如果大家近日有在銅鑼灣一帶出沒，應該可以欄杆上出現大量「盧海鵬」宣傳品，話 6 月 26 日會「試咪」，仲叫大家「咪走雞」。經串哥收料後，原來係老戲骨做左智能手機代言人。 今次內地手機品牌魅族為左宣傳來緊出部賣 3 千幾的 4 核新機，竟然一反內地做法，於香港起用代言人，仲要係近期相當有人氣的盧海鵬。不過作為引入香港不久牌子，起用代言人的確係最快俾人認識的方法。不過即管睇下，魅族今次用得高唔高招，成件事係型左定老土左啦。
