手機、平板電腦、遊戲機都是香港人身上常見的流動數碼產品，但不同產品有不同充電器和充電線，往往亂作一團，無印良品最近就針對這問題，推出簡潔的數碼產品充電箱。
充電箱一貫無印的簡約風格，以全白色為主調，包裝內有充電箱和變壓器。打開充電箱，裡面有3個USB充電頭，用戶可以插入手機、平板電腦等的USB充電線，將線收納好後，將充電箱蓋好，就只剩下連接頭部份，從此屋企就企理得多。
充電箱的電力輸出為5V/3A，足夠讓iPad等較「大食」的產品充電，現在日本的無印良品發售，售價2,900日元（折合約$290港元）。筆者認為，此充電器亦適合經常需要出國公幹的朋友，執行李時只需帶同此箱和變壓器即可，毋須攜帶幾個充電器，又重又阻地方。
分享到 :
最新影片
唔好講笑啦，呢件野適合帶出trip用？你會帶幾部ipadiphoneipod或其它手機出國呀？
個盒咁大，又要帶隻牛，跟手仲要帶埋三條線，三隻牛會重佢幾多？
個人認為佢適合家用，地方看起來冇咁雜亂。
其實有冇用真係好個人,如果一個人用唔著,佢未必會明點解人地會用得著
但係我就係成日出 trip 而且要帶兩部手機一部 ipad 果d人~~
所以我覺得我會用得著
我出trip 一隻多功能usb差+2條線搞掂，洗乜帶咁大舊野出街
我都係咁話, 一個咁既 3 usb 白色膠盒 hubs 賣 290 真係痴o左線…
市場上都有好多呢類產品。
賣得貴無問題, 但個 design 靚少少喇唔該……….
若果你話佢個design, 這可是無印一貫的design來, 全世界都有很多fans喜這種design的.
若果你嫌佢太簡約/簡單, 你無視佢便可以了 🙂
其實…….IPHONE個DESIGN咪就係簡約~~~
簡陋 同 簡約, 有時捉到路就捉到, 捉唔到就好似呢件野咁…
毫無 design, 感覺只係一個膠殼。