今個星期，筆者繼續分享一下北歐的數碼生活。還在香港的時候，筆者是3香港的用戶，亦曾經為李生打工（其實，香港地有邊個唔係同李生打工呢？），對「3」可謂又愛又恨。去討論區走一轉，不難發現香港的用戶對網絡覆蓋、速度、服務，甚至合約有意見，但在地球的另一邊，同一個機構，筆者的感覺完全不一樣。
今次就講講同一個「3」的3個不一樣。先由網絡講起，3香港現在採用的是GSM加3G網絡，在接收不到3G訊號的地方，仍然有的2G網絡作後備，提供話音、短訊和基本的數據服務；然而筆者所居住的瑞典，3瑞典則只有3G網絡，沒有2G。香港的網絡覆蓋和速度讀者已經好清楚，筆者亦毋須花太多筆墨形容，還是講一下瑞典吧！筆者在家裡利用iPhone的Speedtest App隨便作了2個測試，分別連接到2個不同地區的測試server，下載速度是4.70Mbps和5.27Mbps，而上載速度則為 1.68Mbps和1.87Mbps。住在第二大城市哥德堡，智能手機十分普及，日常在市中心遊走，速度會減慢一點情有可原，但從來沒有速度過份地低的情況出現。
覆蓋方面，市內當然沒有問題；筆者亦試過搭乘高鐵往斯德哥爾摩和馬模，車程分別約3小時，中途不段上網，難免偶爾會沒有網絡和斷線，但通常只局限於隧道內和郊外，有時從車窗望出去是一大片森林或湖泊，但覆蓋依然，回想往時在香港，由尖沙咀往金鐘，或是藍田出觀塘的港鐵，我就想像不到瑞典的網絡是怎樣做到的。
接著就講講服務，筆者所用的是預付卡（Prepaid SIM），只要每月入200Skr，約$229港元，就可一個月無限上網，而最令我驚訝的是，當往鄰國丹麥旅遊時，由於隸屬同一間公司，毋須換SIM卡和收漫遊費用，照樣無限上網，再想想從前去一海之隔的澳門…
早前iPhone 4S推出，為了八卦一下月費和機價，筆者都在網站留了資料，在開售前兩天，竟然收到電話，查詢是否有興趣買機上台，這是我從來未遇過最好的CS服務態度，有禮、解釋清楚，就算問完冇幫襯（留意iPhone 4S的機價就明白了，25%的銷售稅啊），亦依然客氣，全個電話對答接近20分鐘，沒有hard sell，令人舒服。
瑞典比較「不幸」，沒有李氏力場的庇佑，偶爾會有狂風、暴雨的出現，9月尾就試過因水浸，令「3」的網絡運作因電力故障全國暫定了大半天，這個數年難得一遇的情況，應對的方式就是部份店鋪加長營業時間，解答用戶問題，然後在Facebook每隔半小時作詳細狀況更新，由於平時服務質素好，所以顧客在Facebook嘮叨者甚少，反而為維修人員打氣。
講過網絡和服務的不同，又講下員工的分別，這裡的3Shop一般是朝10晚6營業，而週末的辦公時間會較短，我曾經跟一個在市中心旗艦店的員工閒聊過，他們由於不用「跑數」，亦沒有硬性規定力谷某款手機，店鋪從來不會擠滿人，又沒有現金交易，毋須「埋數」，他們的工作都很輕鬆，未到6時就可以準備落閘，頂多需要每天早一點回去打掃和整理店面。可能就是這個原因，我所遇過的3Shop店員，服務態度都非常好，不慌不忙，笑容滿面。
iPhone 4S推出的那天，瑞典跟香港一樣，凌晨零時開賣，但員工都開開心心，與顧客邊飲邊吃小食，就像開party一樣，這個情境跟筆者從前在香港親身經歷和目睹的，簡直天與地。不知道有幾多3香港的前線員工是UNWIRE.HK讀者，看完上面一段，請不要太難過，你們有李氏力場庇佑，還是比較幸運的。
今天是星期日，就寫到這裡，讀者如果對北歐的數碼生活感興趣，歡迎留言，好讓筆者可以準備一下，再跟大家分享，下星期日見！Hej då！
分享到 :
最新影片
唐美鳳, Good Job, Well Done.Please keep it up!
平時真係唔會知道地球另一面的數碼生活是怎樣，Thank you!
