可能Smartone 太串惹來很多人不滿。傳媒更好似抽水成癮咁，只要佢一出招就出手寫臭佢，引埋讀者一齊「圍威喂」圍插。上次我串哥笑 Smartone 推出個咩急乜援服務無鬼用，但今次我又覺得，佢地個新 Plan 咁被人抽水其實幾陰公。
事源今日 Smartone 推出一個 $51 蚊的 3G 計劃，明顯係主打 whatsapp 客，所以一律whatsapp 流量都係免費，不過其他數據就只得 10MB ，再用多就計費了。此 Plan一出，有人即刻抽水話佢陰濕收費，話而家D電話背後多野背景工作，隨時爆流量，又話人慢得 384KB 攪到回whatsapp 慢等等匪夷所思的指控。
大佬呀，人地個 Plan 收 $51 你想點呢?如果自己真係咁多野背景同步， 咪 JOIN 佢地個 HSPA Plan 囉，無人指住支槍叫你 Join 呢個Whatsapp Plan，仲話人陰濕收費真係唔係幾合理。
唔講其他人，就講我身邊的朋友，好多仲係用緊普通手機唔會點上網，但係佢班 friend 仲有 D 仔仔女女全部 whatsapp 唔願再 send sms ，攪到斷絕來往咁，而家呢個 Plan 有個機會比呢班人，平價買入門 android 機，乜都唔裝只裝 whatsapp，每個月俾五十蚊就有千分鐘 air time ，仲有得上 whatsapp 保持聯絡，其實幾好！再者呢d機乜都無裝， d widget 咪又係 get 下天氣資訊同股票咁，10MB 其實都夠啦。如果講到明你仲去用黎上網玩 facebook，開晒d野係咁同步，咁係抵收你 extra 錢喎!
見到有人話呢個 Plan 得 384KB，攪到 whatsapp變慢，其實一個 msg 佔得幾多流量，384KB條大水喉唔夠你送出去? 點會慢呢?難道你嚮whatsapp 入面打晒成本聖經出黎 send 比人 ? 成件事等同人地話明架車三歲小朋友免費，但你又話人地個小朋友上車後可能會籟屎陰濕收多你清潔費一樣。
參考:
http://www.smartone.com/jsp/mobile/prices/3G_plan/tchinese/index.jsp
分享到 :
最新影片
UNWIRE = 數碼通打手
難得今次長得黎小左咁多錯字..由佢啦
但身為資訊性既網站出D咁既文黎博取關注真係好低B
完全為左鬧而鬧 成篇文毫無說服力
如果呢篇文喺台灣度出，而家實仲多人罵了。
香港啲資訊網站質素好差，講左咁耐都唔檢討，仲要幫人賣廣告。
算啦，我抵制唔睇UNWIRE啦！
係51 + 12 = 63 一個月, UNWIRE 做打手連數都唔識計
平時都有上開呢到，但呢個post令人好失望……去hkepc算…
咁新世界抵啲，$72全包，都係限速384kb
其實佢好似IPHONE PLAN咁，用到10MB就會自動停數據，加數據要有SMS確認。就趼會有呢啲投訴。
63$$$$$$$$ 不如加多5蚊用人仔68蚊2G無限數據PLAN，咩后台同步都唔驚
人仔得2G…仲要貴過人
人仔打手, 嘿嘿
新世界嗰個我反而覺得取巧啲, 嗌無限但係用唔到，我想睇片都起晒格仔. 數仔都叫明刀明槍叫人用嚟做whatsapp ar
無限唔代表你睇片可以睇得清d喎
而且佢講到明係限速
咪 JOIN 佢地個 HSPA Plan 囉，無人指住支槍叫你 Join 呢個Whatsapp Plan，仲話人陰濕收費真係唔係幾合理。
甘SMARt long 出左個plan, 普通消費者點識甘多野, 以為俾左$51 淨用whatsapp 就無事, oh shit~ 中招…月結單…… 小朋友請想想清楚
事實係俾多9蚊（＄72），可以上新世界，相同速度（最快420kbps）但無限tim，如果上台買機仲會平啲，我自己買SONY XPERIA S，當時平700，而家平多一百。
點解我唔比多9蚊用其他有無限的公司呢？我比63蚊，有機會因為超過容量而加錢喎。
所以10MB其實搵笨，仲有一定要用WHATSAPP架，第日流行LINE咪慘？
你永遠唔知佢有無將 whatsapp計埋落個 10MB添
i support smartone!!!
