很多人會將谷歌和蘋果的手機產品比較，主要是比較手機規格、功能，甚至是設計。事實上，谷歌和蘋果的營運生態圈是截然不同，正因這種生態圈不同，谷歌等一眾安卓系統（Android OS）手機陣營是無法與蘋果 iOS 抗衡。
iOS 開發者受保護
蘋果在 iOS 移動平台只推出過兩個重要產品，一個是 iPhone 另一個 iPad，整個經濟圈是採用圍圈式設計（Centric），生態系統以 AppStore 為核心，而 iTunes 是整個生態圈外的守衛者，負責 AppStore 一切開發者的利益和為自己的營運收益把關，例如當有駭客為 iOS 裝置提供固件越獄時，iTunes 這個守衛會在短時間推出固件誘導用家經 iTunes 升級，將企圖入侵 App 生態系統的舉動破壞，這樣可以保護開發者和蘋果本身的利益。
事實上，若果你是開發者，軟體推出不久即被輕易破解和盜用，試問還有誰願意投放開發資源？這也解釋為何 AppStore 上的軟體可以便宜至 US$0.9 美元但安桌軟體不能。若以全球人口六十億計算，只有一個百份點人願意購買，就可以帶來六千萬美元收益。蘋果 AppStore 生態圈幫助全球不少中小企和業餘開發者一夜暴富，只要有創意和智慧，絕對是可以解決窮富懸殊和抗衡地產霸權。台灣過去一年就曾經立案有專負部門培育企業由代工經濟轉型至 App 經濟，香港政府其實可以考慮。
降低了軟體渠道發行成本
AppStore 另一個成功之處是全球性的軟體銷售模式，降低了軟體渠道發行成本，因為沒有分銷商，令軟體成本和售價可以降低。而透過 AppStore 也加快了軟體更新速度，加速了 App 軟體開發者在圈內的競爭和創新，這都是今時今日微軟視窗平台的弊病，但這些喬布斯卻一夜想通了和做到了！
每一台 iOS 裝置出貨都有助帶動整個 AppStore 經濟圈。蘋果能吸引一眾開發者投入是因為喬布斯堅持 iOS 的統一設計，iPhone 2G、3G、3Gs、4G 和 4S，不難發現除了後兩者的視網幕屏模外，硬件平台和解像度都是一致的，喬布斯在臨死前仍一直拒絕 iPhone 4S 採用大屏幕設計，因為不同的屏幕解像度會破壞整個開發生態圈在開發上的簡易性。曾經就有開發公司向筆者投訴，設計一個安卓程式十分困難。因為谷歌容許安卓系統於不同硬件規格出現，為照顧軟體能在一眾安卓手機運行，開發商要同一時間開發、維護及針對不同手機廠商，推出一百九十多個軟體版本，實在令人疲於奔命！這亦間接令安卓軟體在 Android Market 裡整體售價較貴，同時軟體質量整體亦較差、相容性經常出現問題（例如筆者的安卓手機上的 HTC Sense 一天便當機重啟幾近五次）、操作複雜和惡意程式頻生都是一大問題。事實上安卓系統中最諷刺的是保安軟體很多，這反映甚麼呢？大家心中有數！這也引申另一個谷歌和蘋果早前的爭論焦點，就是開發平台應該是開放還是密封。筆者有朋友就曾經開發 iOS 軟體給予蘋果，整個審核過程，蘋果對軟體界面設計必須跟足開發文件指引，一個按鍵的放置位置不是由你天馬行空想點就點，若然放錯位置，整個 App 便很易被蘋果「打回頭」，所以一個軟體放到 AppStore 大家行內都清楚最快要三個月，最遲要一年時間，而蘋果在整個 AppStore 的責任在於維護軟體設計的統一和安全，所以用家不難看 到AppStore 上每一個 App 也很易用和統一、系統當機情況也較少，甚至是更為安全，例如…… AppStore 裡是沒有手機保安軟體。
開放設計未見其利先見其害
另一邊看看谷歌的安卓陣營，安卓系統的開放設計，美其名令開發者不受創意約束，但硬體平台的多元化卻苦了開發者的維護時間和困難，令軟體發成本上升，收費軟體平均售價普遍也較貴。不同安卓硬件最致命的是令生態圈出現更多細小的獨立生態圈。你很容易想像到，支援三星 Galaxy Note 的軟體數量和多元性一定不及 iPad，換言之若你買一台 Galaxy Note 回家，其實你是背負付著很大的整體成本（Total Cost of Ownership）。由於硬件多元化，而一眾安卓系統的手機廠商是靠「賣機」來營運，產品的二手跌價速度極快，同時亦無炒賣和投資價值，你很難見有水貨客炒賣安卓手機，但你卻見蘋果的手棧產品價格抗跌力強，升值能力甚至超過投資?金和人民幣。筆者最經典的一役是早年在美國買了一台 iPhone 2G，當時兌換後售價為 HK$3450，兩年後將它轉手放售仍值 HK$2800，在我同事的圈子內一直成為佳話，這個你不會見到在一眾安卓手機上發生。
廠商心裡有鬼
安卓系統另一個問題是系統容許手機廠商修改及加入自己的設計，所以不同廠商在安卓系統都有其特色。由於手機廠商以賣機來取得盈利，所以他們心裡的想法大都會是：「最好產品今天推出，明天就不合時宜，否則你怎會買我的新機款？」，因為手機廠商要通過推陳出新來吸引買家，所以一眾安卓手機推出後很少消費者得到維護，甚至因為系統漏洞提供固件升級。一旦廠商的手機有幸成為駭客的 ROOT 對像，這些手機廠商心裡實在一萬個感謝也來不及，因為可加速它的手機「普及化」，筆者曾聽聞有手機生產商背後支持 ROOT 機活動，所以你不要期望安卓的手機固件升級會很頻密，這也解為何筆者說安卓手機背後的整體成本其實極其高昂。筆者太太的 HTC Magic 手機購買了不夠兩年，就因為 Android OS 是 1.6 關係，無法升級至 2.3（我想廠商也沒想過為你升級，最好你買過一台新機吧！），令到她不能安裝 WhatsAPP，不能參與同事席間每天的午飯討論，真係斷六親！
