出身自 Google 現接任 Yahoo CEO 的 Marissa Mayer 上場後,令人覺得不少本身有外表的女性,於 IT 職場上一樣可以好能幹。雖然大家可能會先入為主,在香港不會有這類會看 TED 的 IT 成功女性。事實上,香港不乏擁有這種科技 Sexy 味道的女人。就小編所知的已經有多位,今篇文章會列出其中幾位,歡迎大家一同作補完。
Tech 橋最強
梁芷珊
狀況:已婚

曾是跨媒體創作人的梁芷珊,現為丈夫羅傑承公司博美投資集團有限公司的董事總經理,由於梁有著 Marketing 的觸角。外間一直認定她是羅生背後的軍師。雖然她不是 IT 出身,但她卻是香港把新科技帶到傳統行業的先驅。首先是替南華重新包裝,更特別為球隊設立 Blog 等 Web 2.0 原素,是當時香港先行,結果帶領球隊踏上班霸之路,更獲得不少贊助商及廣告商的青睞。

早前豪擲 4 億的 Red Mr 卡拉 OK,她指希望有自己的獨特亮點,結果在朋友提議及參考外國個案後,想到使用大屏幕互動系統。整個計劃由她「俾橋」,由寫計劃書到軟件都由她負責,最後於店中破格地使用微軟 Surface 點歌玩骰盅。梁芷珊最近仲獲選中國百名傑出女企業家,是有幸福家庭,又可以有自己事業的典範。
敢言走得前
張洺華 (前名:張寶華)
狀況:未婚
前新聞之花,不得不提的,是當年令到江澤文三回頭說「…too simple, sometimes naive…」的就係因為張寶華問。她於 2009 年推出以正版電影網上任看的網站 goyeah,是香港網上串流看正版電影的先驅。最近仲玩埋微電影,搵王貽興創作,周柏豪主演。
天氣女郎變身話事人
李煥明
狀況:未婚?
前天氣女郎李煥明,早年於加拿大英屬哥倫比亞大學,攻讀電子及電腦工程。返港後做過程式編寫員,又做過天氣女郎。於 2000 年加入了 AutoDesk,入職兩年就委以產品推廣重任,現為港澳區掌舵人。

她本身亦是一名音樂人,早年有不少流行曲作品,而她為人熟悉的作品還有《距離》、《花月佳期》等。不提及真的不知原來她已近 40 歲。
由 Programmer 變藝人
Christine 楊汀叮
著名模特兒楊汀叮,現為 Style Model 旗下藝人,跟 Angelababy 與 Janice Man 等份屬好姊妹。原來在當模特兒之前,佢係一名相當出息的電腦程式員,因為發現自己志不在程式設計,毅然放棄了晉升機會,投身模特兒界,幾年前用 Angelababy 師妹姿態登場。最近亦涉足電影界,大家應很快可在大屏幕看到她的影踪。
狀況:未婚?
以上資料只係串哥知道,又或者識得佢地,各位 IT 界的精英如果身邊都有呢類美女強人,不妨幫手補完。
分享到 :
最新影片



你肯定佢地係美女?
用呢4個case 來講「IT強人」, 怕唔怕笑死人?
強在IT 那? 頭3個點美法?
這文章是用來搞笑的吧?
用電腦開開Word就是IT人了嗎? 你有沒有常識?
嘿嘿,咩叫女強人?!係唔係應該指有成就嘅人?上面4位有邊個係IT界獨當一面?梁芷珊只不過係有個有錢老公,實際做過咩,上面講嘅功勞不只佢囉!!張寶華就飛咗以前條仔,跟咗林建岳,岳少「科水」佢先有錢燒,仲要個網都冇人睇,日日燒銀紙,唔係有岳少「背景」,佢邊有人「SO」佢呀……李小姐做推廣咋喎?!楊小姐仲搞笑,轉做「藝人」!!Unwire,唔該唔好玩啦!至於四位美不美就不評啦,各花入各眼!
自己寫住轉投模特兒,但標題寫住IT女强人,係咪我理解能力問題?
楊汀叮以前好清純,而家成個人造人,唉!