近排主機出親D game都係打打殺殺，又阿修羅，又海賊無雙，係時候玩返D得意小品。當陪下女朋友又好，輕鬆下都好，呢隻Pi Yo Mo Ri掟雞仔遊戲剛剛好用黎洗滌心靈。遊戲規則簡單不過，玩家揭開煲仔蓋之後，就要向煲仔入面掟雞仔，好似去PIZZA HUT食SALAD BAR咁，堆得愈高又唔冧落黎就為之勁。溫馨提示一：每掟四隻普通雞就有一隻膠水雞俾你黐住D雞無咁易收工；溫馨提示二：個鏡頭係可以轉嘅！我都係玩左一陣先知！
遊戲畫面採用簡樸日系3D CG，雞仔有唔同飾物晌身上，叫聲又得意，同女朋友玩真係一流呀！呢個星期一於齊齊向雞仔山進發啦！
遊戲支援iPhone，iPod touch及iPad，系統要求iOS4.3以上
App store下載：http://itunes.apple.com/hk/app/piyomori/id483338802?ls=1&mt=8