黑巿場影響程式員生計
另一方面，ROOT 機的問一直是谷歌沒有正視的，又或者說正視也正視不來，難道你猜他不想提供新系統給手機生產商修正問題，保護他的 Android Market 生態圈和 Android 開發者利益嗎？問題是你猜安卓系統手機廠商會願意為舊客戶提供固件更新嗎？這個肯定會加重他們的經營成本，同時也影響他們新手機的出貨，因為這會推遲舊客戶的升級意欲，所以谷歌與一眾手機生產商其實存在很大矛盾！Android Market 生態圈其實不斷受到破壞，儘管安卓系統的佔有率不斷上升，但對開發者的利益來說是很不利的。
谷歌另一個問題是縱容 Android Market 以外的生態圈存在，現在國內的安卓黑市場，有調查顯示幾乎超過一半在安卓黑市場、網誌和討論區提供的破解 APP（APK）都是含有木馬程式和惡意軟體。最近英國影星休·葛蘭（Hugh Grant）手機上的私人照片和留言錄音無故被駭客放上網，傳聞就是用上安桌系統的手機。
結論是當你購買蘋果和谷哥手機時，可能真的要細心想想。
Andrew Wong 前科技雜誌主編，從事媒體工作愈 15 年，現職免費商業科技及品牌雜誌 – 商智謀略（BQJournal），雜誌可於 issuu.com/bqjournal 免費閱讀。作者專門評論及預測將冒起的新興經濟
分享到 :
最新影片
本來都實在不想說什麼的
不過這篇文章有些部分確實有所偏頗
閣下所言之android的應用較高價格是否只在比較收費軟件
因為 事上上不少 ios平台上的遊戲或是應用移植到後都成了免費
如 Angry birds, Zenonia, dungeon defenders等….
再者閣下是否對android的root機有所誤解
root機並不等同jb root機的目的並不是為了使用盜版
相反絕大部份jb的人都是為了使用盜版應用才這麼做的
可見 此文章的文章所談及之處確偶有不當 還盼作者予以修訂。
p.s. 本人是用ipad和android的。
主編又係一個超級蘋果迷•••••••••
So simple, who got the market share, who will be the winner. I won’t deny MacOS may be looking more sexy than Windows. Eventually, iOS will like its big brother and become a minority.
Google 和 Apple 誰勝誰負仍是未知之數
但在這篇文章中唯一可以令讀肯定和明白的
就作者完完全全偏頗蘋果一方,
收起android 的利, 放大apple 的利
再放大 android 的㢢, 收起 apple 的㢢
簡直像宣傳部一樣, 如果這裡不斷是這種風格的文章的話
一定會令不少的讀者失望, 至少我作為一個android 和ios 的用家
看到這篇文章真的感到失望
難道iphone無jail break嗎
jail break唔係一樣可以用盜版app咩
唔好講到Android用家個個都root
iphone用家jail break既比例分分鐘仲多過Android root機既人啦
講virus, jail break咪一樣會中招， 你堂堂正正響Android market下載，我就唔信無端端會中毒囉
有趣在android 手機唔洗root 都可能好易係market以外下載，
相反就算jb了都唔太易係隨意地方下載。
你可以話android 開放好，但對保安意識唔高的人講就好危險
你堂堂正正響Android market下載，我就唔信無端端會中毒囉 <- 勁!
唔明啲香港人點解講嘢可以唔經大腦…….
記住download多啲app用!
絕對讚同 你既論點,, iphone 既 二手價硬, App 正, 版本歸一
不過呢,, 而家好多人開始覺得, 上到 facebook/ twitter, 睇到報紙都好夠; 個 mon 要夠大, 有flash, 所以, 先比 samsung / htc 佢地殺出一條血路
另外款太少亦係 iphone 既問題, 而家周街都係 iphone, 物極必反, 當師拉/大嬸都用緊個陣, 你仲有興趣用同一種外型 4S
相信, 呢幾年都會係 ios X android 既對決, 而家睇下 microsoft 既 mango 機點可以吸引返大家, 如果失敗,芒果睇怕都要變爛
好似睇膠液現場,吹一輪段估又一篇文,Easy
一向都知貴網站是iPhone 陣營, 只是想不到如此
縱觀整個文章, 實在筆者活在自己的思想空間裏
巿場佔有率背後所代表的是什麼? 是用戶的想法
連SJ 生前也說有生之年想要弄死Android, 可想而知Android 對iPhone 的威脅有多大
我想筆者的傲慢與偏見要比你們的教主更厲害
學特手講句 “見怪不怪”, 你第一次黎 underwear 咩 …. haha….
