在網速已達至 4G 境界的今天，很多應用方案也已交由雲端處理，不過應用得最廣泛的始終是儲存方案。圖像顯示晶片廠商 NVIDIA 昨日就正式宣佈一項採用雲端處理技術的圖像晶片技術，可為任何裝置（相信應包括手機）提供極好的遊戲快感。
根據 NVIDIA 表示，這項技術會採用 NVIDIA 的最新 Kepler 圖像處理單元（GPUs），而每枚 Kepler 處理器擁有 3,072 個 NVIDIA “CUDA” 處理器核心，可提供 4.7 teraflops（每秒處理多少兆浮點處理）3D 著色（Shader）效能（Shader 是在遊戲展現真實效果的工具），十分強勁！有了這效能，可讓遊戲廠商將所有複雜的遊戲圖像運算留在雲端伺服器處理好，再利用 GPU 進行編碼，令伺服器可以順暢地用串流模式運行遊戲。
小編認為這項設計確實十分好，始終現時的智能手機核心再多，相對電腦而言也是有限，而且擁有愈多核心處理器的手機，耗電量也會相應提升，一旦以後在手機、平板電腦或手提電腦的遊戲，毋須再靠手機或電腦本身的處理器進行圖像運算，而可將一切交由雲端代辦，相對就可減輕裝置內處理器的負擔，從而達到進一步省電的效果。另外，這種效能亦可讓遊戲開發商開發更多畫面更華麗，甚至可能可以媲美 PS3、XBox 360 的手機遊戲，由於圖像運算交由雲端伺服器處理，所以對於手機效能負擔有限，令用家毋須動輒購買更高效能的手機、平板或手提電腦，也可以享受到超高清的遊戲視覺效果。
小編就十分期待這項技術，一來以後玩遊戲，手機就不會如此耗電；二來遊戲開發商也有機會在手機、平板等推出可媲美 PS3、XBox 360 遊戲畫面的同級遊戲，又不用擔心需要動輒更換新手機、平板或手提電腦，才能享受到這種視覺效果。所以，還望第一款支援這項技術的遊戲快點來吧，小編期待著呢！
來源：CNet
分享到 :
最新影片
雲端咪即係要上住網打機囉…….CPU又LOAD 4G/3G開TURBO…..
食得仲快過以前呀?
同埋係上唔到網既地方即係唔駛打機呀?
唸清楚先發意見啦~好唔專業呢度D編輯
收皮啦~識少少扮代表
ON99 請問你識D咩??請講解下,lol
我唔鍾意識少少扮代表lol
你又乜都唔識，一開聲就叫人收皮
又冇家教，又冇學識，人如其名lol
你係有料提出證據話我所講既野係錯同撑埋呢個編輯講既野係
o岩囉
依條edward真係毒上腦
其實Edward能夠做到將報導同個人意見清楚分隔, 係好專業同應該得到肯定.
起碼讓讀者們見到”小編認為”幾個大字開始就唔再睇落去, very effective and time-saving, well done Edward gor!
我覺得 Edward 能夠寫出這樣的報道已算優秀了。
除了作出報道外，還分享埋自己個人睇法，供廣大讀者參考。咁唔好乜？
難道一定要寫到乾巴巴，冇任何個人觀點才好？咁仲有乜意思
像 Goodwill 話哉，睇到 “小編認為” 四個大字，如果你覺得冇興趣，就唔睇落去囉
小小意見，
作為編輯應該要人專業道德。
佢收得錢寫犒，又比咁多人睇，好應該比自己意見時要有承擔，具專業見解。
如果唔係搵小學雞撰稿都得啦….
如果讀者信佢將來手機用作者自己唸出黎既”一切交由雲端代辦”…..既技術，根本就係誤導讀者，而且要應用呢項技術去做主編強調既打機應用，我要指出2點:
1) 呢個技術並唔係將一切圖像運算交由雲端代辦”。要在手機顯示畫面絕對要運用GPU+CPU本身既運算能力，再加上經由雲端處理後龐大既數據傳輸，想必一定會大大降低手機既導航力。
2) 重點係呢項技術在遊戲方面主要係面向網絡遊戲供應商，而唔係end user 。所以nvidia強調power saving 係指網絡遊戲供應商可以節省server既用電，唔係作者所指手機既”一切圖像運算”，加上本身因為專為呢個技術既遊戲本身一定會比經針對傳統優化後既手機遊戲處理更為複雜及繁多既邏輯及數據運算，故可以想像即使將部份圖像運算經雲端處理，”用家毋須動輒購買更高效能的手機”去玩一些超高效能要求既game唔太可行囉。
其實我好鐘意呢個網，只係希望unwire可以認真管理，對編輯有d要求，報導真實及具專業分析，保持返一定既質素大家先睇得開心又放心。