$51 what do you want!!!
係51+12=63. 何苦唔俾多$9 一個月去新世界用無限 plan
你都識講係入門新手，老人家。
多數唔會用smart phone。
到時一定爆，就叫你用個貴小小的plan
正！！
用量多嘅人就去用咗HSPA plan, 呢個plan攞明係比用量唔多嘅人用啦, 咁都要抝？
用量唔多嘅人應該都唔多用 Smartphone 嘅全部功能，背景/後台服務佢地都未必識搵同 disable，唔覺唔覺咪會用多咗，變咗多用量囉！最簡單嘅例如睇流動新聞，一篇有幾多 bytes？但如果多手 click 咗入去個 video 度，一個星期 click 下 click 下都一定過。最大問題我覺得最多收 $680 太貴，當然比無限好，但仍然太貴。
橫掂都係跟，比多少少可以諗下 Peoples 2G，人地任用，Whatsapp / Line / 微信 / Talkbox 乜都得。
但最恐佈係備註入面寫：
月 費 計 劃 所 包 含 之 數 據 用 量 只 限 手 機 及 Tethering 之 本 地 使 用 。 額 外 用 量 $10/5MB ， 每 月 上 限 為 $680 。
上限 $680！我覺得呢個 plan 嘅目標係想呃啲唔識用 smartphone 嘅老一輩、師奶之類，或者無 research 過就貪平求其 join 嘅人，用下用下唔覺就比人收幾舊水！其他公司嘅 3G plan，唔係任用，過左都最多 $298 之類，$680 跟本係呃人！如果最多係 $300 內我都會覺得合理。
老實講，用得 Whatsapp 即係用 smartphone，有幾可會唔用其他需要流動數據嘅 apps 吖？！唔小心按錯 App 都會啦！所以唔會推薦呢個 plan 比親友。
限速
Unwire仲唔快D抽走這篇文，如果唔抽走又俾人插啦！好似上次你地話三叔的Wake Up新聞咁，之後發覺是RIM做的，跟住就俾人狂插，你地Unwire就好快抽走段報導，你地今次又唔早D抽走免得俾人插，好X痛架！
聰明既人當然識揀
但對於呢方面唔清楚既人黎講絕對係陷阱
除左新世界,中移動. $68 無限上網仲無限速添(2.75G). 收$30就差唔多.
串哥請你先學好語文才寫撰文吧
痴根﹐今時今日﹐就算推51蚊PLAN都要有合理水平 嘅用量﹐得10MB﹐擺明就係想你忍唔住加用量。又怕痕又怕痛﹐推嚟做乜
依種打手post已經唔係第一次，呢個post令人好失望!
打手post. Whatsapp can send photo. u stupid.
Whatsapp can post URL link. It is a trap, stupid~
UNWIRE 抽水成癮？ 打手post 又被炮轟
我用 Peoples 2.75G 一個月data 都 400mb 以上
佢淨包 whatsapp 無問題
不過一般玩電話的人6成都唔理後面background 行幾多data, 10MB 好易爆
上 ‘一頁’ 有圖網都無左1MB 啦
所以好多人應該會 <> 用多左
god dam 數碼通打手
打手收皮!
同某台384kbps任用既plan只爭$9, 毫無競爭力
384KB條大水喉…..哈哈哈~~384KB係大水喉!!!有趣有趣~~
10mb唔係夠唔夠問題,係佢會自動自覺話你爆左收額外錢既問題.你乜都唔裝smartphone都係有野背景執行.最後10mb係乜都唔夠~~
你個比喻唔係幾好.數記作風唔會等你賴左先收.係未賴就已經屈你賴左即收錢.
smt 出 plan 有人批評抽水關你 unwire 柒事咩… 做乜咁熱心幫人平反
都唔係, 各有各需, 唔啱聽就話打手, 其實我爸都話個plan夠用,whatapp就夠.
講得幾中肯呀, 淨係用whts app嘅人咪啱玩囉
數碼通打手,
乜都無裝，
部機未Root, 100MB 都唔夠啦。
3打黎續約同價錢送1GB喎大哥！10MB同唔比我有乜分別先？人地就算新客都跟200-400MB喎！
吼中呢啲plan嘅用家, 點會用得多data 呀, 部機都唔慌多野玩啦, 10MB包底已經夠晒玩
有負皮的話我直接按下去