>>作者專門評論及預測將冒起的新興經濟…..
sigh….. it is still okay if this piece was written in 3 years ago, which it still contained a logical judge base on “inadequate information”, although logical does not mean accurate.
Please do more researches and be more professional.
這篇文章的論調仍然停留在幾年前
一般評論文章，我並不會提起勁留言。但像上文這樣偏頗的，實在難忍。
1. 首先請你界定你所指的「生態圈」是指甚麼。一般生態圈是指手機廠、OS、開發者和顧客之間的關係，但你卻連炒賣價值都算在內。另外，手機廠商的升級快慢和售價一般不屬於生態圈的範圍之內。
2. Apple一JB便有無數盜版ipa可供下載。
3. JB的難度不高，照教學很易做倒。
4. Andorid的實用免費軟件相信多於iOS，而0.99美元的亦不計其數，不明白你為何說iOS的軟件比較平。貴的相信是WP7平台。
5. 一夜暴富的神話在iOS和Android都有。最新顯示WP7的軟件開發者收入更多，不過原因是WP軟件少，每一個軟件的曝光率高。那你想想iOS稱超過50萬個apps的會又如何？
6. Appstore是蘋果發揚光大的，我同意。但當每個平台都有Appstore時，他的巨大優勢在哪裡呢？
7. Android有guideline，教developers寫一個可以適用於不同解像度的屏幕。反觀iOS卻沒有，令idevice的解像度比例不能變動。這是高明還是後知後覺，各人有各人判斷。又要保持300dpi以上又要保持480:320比例，iPhone的設計限制也很高。我會視這為妥協多於統一性。
8. 我同意你說話appstore把了關，iOS的軟件質量普遍較好的說法。當然這都是選擇的問題。
9. Android軟件要開發190個版本絕對是誇大的，只要合乎guideline，不兼容的只會是少數。現在問題是很多開發者將iPhone app照般android，令解像度不符合，設計做得差。這很難說是android的問題。難度iOS的google map很廢，也是iOS的問題嗎？
10. 廠商心裡有鬼一段我大致同意。當然我覺得用android要揀廠商，不要見android就以為是一樣。其實普羅大眾只知某某機是HTC，是Galaxy，比較少理那是一部android。這也是android開放的原意，我會視為選擇問題。
11. 很明顯你不知道甚麼是ROOT機。
12. 固件更新和保安問題我同意，也是android一大弱點。始終還未有一家廠商能及上蘋果一樣負售後責任。
13. 因為Android沒有sandbox，不同app 可access其他app的data，雖然造成保安問題，但也令app之間的聯繫更佳。iOS保安做得好，但卻有在mail app附加圖片 (要先在圖片app選發送email) 也不行的低能問題。
作者寫篇咁 ge 文, 一定會有好多人不爽! XDDDDD
其實 Android 好多都係免費, 例如 Whatsapp, Android 免費但 iPhone 要錢, 但原因大家心照, 要係 Android 上收到用家錢…
我覺得問題係好多軟件公司都唔願做 Android program, 或一定係有企業想做d marketing app 才會寫. 我試過寫 Android app, 比間公司問可唔可以寫多幾個版本 for 唔同解像度, 我話可以, 但每個版本都要收一個附加費, 佢塊面黑到….
至於 JB, 真係好易? 除左個兩次 JailBreakMe 外, 我真係唔覺特別易, 另外, JB 亦唔一定係為左老翻, 如果你話 ROOT 機唔係為 老翻. 大家都係為左個 root 權 je. 但照我所知, Android 唔 ROOT 都可以老翻 (作者所為的黑市場), 但 App Store 就唔驚呢樣野!
作為一個 IT 人, 一定明白 “保安” == “使用不方便”. 以 iOS 多方面考慮用家的使用方法, 一些看似低能的要求, 就變得不重要! 如果你係 冠希, 你夠唔夠膽用 Android? XDDDDDD
我唔係IT人，但有睇IT新聞。根據Google所說，Android懂得自動scale個program，所以好多program根本唔駛寫幾百個版本，問題就只在D照copy iPhone變做android嘅program或由一開始只針對800*480寫的program。我唔知呢個係唔係實情，但睇倒最初出GTab時，沒有程式為1024*600寫，但大部份app都顯示正常。我真係好想知所謂唔同解像度要寫幾個版本的實際情況。
JB易唔易就見仁見智。上網有晒傻瓜包，有晒instruction，download個program就OK。我好多科技白痴的女仔都JB晒。同埋面對現實啦，8成iOS用家root都係為ipa，你要夾硬話用cydia app我冇得好講。但上文錯之處就認為root機破壞開發者利益，咁就證明佢根本唔知唔root都可以裝破解檔。這正正是我想講嘅一點。亦有app係必須root先裝倒，例如好多人同我都買左嘅Ti Backup。
保安定方便性，我都講係取捨問題。Nokia黑白機連相都冇得影，最安全，咁又唔見全部人都用？我想指出上文不應一面倒提及好處，有失必有得，不應太偏頗。
你提到好難在Android用家上收到錢，這正是main point，就是生態圈不及蘋果之處！我入來本應就係想睇下有乜高見，有乜背後原因，但點知睇倒呢篇咁嘅文。
其實android whatsapp只係免費一年
ios 間唔中有free 買左就用一世
android寫program 真係做到黑晒面 version／resolution 做到噴晒血
你唔識android whatsapp 十年免費秘技咩??
