內地傳媒報道，富士康拿下 Apple 新一代 iPhone 的 85％ 生產訂單，連新任 CEO Tim Cook 都親自視察廠房。生意拿到了，但工人的待遇有提高到了嗎？今年一月一日元旦，山東煙台富士康，一名男工跳樓死亡，是 2010 年有紀錄以來，富士康工廠發生的第二十四跳。在節目中，香港理工大學的研究人員就指出，Apple 給予富士康的時間很短，幾十天就要造起新產品，很多消費者等著要買，這些壓力全部都轉介了給富士康，再同步轉化去工人身上。
富士康在中國有著接近一百萬工人，大部分是80後、90後的新生代農民工；工人連環自殺，研究學者認為並不是偶發事件，是一種標誌，一種警示。這個築起了高高圍牆、生產著全世界幾乎所有著名高端電子產品的神秘代工「帝國」，內裡的運作模式是怎樣的？為甚麼有人用生命表達無聲的反抗？
《星期二檔案》訪問了跳樓生還、22 歲的女工田玉，在富士康工作後一個月自殺，保住了性命但下半身癱瘓，在節目中會親述感受。另外，調查發現，中國很多工廠包括富士康，存在大量使用學生工的情況，某些工廠，學生工使用率高達五成。這些學生工，一批批來自各省市的職業學校。有些職業學校卻成了「中介公司」，為某些工廠大量輸入廉價勞工，有些學生入學一星期，便被派往工廠「實習」，讀的是計算機專業，卻當了流水線上的裝嵌工人，而且一做便做了七個月；有些學生，更被派往工場「實習」接近兩年。
myTV 節目重溫：
2012.03.20 – 中國大工廠：連環跳後
2012.03.27 – 中國大工廠：學生工
分享到 :
最新影片
香港都唔少啦，入行時職位是外判，做十年都只會是外判，人工唔加仲無升職
教徒都係幫兇
以你所想所有發達國家的人都是幫兇，包括你和我!！！富士康的所謂商家欺壓在其他第三世界或發達中的國家裡到處可見，起碼富士康上班的都是成年，去或留有自己決定，各地童功問題你又為何不出聲？那些控制兒童去生產還不是世界各個大公司在做，還有跳樓的確實有人是為了那筆保賠償，樓下nameed講對了，問題是有，可是放大的人是指桑罵槐，何不直接說討厭蘋果就是了。
若没教徒花钱烧香拜主，没钱吃饭跳楼的人更多！
用Android既人都係促進世界和平
我明架啦!
其實富士康唔係只做蘋果一個客，三星、Sony、Motorola、Nokia、華為、聯想、HP、Dell等等都係佢嘅客戶，只係樹大招風，個個入晒蘋果數，其實你手上嘅android都好可能係富士康裝組！如果教徒係幫兇，你用手提電話嘅都唔好得幾多！
1. 100 萬員工 有 25 個跳， 數字上好高嗎?
2. 呢個問題唔係 富士康 獨有， 只不過”蘋果” 將佢放大化。。。
3. 其實佢地可以選擇唔做呢份工。。。。。。
中國為世界工廠， 有問題必需要中國去正視，
果農果然滿口歪理，仲要理直氣壯！！
返工返到跳樓叫正常？？
富士康唔關事，蘋果唔關事，中國都唔關事，關事既係d員工手腳慢，效率低，企足十幾個鐘係咁做都跟唔上，就算有得坐都係比三分一張你坐住來做……完全唔理會員工既心理感受，當人係螞蟻咁先叫正常係咪？？
夠鐘啦！裝香比教主啦！！七月十四燒返部新ipad比佢，話唔定教主會報夢比tim叫佢分d蘋果股票比你呢！！
我唔知你幾大, 但如你所講, 跳樓又係”教主”既問題? 我諗你太唔了解富士康內部甚至國內工業既事.
富士康有一百萬員工, 而佢華南一個廠有42萬人, “第25個人”跳樓, 我諗香港一個鎮50萬人既比例, 兩三年內有25個人自殺, 比例很高吧? 咁屯門有咁多人自殺, 一定係香港政府迫成既? 42萬人入面所有自殺都係工作壓力? 唔關家庭事? 唔關感情事? 邊個知?
你話我歪理都好, 你又知唔知”第一跳樓者”個傳聞? 一個打工仔被人屈佢偷左IP4 原型機, 最後呢個哥仔跳樓死左, 先發現係部門主管問題. 最後富士康諗住比錢了事, 就係比左呢廾幾萬, 就開始陸陸續續有人跳樓? 個打工仔一個月先搵一千蚊唔夠, 佢一跳, 家人有廾幾萬落袋, 足足係佢打廾幾年工既錢, 你信唔信呢個又係誘因之一?
作為世界工廠, 一定會存在刻薄勞工既問題. 但將所有自殺都歸咎”霸權主義”, 咁同共產有咩分別? 咁去批鬥囉. 國內咁多廠, 個個死既都18, 22, 東家唔打打西家, 唯獨是富士康可以迫死人? 我講唔出羅飯焦薰咁講”跳樓教師只係個別事件”, 但一件事可以有好多方面去睇, 去諗. 如果連一DD 獨立思想都無, 人地話”係啦!!!! 一定係XX牌迫死佢”既, 咁我諗呢個社會真係好可悲.
呀…. 仲有… Nameed 所講既論點, 你一個POINT 都無反駁到就鬧人係”果農”, 看來你只係為鬧而鬧….
你講果”一大段野”, 係所有廠都會面對, 你對APPLE 咁反感, 我諗你都唔會用APPLE PRODUCT 架啦~ 但你D 手機, 電腦, 你對波鞋, 你D 衫, 甚至你住緊果層樓, 你用緊既電(=煤). 全部都可能係刻薄員工先有既, 你咁嬲咁憤世嫉俗, 不如唔好著唔好用唔好住, 過返原始人既自給自足生活啦. 呢個係21世紀, 全世界發展中國家都一定會面對既問題. 唔係話佢0岩唔係話佢理所當然, 點解唯獨係講富士康? HTC 你肯定佢無? NIKE 呢? 仲有最惡既狄士尼? 要唔要燒返兩隻米奇老鼠?
其實最大問題是富士康的利潤只有5%-6%(賣iphone賺的錢大部份都入了apple袋, apple一路都是以大自欺小) 又要馬兒好又要馬兒不吃草是不可能的