每逢週日，筆者都會跟各位分享一下在瑞典的生活點滴。相信UNWIRE.HK不少讀者都喜歡閒時去電器店睇下新手機、電腦，或者試試新相機，筆者亦不例外，今個星期想講講瑞典的電器連鎖店。
要數香港的電器連鎖店，離不開豐澤、百老匯、蘇寧、中原等等，未知讀者在這些連鎖店購物前會有甚麼考慮？是信用卡積分？卡通精品小禮物？還是品牌的信譽？筆者還在香港時，除了上述因素外，還會「貨比三家」，去三、四間店先格價，雖然定價大概都一樣，但只要問問店員，店員為了促成交易，有可能會有點折扣，這俗稱「口價」，即是口頭報上的售價，通常是公司允許的，讓店員做生意時多點彈性。
在瑞典，電器連鎖店不少，筆者行過的有Elgiganten、Siba、MediaMarkt和Expert、還有一間叫OnOff的，年中時倒閉了。在這裡買電器沒有口價一回事（起碼筆者未遇過），但真的非格價不可，皆因每間店都會有獨家減價的產品，而部份更不是死貨、過期貨，買一部LED TV，差價可能是幾百元。但瑞典的電器連鎖店不像香港般聚在一起，走一轉時代廣場或西洋菜街就可以，筆者為了買一部電視機，就花了好幾天四處格價。忘了說，就算買60寸電視，都不包送貨和安裝，一切要自己攪掂，否則送貨費連安裝，可能足以讓你多買多部19寸LCD TV！
第一次踏足瑞典的電器連鎖店，印象是地方大，貨很多，店員少，等很久。筆者不清楚旺角先達廣場側的百老匯是否全港最大的電器連鎖店，但放在這個地多人少的國家，簡直是蚊同牛比，昨天往拍照的MediaMarkt，由入口行到最深處的電視部，急步走也要5分鐘，若果慢慢逛，細心把玩那些demo手機、相機，或試玩一下新遊戲機，花一個下午絕不為奇。
香港的電器連鎖店，在旺區的分店，往往一個攝影部就有3、4名店員，但這邊的情況正好相反，偌大的店，可能只有3名店員，問一個問題先要等15分鐘，拿一張票等叫號碼，待店員服務完一位顧客，自然會輪到你。在瑞典，耐性很重要，抱著香港「顧客大晒」的心態只會自討沒趣。
前面說過「貨很多」，其實香港作為數碼和電子產品品牌看重的地方，差不多所有最新最好的產品，香港都不缺；瑞典其實也不輸蝕，部份香港市場可能不看好的，例如Nokia N9、Samsung Galaxy Xcover，都可以買到。另一樣十分獨特的，就是咖啡機的市場很大，因為瑞典人很愛飲咖啡，各色各樣咖啡機都有。
執筆時邊聽容祖兒邊寫稿，讓我想起她是百老匯的廣告代言人；瑞典的電器連鎖店甚少用代言人，除了Siba，他們的代言人其實是老闆Fabian Bengtsson，他於電視的曝光率比明星還要高！
今個星期的分享到這裡，是時候出外感受一下聖誕氣氛！祝讀者都有個溫馨的聖誕！God Jul！聖誕快樂！
分享到 :
最新影片
吾知有無機會分享一下北歐既影音軟件售賣點既資料呢? 因為都幾想瞭解一下當地和本地既分別同特色, 謝謝!!
冇問題，但你所指嘅「影音軟件售賣點既資料」係指好似HMV/HK Records賣CD/DVD嗰啲，定係齋賣software，例如Windows, Office嗰啲？
係, 無錯呀!! ^^
俾啲時間我，未必下個星期，我都要睇下，搵多啲料，最重要係抽時間去影相…
每逢週日，筆者都會跟各位分享一下在瑞典的生活點滴。Thanks, very interesting!
隨便任試任玩，沒有店員會理你，因為人手不足，他們都懶得理你。
In your photos, not many customers in the store, losing money on rent and electric bill is bad enough for the store.
Allt annat känns puckat!
沒有太多人在相中，原因有2個：
1) 我影相時是閒日的辦公時間，一般人在上班，咁先方便我拍照。
2) 而且影人不如影景，影著一堆人圍著試電話，不如影下環境俾讀者睇好過。
究竟有冇蝕租蝕電費，我唔清楚，個人認為，租同電都唔算貴，尤其係租。不過，上面提過執咗笠嘅On/Off，反而係因為店與店之間互相劈價嘅緣故，頂唔順所以要執。
懂瑞典文嗎?
唔識㗎… 所以科技好重要。
行過幾轉，真係大得好得人驚，果次去搵個轉插（唔記得帶過去）都要搵好耐，仲要冇o岩用果D=,=
(PS.小弟10月中去左瑞典同丹麥流浪，因為轉插留下不解之謎，請筆者幫忙解答究竟瑞典邊度可以買到o岩香港插頭用ge北歐轉插)
由於我唔係過去旅遊，所以我一做準備咗10個以上轉插，make sure我所有帶過去嘅電器都有得用。
北歐咁大，丹麥我唔sure，但瑞典呢，可以去Clas Ohlson，一間類似實惠嘅鋪頭，但冇傢私賣。喺歐洲要買轉插，個人經驗係唔好去電器店搵，而係去家品店搵，歐洲有啲家品店（例如Clas Ohlson），有電鑽、廚具、小電器、工居等等，會大機會搵到。否則，唔怕貴（因為冇時間搵的話），一係去大百貨公司搵，samsonite呢類賣旅行箱嘅brand，都有呢啲轉插，但肯定好貴，價錢係鴨寮街10倍以上；或者行入旅行社，甚至大間嘅酒店搏下。我上次去捷克都漏低咗一個喺酒店…