1 除非你買一部就唔換機 就可以唔計佢值幾錢 如果用家係一年換一次手機apple係雙當吸引 因為非常保值 就講ip4 一出果時買 到34月放左都仲賺34百蚊
2 android唔駛root機都已經咁多老番 返要說的嗎？ 基本上已經冇意想俾錢買app 上個coolapk 已經咩都齊晒. 起碼apple會有d阻止既行為,但android全完冇 好似隻眼開隻眼閉咁.
3 apple既jb老老實實真係一套教學教晒你…如果用android機真係唔知去邊度搵幾千個教學俾你
4 android apps既質數簡直係差到不能接受 用緊gs2果幾個月 係咁hand機彈apps 仲要cpu 唔support d app 呢d咩道理…機王？跑分專用？
5 android d apps都唔少既 不過大部分都係ios 移植, 其實如果apple做盡d apps 呢d字眼都專有化你地真係唔駛玩.. macos用左.apps呢個字成10年都有. multi touch呢d都係apple
6 呢個係創意既問題 每樣野都係睇落平凡 但係冇人諗到 你邊有得跟風？
7 咁就唔知你有冇寫過android apps啦！？ 你想開個android既project 入面既jdk/SDK 多到赫死你 ，就當你寫完一個apps正常行到 但你要照顧唔同版本既android version由1.5去到4 仲不特只仲要 carry埋每個version 唔同大細既mon cpu 同ram 去take care 唔同device既需要 工作量係極高。 當你寫rotate screen果陣先慘 要對住唔同screen version 真係做到想死。
8 android developer 求其整d apps都可以up上去market先做就到d 假像拎到apps數量上升 （應該係google專登咁做）
9 android apps 質數咁差唔係因為 d programmer唔掂 係因為佢係用xml去set佢個ui 所以係好高難度
10 講到android 分化既問題 出左新android？ 高興？ 有排等，如果你係新機等大半年可能有得up
舊機真係免談
最後 有人好鐘2用android咁又有冇用過linux先？用過就知係有幾廢而macos 你用過就知好
我就用過晒window ＞linux＞ macos＞ android 最後先到iphone 用左兩個星期
所以好like iphone keep住炒起 =)
呢位UNCLE睇你都知唔係有經驗GE IT 人
“最後 有人好鐘2用android咁又有冇用過linux先？用過就知係有幾廢而macos 你用過就知好”
???
這是什麽道理??!認真講,LINUX 同Mac OS 都係類UNIX ,大家差唔多, 更可況LINUX 更加係開放, UI 想點就點.
APPS質數好唔好,係睇個DEVELOPER 有冇HEART,我都見過APPS STORE 到有”加X鷹 金手指攻略”,咁姐係點?
其實唔應該一面倒反ANDROID,一面倒反IOS, 其實各有好處LOR
利申:
70%撐ANDROID,30%撐IOS
sorr 囉
我唔係uncle
廿帥仔 仲讀緊書
對人講野咁冇禮貌
一d都唔中肯
個名仲要改做android 明顯係打手
apps質數好唔好係 os問題
唔通你會覺得linux software質數會好過window 同mac？
“LINUX 同Mac OS 都係類UNIX ,大家差唔多”
我唔知你有冇用過而講呢句說話
“金手指攻略”咁呢個apps內容係冇破壞／令system有危險 咁就冇問題啦
裝android d apps (正常人)咩都唔睇accept晒用用下就出事
SORRY
你話自己係IT人,我估你4X”帥”
apps質數好唔好,真係關個DEVELOPER LOR, 我用緊WINDOWS+LINUX(UBUNTU),我覺得UBUNTU SOFTWARE CENTER 到有好多APPS 好過WINDOWS好多好多.
係,我係未用過MAC,但係MAC 真係好似LINUX,仲有用MACBUNTU 等SOFTWARE就可以變到80%似MAC OＳ X
「”金手指攻略”咁呢個apps內容係冇破壞／令system有危險 咁就冇問題啦」你呢D就係你講GE “APPS 質數”???咁我可以同你講,ANDROID D APPS 99% 都好高質素.
另外,我改名做ANDROID 伶,係因為我係研究ANDROID 多,所以我叫ANDROID 伶,我唔係打手
真係GE,STEVE JOBS 係好勁GE 人,我都覺得IPHONE GE DESIGN 好好,但我真係好不屑STEVE 做GE 野.
