Android 手機的好朋友 a-JAYS One+ 分享

呢排開始學人去跑下步 , 於是就開始去睇下 D 耳筒仔 , 不嬲都係鍾意用入耳式的 , 貪佢隔音比較好又舒服 , 而本身睇過可以對應 Android 既耳機 , 原來真係唔多的 , 反而對應 iPhone 就一地都係 , 係爬文瞭解左一輪之後 , 最後就瞄準左呢隻 a-JAYS One+ , 選佢原因好簡單 , 一個字……＂平＂, 只賣 HKD$400 蚊唔洗 , 又幾靚仔 , 不訪一試啦!!!!!^.^

個盒設計都幾型仔的 , 影多幾張比大家慢慢睇!!!!!

產品介紹
Jays a-JAYS One+

類型         :    入耳式
插頭         :    3.5mm
靈敏度     :   95dB/mW
播放頻率 :    20 – 18000Hz
導線類型 :    Y 型
導線長度 :    115cm

個盒型就係好型喇，不過原來要開呢個盒一 D 都唔易的，小瑟一路開時，仲一路懷疑係咪我人老左，冇咁靈活，點解開來開去都開唔到……我已經「督」到個盒爛咁滯架喇喎！！！

終於都開到了!!!!!!!!~~~~~_____~~~~~~

嘩……唔知以為自己買緊保時捷呀！！！XDDDDDD

拿上手，膠感好重，不過耳筒本身就好輕，感覺良好。

究竟，一個制又點可以控制到咁多野呢？佢對應究竟係點對應呢？

說明書有哂多國語言，證明耳機既市場，係何其之大呢！^_^

小瑟個人幾鍾意呢個位的，因為呢個位係岩岩好 FIT 返大家將個聽筒輕力＂UN＂入個耳仔時，配合返你手指既弧度而設計的。

冇味精之選

小瑟試下聽由 CD RIP 出來的 WAV 檔先，岩岩開聲，中高低都表現尚可，當然大家唔好用「發燒」心態去聽呢隻耳筒，呢隻耳筒比到小瑟一個舒舒服服又唔會覺得難聽既感覺，低音比較輕，呢隻耳筒主要突出左高中音部份，係冇味精清淡口味之選。

而插口位就用呢個 L 形設計，好用與否，就真係見仁見智勒。

另外小瑟亦有個 KKBOX 旁下身的 , 事關有時想聽 D 新歌，呢個 KKBOX 就最好不過喇。雖然 KKBOX 既音效壓縮比一定比 WAV 來得多好多架勒，不過聽落其實又未至於入唔到耳呢，係 a-JAYS One+ 出黎既表現之下，聽 KKBOX 出黎既聲音係絕對唔差的，低頻量比聽 WAV 來得多，而唔知點解，用 a-JAYS One+ 去聽流行曲，係好聽過 WAV 的呢！唔通係部機既問題？定係個 PROGRAM 落左 EQ……？不過小瑟只係想跑步有個歌手陪下，冇所謂啦！XDDDDD