以往花展都係一家大細去賞花，共聚天倫的好地方。但唔知由幾時開始，花展變左攝影器材展，變左人性行為展、攝影器材展。只要你講得出的相機鏡頭，基本上裡面都差唔多搵得到，可能仲好過去博物館或鋪頭。好多人儲儲埋埋好多野，會係呢個一年一度的活動一次拎晒出黎曬太陽。鍾意睇攝影器材的朋友，不妨入場參觀一下，同師兄們吹吹水可能會獲益良多。
人性行為展，都係近年先開始的。先係講無公德心的事情，有影友為左影靚相，不停對花噴水造水珠，有唔少花都因為咁樣而燶左。亦有朋友帶埋個唔知女朋友定係model 入場留倩影，跟住一個唔覺意成個人訓左或坐左落花到，一起身成個人形，底下的花當然跟住死啦。又有唔少人摘花落黎戴係頭到做裝飾影相，或者摘幾朵放係B女個身到裝飾影相。以上行為都有違公德。
另外，有女士的地方，自然有短裙；有短裙的出現，自然有春光窄洩。舊年都有某d 不道德龍友，趁女士們坐低影相或者擺pose 時偷拍春光，果位仁兄好似比人捉到正。亦有龍友因為搶靚位發生碰撞，係場爆粗內鬧交收場。以上行為都算係在公眾地方行為不檢。
當然，有邪惡既地方，就有正義既朋友出現。正義朋友不外乎睇佢地唔過眼，影相post 上網等大家評理，或者當面勸喻邪惡既朋友。三幾十蚊入花展，有相機鏡頭睇，又有人生百態睇，有機會仲有靚花睇添。真係好值得入去行一行。
其實，好多時大家都係影張相，有咪有無咪無，做乜要搞到犯晒規犯眾憎。想有超越一切不可超越的境界既大作，一定唔會係呢個眾志城城既地方影到。而且攝影本身就好講究個人修為同眼光，如果連少少公德心都無，影響到其他人，比你影到張靚相又如何。
嬴左張相，輸左人格，值得嗎？
相片來源 :
Profile :
小明 – 五年 wedding photography 經驗，現職於 <MiCe Photography> 攝影師,熱愛攝影，WPJA, WPPI, WPHK 會員及 英國皇家攝影學會會士.對於香港這個用金錢扭曲的攝影世界常常有感而發
分享到 :
最新影片
香港有品既人唔少，仙但無品既就更多。有d仆街掛住影撞到小朋友跌左落地對唔住都無句。
仲有呀唔好以為剩係男人無品，有d八婆都唔好得過男人好多，放幾個公仔騎住d花來影……
今年我去左兩次，第一次第一日去d花仲好靚，但第二日再去已經見到唔少花已經謝左……
仲有呀！我第一日去 鬱金香田影支支都好靚架，但我第二日去影 鬱金香果陣田邊果d 鬱金經反起反起晒！！！影微距都要有公德心丫下話？？無品又無公德心張相幾靚都無用！！！！！
我星期六去，好多花都殘左（囧）
意外之一是撞鏡撞波頭，意外之二是有位仁兄的波頭是從未見過www
有沒有禮貌是見仁見智，有攝友用的是微距當然要蹲在最前守候最美好一拍，但這樣當然會阻礙其他人，實屬難免。人多自然紛爭多，大家退一步禮讓吧
It has nothing to do with photography…..it is about the people’s (or better say photographers’) quality. and completely agree with the author, there is no point if a good photograph is at the expense of integrity or ,practically, other people’s right to make the same shot.
講中了我的心聲！
一年比一年差 (花+人)
花殘不特止（第三日去，預左..)
有人噴水，有d花一望落去明顯比人壓過
影影下鬱金香又無啦啦有部1仔加白鏡dul口dul面隊埋黎…照影當無事
身為香港人
我都不得不認同hk ppl真係越黎越無品！
身為一個影相佬, 第一樣嘢要學嘅唔係攝影技術, 而係人品及公德心!
唔好以為自己有能力買高級器材就等於自己係大師, 就可以用低級手段阻其他普通影相人!
希望大家能一起改造醜惡的攝影風氣.
自己是影完幾張滿意就退後讓其他人上，不過明顯有人死霸個位唔走
而家DSLR 普及， 多左人玩。不過大多數人都只求結果。影到好就得啦， 伸要大大聲，多多理由。
FORUM 上面， 個個都大C ， 可惜真正既大師， 有品， 受人讚頌既有幾多！
香港人越黎越似大6人
Way amazing! Some very legitimate things! I enjoy you penning this article as well as the rest of the positioning can also be really good.
bloons tower defense 4