BY ANDROID 伶,依然70%撐ANDROID,30%撐IOS
唔通你會覺得linux software質數會好過window 同mac？ <– 呢句說話本身都有 bias, 唔見得閣下講說話有幾中肯
Linux software 質素係咪好得過 Windows & Mac 真係睇用途
我唔知你廿歲仔仲讀緊書究竟真係用過幾多野, 不過我返工 office 就只有 Mac & Linux, Linux 我自己都用左 12 年, 唔 sure 你係咪 8 歲就開始玩 Linux 所以唔敢講話經驗多過你, 但係以 stability 計 Linux 同 Mac 真係非常好, mac 我用來做 desktop, Linux 做 server, 現今大部份出面 host web 既 server 都係 linux based, Windows 就睇客路, 有 ASP 果 d 咪硬食 Windows, Mac based 老實未見過 (你唔駛提我 Apple 有 OSX Server, 不過真係未見過人用)
裝android d apps (正常人)咩都唔睇accept晒用用下就出事 <– 呢個係用者既問題, 唔可以賴晒落去 Android 度, 人地俾份合約你簽睇都唔睇就簽左之後出事應該入邊個數? 你屋企個窗打得開有人跳樓死左唔通話係發展商既問題?
1. Apple 野保值既原因只因外型, 君不見每代新 iPhone 推出時發現新 bug 新 defect 時 d 人邊鬧邊用?
2. 呢個係人既素質問題, 想用老翻既人總之就係點都唔會想俾錢, 話知你係 iOS 定 Android 定 Symbian/Windows Phone, 唔好賴落個 OS 度
3. 難不成 XDA forum 裡面既 root 機教學就唔係教學? 你去睇真 d 先講啦…
4. 唔通 iOS 上就 0% 廢 app? 我身邊既人用 iPhone 既成日投訴舊電唔頂得耐, 點計?
5. 請先搞清楚咩為之移植….而家好多有實力既 developers 根本係雙線發展, 兩邊一齊出 apps, 唔存在話邊個移到邊個 OS 之上. 大部份移植呢樣野我諗呢冇數字就唔好講喇…..BTW Multi-touch 不是 Apple 發明, 佢只係第一個應用佢係 mobile device 兼搶先 reg patent 既公司
6. 每間廠都嘗試緊發揮創意去吸客….
7. 唔通 iOS 由舊版轉到最新 5.x 又完全唔駛重寫? Android 大多數可以 auto resize 所以根本唔駛寫到咁你講咁慘….你見到仲有咁多人參與 Android Apps development 就知啦
8. 你不如整個垃圾 app up 上去 Android MKT 再睇下會唔會被下架先講, ok? iOS 寫 App 逼人指定要用 Mac 機開發我亦唔見得有咩好.
9. 就當真係 programmer 問題, 唔通一個只識寫垃圾既 programmer 轉去 iOS platform 就會自動寫得出隻好玩過 Angry Bird 既 game? 再者 XML set UI 高難度同 apps 質素有咩關連? 你講野之前經下大腦先得唔得?
10. 其實好多非 technical background 用家都未必知道 d update 係乜….我女友部 HTC Desire 有 Gingerbread 2.3…..但到而家 ICS 4.0 出左佢部機都仲係 2.2…..根本從來都無 click 過 update 呢個 button….
我係一個 Windows/Linux/MacOS 都用既人, DOS 6 + Windows 3.1 開始用, Linux 用左 12 年, 讀書時代用既係 Apple IIe, 正職做既係 Linux server troubleshooting. Android/Symbian 只係年多之前先開始用, iOS 無用過因為我雖然有 Mac desktop 但亦有好長時間係用 Linux, 對於一部插住 USB 駁 Linux 連過片過相都做唔到既手機 (冇 itunes) 根本無興趣. 我唔係要比較 D 咩, 我只知各有各好, Android/Symbian phone 係我工作用機, 因為 iPhone 今生今世都唔會有 keypad 機可以俾我用到, 但我同意玩 game iPhone 係唔錯的. 香蕉同橙本來就係兩樣唔同既野, 點解硬要比較邊個好 d? 仲要學左原文作者呢種謬誤?
這個筆者肯定是Apple fans，只說Apple的好，Android 真的這麼差嗎。
Android root 機只是高級用家才會試，實際上Android不用root也可以使用得很好，免費軟件也不小。
Apple 機在香港 JB 的用家小嗎，實際上你不JB，有些功能是不足的。
市場定生死，但Android 市場的份額是不斷夠加中。市場接受單一的封閉系統，還是開放系統，情況一如當年的MAC機和PC機，歷史會否重演，過多一兩年便知。
算啦，呢個網咁偏頗，唔使再黎了。
作者及妻子對Android那麼不滿意, 為什麼不轉用IOS? 為什麼還要受斷六親和一天便當機重啟幾近五次之苦?
主編又係一個超級蘋果迷…偏頗…沒有新意…對這篇文章感到失望
p.s. 本人是用ipad和android的。
“前科技雜誌主編，從事媒體工作愈 15 年”做左咁耐都唔知點樣叫客觀,上面朋友講過o既野我唔講啦,講其他未講o既…
1.”谷歌等一眾安卓系統（Android OS）手機陣營是無法與蘋果 iOS 抗衡”—有無面對現實,現在邊個銷量高d?mac機同pc比又邊個高d?
2.”因為沒有分銷商，令軟體成本和售價可以降低”—邊個話一定架,封閉系統可以令apple抽水幾多都得,有競爭先會平,簡單道理筆者都唔明?
3.”推出一百九十多個軟體版本，實在令人疲於奔命”—依個報導事後已經俾人話誇大左,如果真係咁重有軟件商會做android版本?