多謝like的朋友，感激！
各位有咩想知，可以留個言，睇下有冇機會寫下。
雖然3HK真係好差，但…大佬呀，香港人口密度又點同北歐比？
真係要學野的，其實係北歐人的精神面貌同營商文代，香港有排學呀！
喺network capacity層面，人口密度高如香港係壞處，但喺network coverage層面，人口密度低，地大人疏亦係莫大挑戰，個人認為，你收得顧客咁多錢，應該有合理嘅服務俾返，而唔係錢就識賺，其他就唔理。瑞典真係一分錢一分貨，落差冇咁大。
而有一啲嘢，例如消息的公佈、透明度，都係好易可以做到嘅。
至於CS、前線人員咁大壓力，客人又唔係個個都客客氣氣，好難要佢哋開開心心咁做，呢點要理解，但要改變，好難。
跟本就香港人自己整死自己，同公司， 唔同地方，可以有咁大分別。
同種人（中國）鍾意自己恰自己，見你唔出聲咪繼續D你地認為冇問題嘅野囉。
認同呀，所以有時都要自己爭取下。
做柒粒鐘又唔駛跑數……做做下又有得break一break
結果咪歐債危機囉~
服務係同員工既待遇係成正比咖, 粉絲價錢嚟請人係”有可能”品嚐到魚翅咁既品質
l+x先生出名”出手闊綽”,”人工高福利好”兼夾又肯”不計成本地去更新硬件同系統”
所以我哋咪可以享用如此優質既3hk服務囉
Sweden is *not* part of the euro zone although it is a EU member, 所以沒有歐債危機。
有時候唔係淨係人工，而係成個文化，氣候所造成嘅。我地秉承左中國人嘅「優良傳統」，所以李生願打，又大把人願捱，無得救。
歐債同金融機構的關係多於人民的工時和態度吧，另外，瑞典沒有被捲入歐債問題喎！
瑞典有歐債危機?
我笑而不語……
唔係話端典有歐債問題，亦知道佢哋用Krona，不過歐洲人社會同生活模式以至勞工福利大至相同，會唔會同幾時爆你同我都唔知，留意下文最尾三句，先係本人想帶出嘅主旨：
邢驊：歐元區此次債務危機的特點是其井噴般的迸發性，去年底希臘債務問題初露水面，今年前幾個月便急劇惡化，且在歐元區內擴散，歐盟步步升級的救助措施都阻擋不住﹔其次是日趨顯露的深刻性，歐元區長期未予治理的結構性弊端以及不少歐洲國家“低效率、高福利”的不良發展模式被揭示，揪出債務危機的病根
香港唔同外國,香港個個SALE都要跑數,只要錢唔要服務
地鐵果度又唔可以怪晒電訊公司既, 係mtr果便審批耐, 想upgrade都upgrade唔到 (呢個係參照返unwire之前一個post由csl講出黎既野, 唔知3有無”想upgrade”既諗法喇…)
如果係咁，就全部台都斷，而家係咪全部斷先？
另外，既然係咁，都唔應該收$12隧道費。
你試下繁忙時間企響鰂魚涌往油塘方向既列車中間，當間車停響鰂魚涌站，你上到網我話你叻。我用數碼通同one2free都一樣有訊號但上唔到網。根本係MTR唔俾人更新網絡
Ronaldtheking: 咁大鑊？咁上面Qwerty講得啱，應該豁免隧道費。
合併左九鐵之後仲MTR作風同D地產霸權有咩分別?唉…………
你試下有公司比多D 錢佢,你估佢比唔比到時間你更新網絡呢?
有咩公司唔係有無著數就無問題,無SO你唔好煩我,話之你死……..
3HK 垃圾之最, 只會欺騙客戶!
Tommy，足見離開是正確的！
英國3甚至已賣走的Orange，服務也比香港好的多，唯英國多唐人，經常出現用盡兩家著數之事。
3去澳門無無限係因為澳門電訊CTM係澳門專營固網
上網費實在係好狠貴(100M個人光纖400大元一個月,專線價錢可想而知)
所以無咁的條件做
同樣情況的仲有中國電信
但人地比3好…每張卡都有2地號碼,澳門內地上網唔計漫遊
只可惜係CDMA系統,無乜機好用
2012澳門固網牌招標
如果和記投到的話就有可能做到瑞典咁
1卡無限2地任上
問題係:聽聞中國電信同PCCW..都”好似”有意投
而新固網牌又”好似”只出2張,而CTM佔左一張,得返一張
問題係，當你喺澳門有「3」呢個品牌，而3Macau亦有做data service，香港roaming，打/接電話、sms、data，點解仲要收咁貴呢？你唔係將啲客roam去CTM嘛。
所以我都覺LE到services真係無外國咁好
3係外國到有3 like home
可以俾你去其他國家的3Network 以本國收費roaming
又係無港澳分
返而聯通香港(租用3HK)張卡可以做到roam澳門$0.8/min
佢自己都做唔到…
除左一部分外在條件外,
更重要係佢地有無心去做.
…
除左一部分外在條件外,
更重要係佢地有無心去做 ＜—- 十分認同，heart好重要。
唐美鳳, Tommy Fung, are you a guy or a girl?
You can speak Swedish?
Thanks for sharing outstanding informations. Your site is incredibly great. I’m amazed from the specifics which you have on this weblog. It reveals how nicely you recognize this subject. Bookmarked this web page, will come back for added posts. You, my good friend, ROCK! I found just the data I currently searched all over the place and simply couldn’t stumble upon. What an excellent internet site.
return man 2