮮明的系列而廣為人知，這才算是成功吧！
來源：cnet
分享到 :
最新影片
人地Samsung, Sony用英文字母又唔得
HTC用好多唔同既英文 eg Sensation, Desire… 又唔得
Nokia用數字又唔得
Samsung Galaxy S同其他W Y Z咪又係字母
我真係睇唔出同旗艦有咩關係
如果Samsung出Galaxy Y II/ Y III 咁佢都係旗艦?
收撚左 Samsung 幾錢呀 ?
唔駛收佢地錢啦
幫手踩人地，咁三叔以後就會搵呢個無恥網搞多D試機活動
信唔信出左iPhone 5之後，呢個網一係狂踩，一係報好少丫啦？
報得太多三叔會唔鍾意架
是旦噏，當被笈！
知唔知果3個數字有意思架？
第1個數字愈大，代表規格愈強
所以Lumia 900同920係旗艦機
而Lumia 800同820係次檔機，而710就係入門機
我覺得無問題
無野寫都唔係寫D咁既野呃稿費吵
Galaxy %
Lumia @
Xperia #
應該係Unwire 想要既結果
RIP
呢d 稿乜水寫嫁!?
無新聞是但搵d 野寫?
呢條寫稿佬真係識唔識電話架?十幾年前由手機流行開始,幾乎個個廠都係用數字,Nokia就係以3,5,7,8等開首來分segment. Samsung很多年前以Anycall系列既都係咁. 仲方便過你用英文名.
用數字又唔得,用字母又話唔得. 三叔個note同S夠係代號同HTC個堆有咩分別.係你條茂實自己無睇開HTC,成日掛住睇三叔個D先知啫.
成篇文堆砌都爆
根本成班唔識電話既人去整電話網, 常識又唔見
nokia 808 又話係lumia, facebook有個新野到港又話突破李氏力牆, 明明facebook李嘉誠都有份
呢度真係愈睇愈激氣, 雖然係新聞好多, 我都係因為呢度新聞多唔同類型又更新速度算快所以成日黎, 但錯得太多仲要錯d無謂野真係….囉
facebook篇稿我寫嘅，我上次已經想回應，但唔得閒。你知道超人有投資facebook，唔代表我唔知。
facebook李生係投資者之一，同洽購李生旗下基金有份嘅導航公司有咩關係呢？兩家公司都唔係李生揸fit，亦唔係大股東。
我當時希望令一篇比較悶嘅新聞，貼近一啲香港人，多少少趣味，你可以唔認同我寫突破李氏力場。但我亦唔認同你嘅諗法，兩家公司本身係獨立，洽購有咩問題？如果係兩家公司都係超人揸fit，唔使傾收購。就咁公佈合併就可以了。
貼近但爛左你覺得好笑？
好唔好笑你可以判斷，我唔特別覺得好笑，我已經講過，只係希望有趣一啲。但個重點係，公司有超人的投資，不代表間公司就係佢打骰。呢點同好笑無關。上面位讀者要鬧，可以鬧唔好笑，唔有趣，但唔好講到自己知道超人有份投資Facebook就好醒，呢啲唔係秘密。你估兩家公司啲人，唔通唔知公司有common嘅investor？兩家公司傾得收購，就自然有原因啦！我尊重讀者，亦接受意見，但同樣希望佢哋一樣。
唔覺得有咩問題,NOKIA又唔係第一日同number做型號,呢個tradition由佢第一日出手機已經係咁,btw新戈兩部lumia好吸引,希望NOKIA可以返身!