4.”支援三星 Galaxy Note 的軟體數量和多元性一定不及 iPad”,—note用緊android 2.3,可用大部份軟件,點會比ipad少???
5.”蘋果的手棧產品價格抗跌力強，升值能力甚至超過投資”—依樣野同題目無關,即係離題
6.”筆者太太的 HTC Magic 手機購買了不夠兩年，就因為 Android OS 是 1.6 關係，無法升級至 2.3″—可笑的是筆者為IT人,居然唔識為太太刷ROM升上2.X,可悲
7.”英國影星休·葛蘭（Hugh Grant）手機上的私人照片和留言錄音無故被駭客放上網，傳聞就是用上安桌系統的手機。”—傳聞,未經証實都當論點???,另外手機應該要經”有心人”親手安裝先會俾hack,即係當事人唔小心啦,咁樣即使係iphone都會俾人hack
本人拥有IPAD, Asus TF101, Samsung Galaxy S2, IPOD TOUCH.. 以前用过几部HTC…
i 产品唔系唔好，玩一阵就觉得无聊…. 论function, 多元化, 生产能力… Android胜好多…
依家我d i 产品全部俾洗阿妹细佬….
各花入各眼，青菜萝卜各有所好…. 施主，你依家一篇定输赢？
对unwire.hk滴盲苹果情操本都不加理睬，点知个主篇盲成坩…. 失望………..
雖說是獨立評論，但咁偏頗論調都quote出黎亦難掩飾貴站立場
本文作者已被插爆，足證大家在用時亦會思考
補充一點，其實文中目光太過狹窄，Apple生態系統的確係大，但其實open source之威力，就已經令Apple係美國市場輸人地20%，你又睇到更大，以生產商為主導的生態系統？
我覺得美國多人用android未必真係為了個os而買，
而係厭了iPhone 的一色一樣，而佢地又想換手機，
巿場上除了android新機外，別無選擇。
點會唔大，其實真的能活用到android功能又有幾多，最多咪又係whatspp Facebook 玩下些game等。
所以對這些大多數，更唔更新又有什麼問題。
睇曬咁多對呢篇野既評論, 只可以講, 呢篇野純粹係呢位作者既主觀意見, 一睇無況, 笑下就算, 至於, 買乜野手機, 作為消費者, 最好都係睇多d唔同領域既資訊, 自己親身去店舖度試一下手機既功能, 睇下係咪適合自己既需要, 咁做好過睇埋呢d咁既文章
論點都很正確,而且貼近事實，只是手機本來就冇生命的，所謂”手機生態系統”一詞只是作者以自有見解創作出來的，並未包含嚴格定義，而生態系統和生態系統的匹敵又是甚麼意思呢？
事實Google 跟蘋果的商業模式本來就不同，以蘋果的尺去衡量對手是不公平的。對於使用者而言，開放平台所帶來的程式之開更緊密的整合尚未提到，就已經得出開放設計未見其利先見其害的結論，到底是未見還是未懂得欣賞？又例如在開發者方面，被強迫講買Mac platform 的成本,也遠高於開放式源碼的Eclipse + ADK。甚至乎等候審核過程的成本，或因而錯失的先機又應該怎去量化呢？
所以一個軟體放到 AppStore 大家行內都清楚最快要三個月，最遲要一年時間<—– 講大話都做下 research 先喇廢人
若以全球人口六十億計算，只有一個百份點人願意購買，就可以帶來六千萬美元收益。蘋果 AppStore 生態圈幫助全球不少中小企和業餘開發者一夜暴富，只要有創意和智慧，絕對是可以解決窮富懸殊和抗衡地產霸權。
60億人？你知唔知地球上仲有 “發展中國家” 既存在？？
蘋果 AppStore 幫助開發者一夜暴富、解決窮富懸殊和抗衡地產霸權？？ 你無野呀？小學生吹水都無你咁誇張！我懷疑你連個 hello world 都未識寫囉！ 如果你有開發經驗，你就知做開發人員係絕對唔會一夜暴富！！而失敗者都有非常多！你講到咁偉大，你不如話 AppStore 可以帶黎世界和平同解決糧食短缺丫笨！！
Read and research more before you post.
Mr editor
我很喜歡用 OS 作為例子
好多人讚 MacOS, Unix, Linux
但最多人用始終是 Windows
其實 Mobile 都開始有這個現象出現
全篇文最好笑是講價格抗跌能力
Android 4.0 講緊 Unified UI, 我又唔見篇文有提
我自己是做 IT, 間中要從不同的 technology 中揀一個適合 User Scenario 的
經常都要提醒自己不要有 bias
可能作者不是做 IT, 只是一位專欄作者, 因此不需要有這種思維
支持
好一篇打手文….
發表者原名應該係 unAndroid Wong，而並非Andrew Wong，哈哈！
個結論真係精要喇！
我以一個用左ANDROID 年幾既人講一句
筆者係未用過ANDROID
本身我自己係由iphone 4 轉會 galaxy note
原因好明顯係大mon
先以用家既身份去睇:
而家全部雙核機~講真手感上冇太大分別
係browser有少少之外
的確好多東西都方便左~
就講其中一樣就係歌,片一拉落folder就搞掂
點解可以多方便~因為Android係一個”開放既平台”
再以IT身份談談”開放平台”
大家好似誤解root同jb係同一樣野
又或者將iphone jb 同 black market 淆為一談
我由ip2g玩上4…講真iphone jb速度已經越黎越慢
半年時間jb 我當一年換一次新型號 這段時間已經很長
所以這是樓主所講既security
而各大廠願寫iphone app既原因
再講講Android
搵個apk~install搞掂
再懶d直接去balck market又得
以上所講並不雖要甚麼root 機
“開放”同”安全”根本是兩碼子既事
開放對用家是好事
但對靠寫app賺錢既~就係真….
幅圖唔錯，我好欣賞。
做一篇evaluation~成篇野research好不足
作者好明顯未用過android~更加唔知乜係root~
仲要成篇野一d data都無~無講到全球手機銷售量~又無講開發商嘅收益
(事實上好多app之所以免費係因為靠廣告)
唯一成功嘅就係點嘩眾取寵
建議: 請善用google search XD
一編垃圾文章
一個自巳為是的作者
一個早有立場又假作開放公平的網站(相信用同一立論但指責ios的文章一定不能在此發發布)
可憐復可笑
所以呢度就多左一個低能的留言者～！
開放公平就唔可以有評論，比較？
文章指出android生態圈上缺點就叫垃圾？
1. [唔可以有評論，比較？] 哪裡提及唔可以?
2. [垃圾] 哪裡提及垃圾 ?
^__^ 不用急, 想清楚要表達什麼意思再來吧.
1.哪裡提及唔可以?
如果樓上容許有評論，就不會只有謾罵。
2. [垃圾] 哪裡提及垃圾 ?
請看樓上第一句=.=
請問閣下做主編果本所謂科技雜誌係咪已經摺左?
其實讚android的文章，一樣好偏頗，筆者的確道出好多Android的問題，都仲未講Android機的design同造工令唔少人卻步tim～
根本係2種係唔同類型的產品，就好似有人鍾意Window，有人鍾意Mac，有人鍾意砌機，有人買牌子野，各有所好～
e＋d人 個腦識轉
唔安全＝好用xd
open source 唔會拎google賺大錢
廣告可能賺到d既
ios冇咩？！
非常真確!
非常事實!
非常有膽識寫出來！
也一定會有非常大回響！
誰是誰非？
時間歷史會有答案！
在程式員的角度看, 你篇文是成立的.
但在用家角度, 只要便宜好用的電話, 無人會去care所謂的生態圈問題,
Android 的生態圈是以硬體/用家數量為中心的, 而非軟體.
軟體幾成功都無用的, 用家多先係王者, 睇下MS windows(PC)同iOS (Mac)既分別就可以估計到Android同iOs日後的演變了. 不過apple不會倒台的, 因為有像筆者一樣的死忠fans支持.
腦殘～
軟體幾成功都冇用？你用智能手機就唔用軟體？
冇優良軟體～
什麼雙核cpu，什麼記憶體就只用來睇睇片，睇網頁～
好好了解咩係生態圈先出聲啦～
Android 與iOS的關係就如戰國年代的『六國VS秦國』
合縱對連環
iOS(秦國)喜歡一板一眼，統一
感覺真的比較霸道
但在他的國境之內app(人)與app(人)之間的互相受到保護真的是android難以比較
Android(六國)陣營各有特長
尤以SAMSUNG(齊國)為先
但廠商之間的各懷鬼胎又真的苦了用家(人民)
但GOOGLE如果能有更大權力管治各大廠商
相信與IOS平分天下，甚至奪取江山也不難
之前提出的18個月內FIRMWARE升級方案又有幾多廠商做到？
所以GOOGLE下除了親生仔外真的難以取捨
真正接觸及有經驗了解不同系統的用家, 通常都會有持平心態去面對任何系統, Unix / Netware / Linux / Win奴s / Mac OS / IOS / Android / Symbian / BlackBerry OS 都各有個性及空間去生存, 在本人認知以外還有不少航天科技及工業用系統, 不是一般想學便可以接觸的. 沒有什麼 “一定好不好” 或 ” 唯一” 就是最理想, 世界很大, 知識無限.
但近年智能手機大熱卻是引出不少科技盲及聲稱是科技界人士發表很多粉絲論, 傾則一方去隱惡楊善, 作為一個粉絲固然對某產品愛不釋手. 這是合呼他們喜愛追隨的個性, 不過在公開平台作出如此行為非但對本身產品披上厭惡感, 還會自降格調顯出本身認知不足.
作為一個用家或消費者, 你喜歡夠簡單夠白目不用多煩去使用是你自己的個人喜好, 沒什麼好與壞及對與錯 , 不用扣帽子也不用創作低智論點去把其他產品或系統拉下, 要是如你所說真的如此不濟, 那就會給市場排濟, 就好像 “Nok奇牙 ” 現時兩面不是人, 自不然會有負面情況出現. 反之, 現時 Android 系統佔有率每月提升, 而 “埃OS ” 系統佔有率放緩, 正正是反映出世界不是唯一的就好, 本人也不想 IOS 系統統走向 Mac OS 歷史之路, 相信很多用家也不會讚 Win奴s 是有幾好有幾奇妙有幾 Amazing , 要是有得選擇 , 我們還會購買及使用一個會超過十年都會藍屏的系統嗎 ?
結論是當你購買蘋果和谷哥手機時，可能真的要細心想想自己是單一思考類, 自我感覺良好 ; 還是多向思維形式, 以持平開放態度去支持自由.
成篇文章睇左一半就知係垃圾….
本人雖然亦是iPhone及iPad用家,
但這篇文章多個論點都只係作者自己的幻想.
例如: “例如筆者的安卓手機上的 HTC Sense 一天便當機重啟幾近五次”….這只代表program寫得差…同Android系統本身無關.
“硬件平台和解像度都是一致…喬布斯在臨死前仍一直拒絕 iPhone 4S 採用大屏幕設計” …這只是因為成本同利潤嘅問題…唔係作者所幻想嘅”不同的屏幕解像度會破壞整個開發生態圈在開發上的簡易性”
on 九 !
http://www.bbc.co.uk/news/technology-16054945
Carolina Milanesi, from analysts Gartner, said download numbers were a poor measure of success.”The number game matters to industry watchers and helps advertising but it is not changing the bottom line,” she said.”Quality of the apps and the store in general and curation in particular should be the focus for Google,” she said. “This is where I still see a difference between the Apple App Store and Android Market.”This might not impact downloads but it will eventually impact the revenue opportunity for developers,” she told the BBC.唔係佢一個咁睇, 連Carolina Milanesi 係一個analyst 都講…Quality (質素)先係重點! 因為android market apps 質素實在太參差
如果你是開發者，弄 iOS 版和 Android 版的軟件，而 iOS 版比 Android 版高一些的話，Apple 就會不高興罵你。如果你不合作調整價格，你的 iOS 軟件就會被迫下架。這就是 iOS 版軟件不會比 Android 版貴的原因。
另外，我想問大家有沒有記得，當初 LINE 通訊軟件突然被 Apple 強行拉下架的事？Apple 為一己私利，強行把軟件拉下架，這些都已經不是新聞了。反觀 Android，即使沒有 Android Market，只要有 apk 就可以安裝了。
要開發 iOS 軟件，一定要有一台 Mac。如果你 crack 機去裝 OSX 的話，你就沒資格為 Apple 講好說話。反觀 Android，不論 Windows, Linux, Mac 都可以進行開發。
“一夜暴富….可以解決窮富懸殊和抗衡地產霸權” — 經濟新解釋;”加快了軟體更新速度” — 開發者利益出發？設計完善的軟件需要經常更新嗎？”為照顧軟體能在一眾安卓手機運行…推出一百九十多個軟體版本” — 誇得太大了吧？
“HTC
Sense 一天便當機重啟幾近五次” — 我也用過 HTC Sense，從未當機到需要重啟，你真的是用 Android 系統嗎？
“無炒賣和投資價值” — 這世代的價值觀就是被蘋果文化所熏陶下形成的，可哀！
“修改及加入自己的設計” — 競爭是進步的燃料，從 iphone 2、3、4、5，你看到有甚麼創意性的分別嗎？”HTC
Magic …不夠兩年…無法升級至 2.3″ — 你那iphone2可以上 ios5 嗎？”ROOT
機的問一直是谷歌沒有正視的” — 可以 root 的機才是消費者掌回已購入的手機的自主權。
1. 事實上，谷歌和蘋果的營運生態圈是截然不同，正因這種生態圈不同，谷歌等一眾安卓系統（Android OS）手機陣營是無法與蘋果 iOS 抗衡。 <– 因為 A 與 B 不同, 所以 A 無法與 B 抗衡, 這是何等邏輯?
2. 有心用老翻的話 Android system 唔駛 root 都得, 你究竟有無真係用過 Android 架?
3. AppStore 裡是沒有手機保安軟體 <– Apple 根本就唔俾呢 d software 上架 (觸及系統核心層面)
4. Android free apps 數目其實好大量…iOS 要寫 apps 要買 Mac 機又要俾錢 Apple 買 SDK 你又知唔知先?
5. 從前的手機只能打出打入 + SMS 時你有無斷六親的感覺? 難道只有 Android 機廠商希望你不斷買新手機而 Apple 不想嗎?
6. 唔通 iOS JB 之後就唔會碰到惡意程式? 用官方 AppStore 同人地黑市場咁樣做比較都得既咩?
7. 最近英國影星休·葛蘭（Hugh Grant）手機上的私人照片和留言錄音無故被駭客放上網，傳聞就是用上安桌系統的手機。 <– 枉你自稱做傳媒十五年….你老師有無教你傳聞同事實既分別? 唔怪之得江總未死都會有新聞出街….老實講我 Search 左好耐都搵唔到你講既傳聞, 可以既話最好 quote 下…我搵到關於 Hugh Grant voice mail 洩漏既事係 2007 年, 很抱歉地我要話你知 Android OS 既 initial release 係 2008 年 9 月, 莫非 Hugh Grant 係未來人?
8. 結論是當你購買蘋果和谷哥手機時，可能真的要細心想想。 <– 呢句似係人講既說話, 但與前文後理無關.
睇完呢篇文既感想只能話係….此文筆者俾我感覺係 "網路打手" 囉….